ஆதம் நகர் இளைஞர் நற்பணி மன்றம் தொடக்கம், புதிய நிர்வாகிகள் தேர்வு, அலுவலகம் திறப்பு!

அதிராம்பட்டினம், அக்.10
அதிராம்பட்டினம் ஆதம் நகர் இளைஞர் நற்பணி மன்றம் தொடக்கம், புதிய நிர்வாகிகள் தேர்வு, புதிய அலுவலகம் திறப்பு விழா மஸ்ஜிதுர் ரஹ்மான் பள்ளிவாசல் வளாகத்தில் வெள்ளிக்கிழமை நடைபெற்றது.

நிகழ்வினை, ஹாபிழ் எம்.எஸ் முகமது முஸ்தபா கிராத் ஓதி தொடங்கி வைத்தார். நிகழ்வுக்கு, ஜமாத் துணைத்தலைவர் ஆர்.ஹசன் அலியார் தலைமை வகித்து புதிய அலுவலகத்தை திறந்து வைத்தார். சிறப்பு அழைப்பாளர் மவ்லவி முகமது இத்ரீஸ் சிறப்புரை வழங்கினார்.

நிகழ்வில், ஆதம் நகர் இளைஞர் நற்பணி மன்ற புதிய நிர்வாகிகள் தேர்வு நடைபெற்றது. இதில், தலைவராக டி.அல் அமீன், செயலாளராக ஏ.நாவித் அகமது, துணைச்செயலாளராக ஏ.வாசிம்கான், பொருளாளராக பி.முகமது அசாருதீன், துணைப்பொருளாளராக எஸ்.அப்துல் பாசித், மருத்துவ அணி பொறுப்பாளராக எஸ். சைத் இப்ராஹீம் ஆகியோர் ஏகமனதாக தேர்வு செய்யப்பட்டனர். இந்நிகழ்வில், ஆதம் நகர் ஜமாத்தார்கள், இளைஞர்கள் பலர் கலந்துகொண்டனர்.

ஆதம் நகர் இளைஞர் நற்பணி மன்றம் சார்பில் கப சூரக் குடிநீர் வழங்கல் (படங்கள்)

அதிராம்பட்டினம், ஆக.24
ஆதம் நகர் இளைஞர் நற்பணி மன்றம் சார்பில், கரோனா முன்னெச்சரிக்கை தடுப்பு நடவடிக்கையாக, உடலில் நோய் எதிர்ப்பு சக்தியை அதிகரிக்கும் வகையில், பொதுமக்களுக்கு கபசூரக் குடிநீர் திங்கட்கிழமை வழங்கப்பட்டது.

நிகழ்வில், ஆதம் நகர் ஜமாஅத் துணைத்தலைவர் ஆர்.ஹசன் அலியார் தலைமை வகித்தார். ஆதம் நகர் ஜமாத்தார்கள் முன்னிலை வகித்தனர். சிறப்பு அழைப்பாளராக ஆதம் நகர் ஸ்கை கேர் மருத்துவமனை மருத்துவர் டாக்டர் எஸ்.சந்துரூ கலந்துகொண்டு முகாமை தொடங்கி வைத்தார்.

நிகழ்வில், ஆதம் நகர் இளைஞர் நற்பணி மன்ற நிர்வாகிகள், உறுப்பினர்கள்  ஆதம் நகர் குடியிருப்பு பகுதிகளில் வீடு வீடாகச் சென்று, பொதுமக்களுக்கு கபசூரக் குடிநீரை வழங்கினர்.

 

 

 

 

 

 

 

 

எம்.எஸ்.எம் நகர் மஸ்ஜீத் ரஹ்மான் நிர்வாகக் கமிட்டி நன்றி தெரிவிப்பு கூட்டம் (படங்கள்)

அதிராம்பட்டினம், ஜூன் 20
அதிராம்பட்டினம் எம்.எஸ்.எம் நகர் மஸ்ஜீத் ரஹ்மான் நிர்வாகக் கமிட்டி சார்பில், பள்ளிவாசல் தண்ணீர் தேவைக்கு நிதியுதவி அளித்த கொடையாளிகளுக்கு நன்றி தெரிவிப்புக் கூட்டம் புதன்கிழமை மாலை நடைபெற்றது.

நிகழ்ச்சிக்கு, பள்ளிவாசல் நிர்வாகக்கமிட்டித் துணைத் தலைவர் அசன் அலி தலைமை வகித்தார். பள்ளிவாசல் நிர்வாகி இ.வாப்பு மரைக்காயர்  அனைவரையும் வரவேற்றுப் பேசினார்.

கூட்டத்தில், பள்ளிவாசல் நிர்வாகத்தின் கோரிக்கையை ஏற்று தண்ணீர் தேவைக்காக நிதி ஏற்பாடு செய்துகொடுத்த அதிரை பைத்துல்மால் ரியாத் கிளைத் தலைவர் ஹாஜி ஏ. சரபுதீன் மற்றும் அவ்வமைப்பின் நிர்வாகிகளுக்கு நன்றி தெரிவிக்கப்பட்டது. மேலும், பள்ளிவாசல் அடிப்படை கட்டமைப்பு பணிகளுக்கு அவ்வப்போது உதவி வரும் கொடையாளிகளுக்கு நன்றி தெரிவிக்கப்பட்டது.

கூட்டத்தில், சிறப்பு விருந்தினராகக் கலந்துகொண்ட எம்.எஸ்.எம் அறக்கட்டளை செயலாளர் எம்.எஸ்.எம் முகமது யூசுப் பள்ளியின் நிர்வாகம்  மற்றும் பராமரிப்பு செலவீனங்களுக்கு தமது அறக்கட்டளை மூலம் உதவதற்கு அனைத்து ஏற்பாடும் செய்து தருவதாக குறிப்பிட்டுப் பேசினார். மேலும், கூட்டத்தில் பள்ளிவாசல் இமாம் மற்றும் முஅத்தீன் ஆகியோரின் மாதச் சம்பளத்தை தேவைக்கேற்ப உயர்த்தி வழங்க வேண்டுமென வேண்டுகோள் விடுத்தார்.

இக்கூட்டத்தில், சமூக ஆர்வலர்கள் ஹாஜி முகமது புஹாரி, ஹாஜி எஸ்.ஏ அப்துல் ஹமீது, வழக்குரைஞர் ஹாஜி ஏ. முனாப், இன்ஜினியர் இல்முதீன்,  ஜாஃபர் அலி, சாதிக், அப்துல் மாலிக் மற்றும் எம்.எஸ்.எம் நகர் மஹல்லா நிர்வாகிகள் உள்ளிட்ட பலர் கலந்துகொண்டனர். கூட்ட முடிவில், பள்ளிவாசல் நிர்வாகி பிஸ்மில்லாகான் நன்றி கூறினார்.