மரண அறிவிப்பு ~ மெஹருன்நிசா (வயது 62)

அதிரை நியூஸ்: ஏப்.30
அதிராம்பட்டினம், மர்ஹூம் அ.இ.சே முகமது தம்பி அவர்களின் மகளும், என்.குலாம் ரசூல் அவர்களின் மனைவியும், அ.இ.சே முகைதீன் அப்துல் காதர், மர்ஹூம் அ.இ.சே முகமது சலீம், அ.இ.சே நஜ்முதீன் ஆகியோரின் சகோதரியுமாகிய மெஹருன்நிசா (வயது 62 ) அவர்கள் அதிராம்பட்டினம் லாவண்யா திருமண மஹால் பின்புறமுள்ள இல்லத்தில் இன்று காலை வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிவூன்.

அன்னாரின் ஜனாஸா இன்று (30-04-2020) மதியம் 3.30 மணியளவில் மரைக்கா பள்ளிவாசல் மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துவா செய்வோம்.

கரோனா: தஞ்சை மாவட்டத்தில் குணமடைந்தோரின் எண்ணிக்கை 35 ஆக உயர்வு!

அதிரை நியூஸ்: ஏப்.29
கொரோனா தொற்றுநோய்க்கு சிகிச்சை பெற்று வந்த இரண்டு நபர்கள் குணமடைந்து இன்று வீடு திரும்பியுள்ளனர் என மாவட்ட ஆட்சித்தலைவர் ம.கோவிந்த ராவ் தகவல் தெரிவித்துள்ளார்.

தஞ்சாவூர் மாவட்டத்தில் கும்பகோணம் பகுதியைச் சேர்ந்த ஒன்பது நபர்கள்,  திருவையாறு பகுதியைச் சேர்ந்த மூன்று நபர்கள், திருவோணம் பகுதியைச் சேர்ந்த ஒரு நபர், ஒரத்தநாடு பகுதியைச் சேர்ந்த ஐந்து நபர்கள், அதிராம்பட்டினம் பகுதியைச் சேர்ந்த பதினொரு நபர்கள், அம்மாபேட்டையைச் சேர்ந்த நான்கு நபர்கள், தஞ்சாவூர் பகுதியைச் சேர்ந்த மூன்று நபர்கள் உட்பட 55 நபர்களுக்கு இதுவரை கொரோனா நோய்த்தொற்று உறுதி செய்யப்பட்டுள்ளது. நேற்றுவரை உறுதி செய்யப்பட்ட 55 நபர்களில் 33 நபர்கள் குணமடைந்து வீடு திரும்பியுள்ளனர்.

தஞ்சாவூர் மருத்துவக்கல்லூரி மருத்துவமனையில் கொரோனா தொற்று நோய்க்கு சிகிச்சை பெற்று வந்த கும்பகோணம் பகுதியைச் சேர்ந்த ஒரு நபர், பாபநாசம் பகுதியைச் சேர்ந்த ஒரு நபர் என் இரண்டு ஆண்கள் என இன்று ஒரே நாளில் சிகிச்சை பெற்று வந்த இரண்டு நபர்கள் குணமடைந்து இன்று வீடு திரும்பியுள்ளனர்.

தஞ்சாவூர் மாவட்டத்தில் கொரோனா நோய்த்தொற்றால் பாதிக்கப்பட்டு 55 நபர்கள் தஞ்சாவூர் மருத்துவக்கல்லூரி மருத்துவமனையில் சிகிச்சை பெற்று வந்தனர். அதில் 33 நபர்கள் ஏற்கனவே சிகிச்சை முடித்து குணமடைந்து வீடு திரும்பிய நிலையில், இன்று மேலும் 2 நபர்கள் குணமடைந்து வீடு திரும்பியுள்ளனர்.

மேலும் 20 நபர்கள் தொடர்ந்து சிகிச்சை பெற்று வருகின்றனர். இவர்களை தஞ்சாவூர் மருத்துவக்கல்லூரி முதல்வர் திருமதி.குமுதா லிங்கராஜ் அவர்களும் மற்றும் மருத்துவக்கல்லூரி மருத்துவர்களும் குணம் அடைந்தவர்களுக்கு பழங்கள் மற்றும் குணமடைந்ததற்கான சான்றிதழினையும் வழங்கி வழியனுப்பி வைத்தனர்.

மேலும் குணமடைந்து வீடு செல்லும் 2 நபர்களும் தொடர்ந்து 14 நாட்கள் அவரவர் இல்லத்தில் தங்களை தனிமைப்படுத்திக் கொள்ளுமாறு அறிவுறுத்தப்பட்டனர்.

காய்ச்சல், சளி, இருமல் ஆகிய அறிகுறிகளுடன் தஞ்சாவூர் மருத்துவக்கல்லூரி மருத்துவமனையிலும், ராஜா மிராசுதார் மருத்துவமனையிலும், செங்கிப்பட்டி அரசு பொறியியல் கல்லூரியிலும் தனிமைப்படுத்தப்பட்டு மற்றும் சிகிச்சை பெற்ற 3694 நபர்களுக்கு ஸ்வாப் டெஸ்ட் எடுக்கப்பட்டது. 3305 நபர்களுக்கு அறிகுறி இல்லை என தெரிய வந்துள்ளது. 334 நபர்களுக்கு பரிசோதனை முடிவுகள் வர வேண்டியுள்ளது.

கொரோனா நோய்த்தொற்று பரவாமல் தடுப்பதற்கு மாவட்ட நிர்வாகத்தின் சார்பில் எடுக்கப்பட்டு வரும் அனைத்து நடவடிக்கைகளுக்கும் தஞ்சாவூர் மாவட்ட பொதுமக்கள் முழு ஒத்துழைப்பு அளித்திடுமாறு கேட்டுக்கொள்கிறேன்.

மேலும், கொரோனா நோய் முன்னெச்சரிக்கை தொடர்பான சந்தேகங்கள் மற்றும் புகார்களுக்கு 9345336838 (வாட்ஸ்அப்), 04362-271695, 1077 (கட்டுப்பாட்டு அறை) ஆகிய தொலைபேசி எண்களில் தொடர்பு கொள்ளலாம்.

மரண அறிவிப்பு ~ ரஹ்மத்துனிஷா (வயது 49)

அதிரை நியூஸ்: ஏப்.29
அதிராம்பட்டினம், மப்ரூர் நகர் மவுலான என்கிற ஹாஜி எம்.ஏ முகமது அபூபக்கர் அவர்களின் மகளும், எம்.டி.எம் அஸ்ரப் அவர்களின் மனைவியும், சம்சுல் ஹுதா, முகமது சாலிகு ஆகியோரின் சகோதரியுமாகிய ரஹ்மத்துனிஷா (வயது 49) அவர்கள் இன்று மதியம் 3.15 மணியளவில் வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிவூன்.

அன்னாரின் ஜனாஸா இன்று (29-04-2020) இரவு 9 மணியளவில் மரைக்கா பள்ளிவாசல் மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துவா செய்வோம்.

அதிராம்பட்டினம் கரையூர் தெரு கிராமத்தில் கப சூரக் குடிநீர் வழங்கல் (படங்கள்)

அதிராம்பட்டினம், ஏப்.29
கரோனா வைரஸ் தடுப்பு முன்னெச்சரிக்கை நடவடிக்கையாக, உடலில் நோய் எதிர்ப்பு சக்தியை அதிகரிக்கும் வகையில், அதிராம்பட்டினம் கரையூர் தெரு கிராம பஞ்சாயத் சார்பில், மாரியம்மன் கோவில் எதிரில் பொதுமக்களுக்கு கப சுரக் குடிநீர் இன்று புதன்கிழமை காலை வழங்கப்பட்டது.

அதிராம்பட்டினம், கரையூர் தெரு கிராம பொதுமக்கள் சமூக இடைவெளியை பின்பற்றி கப சூரக் குடிநீரை வாங்கி அருந்தினர். ஏற்பாட்டினை, கரையூர்தெரு கிராம நிர்வாகத் தலைவர் அய்யாவு, துணைத்தலைவர் வீரையன், பொருளாளர் அய்யப்பன் மற்றும் பஞ்சாயத்தார்கள் செய்திருந்தனர்.

 

அதிராம்பட்டினத்தில் ஒரு மணி நேரத்தில் 2 செ.மீ மழை: பொதுமக்கள் மகிழ்ச்சி!

அதிராம்பட்டினம், ஏப்.29
அதிராம்பட்டினம் மற்றும் சுற்றுப்புற பகுதிகளில் பகலில் கடும் வெப்பம் நிலவி வந்த நிலையில் இன்று புதன்கிழமை அதிகாலை 2.30 மணியளவில் லேசான இடியுடன் கூடிய மழை பெய்தது. சுமார் 1 மணி நேரம் நீடித்து பெய்த மழையால் இப்பகுதியில் வெப்பம் தணிந்து குளிர்ச்சி நிலவியது. பொதுமக்கள் மிகுந்த மகிழ்ச்சி அடைந்தனர்.

தஞ்சை மாவட்டத்தில், அதிகபட்சமாக அதிராம்பட்டினத்தில் (ஏப்.29) புதன்கிழமை காலை 8.30 மணியுடன் முடிவடைந்த கடந்த 24 மணி நேரத்தில் 2 செ.மீ மழை பதிவாகியது.

பாதிக்கப்பட்ட அதிராம்பட்டினம் தென்னை விவசாயிகள் பட்டியல் வருவாய் ஆய்வாளரிடம் ஒப்படைப்பு!

அதிராம்பட்டினம், ஏப்.28
பாதிக்கப்பட்ட தென்னை விவசாயிகளின் பட்டியல் வருவாய் ஆய்வாளரிடம் அதிரை அனைத்து மஹல்லா கூட்டமைப்பு நிர்வாகிகள் இன்று (ஏப்.28) செவ்வாய்க்கிழமை ஒப்படைத்தனர்.

அதிராம்பட்டினம் சுற்றுப்புற கிராமங்களின் இணைப்பு சாலைகளில் ஆங்காங்கே தடுப்பு வைத்து அடைத்திருப்பதால், ஆயிரக்கணக்கான ஏக்கர் நிலப்பரப்பில் சாகுப்படி செய்திருக்கும் தென்னை விவசாயப்பணிகள் கடுமையாக பாதிக்கப்பட்டுள்ளது. அதிராம்பட்டினம் பகுதி விவசாயிகள் தங்களது சொந்த நிலங்களுக்கு சென்று அன்றாட விவசாயப்பணிகளைத் தொடர்வதில் தொய்வு ஏற்பட்டுள்ளது. எனவே, இதுகுறித்து கிராம மக்களிடையே போதிய விழிப்புணர்வை ஏற்படுத்தி, விவசாயிகள் தங்களது விவசாய நிலங்களில் அன்றாடப் பணிகளைத் தொடர்வதற்கு உரிய நடவடிக்கை எடுக்க வேண்டுமென அதிரை அனைத்து மஹல்லா கூட்டமைப்பு சார்பில், கடந்த (ஏப்.16) அன்று பட்டுக்கோட்டை சார் ஆட்சியர் ஏ.ஆா். கிளாட்ஸ்டன் புஷ்பராஜ் அவர்களை நேரில் சந்தித்து மனு அளித்து இருந்தனர்.

இதையடுத்து, விவசாயிகள் தங்களது சொந்த நிலங்களுக்கு செல்ல அனுமதிக்க மறுக்கும் நபரின் பெயர், கிராமப் பகுதியின் பெயர், பாதிக்கப்பட்ட விவசாயி பெயர் ஆகிய விவரங்களை தெரிவித்தால், அங்கு, வட்டார வளர்ச்சி அலுவலரை அனுப்பி விசாரித்து நடவடிக்கை எடுப்பதாக சார் ஆட்சியர் தெரிவித்து இருந்தார். அதன் அடிப்படையில், அதிரை அனைது மஹல்லா கூட்டமைப்பு தலைவர் எம்.எஸ்.எம் முகமது அபூபக்கர், துணைத்தலைவர் பி.எம்.கே தாஜுதீன், செயலாளர் எம்.நெய்னா முகமது ஆகியோர் பாதிக்கப்பட்ட தென்னை விவசாயிகள் பட்டியலை அதிராம்பட்டினம் வருவாய் ஆய்வாளர்கள் உமர், சரவணன் ஆகியோரிடம் இன்று செவ்வாய்க்கிழமை மாலை வழங்கினர்.  அப்போது, அதிராம்பட்டினம் கிராம நிர்வாக அலுவலர் முகமது அசாருதீன், கிராம நிர்வாக உதவியாளர்கள் பத்மநாபன், பாலா உள்ளிட்டோர் உடன் இருந்தனர்.

கரோனா தடுப்பு பணியில் ஈடுபட்டுள்ள களப்பணியாளர்களுக்கு சிங்க் மற்றும் மல்டி வைட்டமின் மாத்திரைகள்!

அதிரை நியூஸ்: ஏப்.28
தஞ்சாவூர் மாவட்டம், மாவட்ட ஆட்சியர் அலுவலக கூட்டரங்கில் கொரோனா தடுப்புப் பணியில் ஈடுபட்டுள்ள அலுவலர்கள் மற்றும் பணியாளர்களுக்கு சிங்க் மாத்திரைகள் மற்றும் மல்டி வைட்டமின் மாத்திரைகள் வழங்கும் பணியினை மண்டல கொரோனா தடுப்புப் பணிக்குழு கண்காணிப்பு அலுவலர் எம்.எஸ்.சண்முகம், மாவட்ட ஆட்சித் தலைவர் ம.கோவிந்த ராவ் ஆகியோர் துவக்கி வைத்தனர்.

தமிழ்நாடு முதலமைச்சர், கொரோனா நோய்த்தடுப்பு பணியில் ஈடுபட்டுள்ள அரசு அலுவலர்கள் மற்றும் பணியாளர்களுக்கு நோய் எதிர்ப்பு சக்தியை வலுப்படுத்தும் வகையில் சிங்க் மாத்திரைகள் மற்றும் மல்டி வைட்டமின் மாத்திரைகள் வழங்கிட உத்தரவிட்டிருந்தார்.

அதன்படி, தஞ்சாவூர் மாவட்டத்தில் கொரோனா தடுப்புப்பணியில் ஈடுபட்டுள்ள அலுவலர்கள் மற்றும் களப்பணியாளர்களுக்கு நோய் எதிர்ப்பு சக்தி மாத்திரைகள் வழங்கும் பணியினை மாவட்ட ஆட்சியர் அலுவலகத்தில் மண்டல கொரோனா தடுப்புப் பணிக்குழு கண்காணிப்பு அலுவலர் எம்.எஸ்.சண்முகம், மாவட்ட ஆட்சித் தலைவர் ம.கோவிந்த ராவ் ஆகியோர் துவக்கி வைத்தனர்.

தொடர்ந்து, கொரோனா தடுப்பு பணியில் ஈடுபட்டுள்ள அலுவலர்கள் மற்றும் பணியாளர்களுக்கு நோய் எதிர்ப்பு சக்தி மாத்திரைகள் வழங்குவது குறித்து மண்டல கொரோனா தடுப்புக் குழு கண்காணிப்பு அலுவலர் அவர்கள் தலைமையில் ஆலோசனைக் கூட்டம் நடைபெற்றது.

கூட்டத்தில் கொரோனா தடுப்பு பணியில் ஈடுபட்டிருக்கும் முன்கள பணியாளர்களான துப்புரவு பணியாளர்கள், கணக்கெடுப்பாளர்கள், தன்னார்வலர்கள், கட்டுப்படுத்தப்பட்ட பகுதிகளில் பணியாற்றுபவர்கள் ஆகியோருக்கு முதற்கட்டமாக நோய் எதிர்ப்பு சக்தி மாத்திரைகள் மற்றும் கபசுர குடிநீர் வழங்குவது குறித்து மண்டல கொரோனா தடுப்புக்குழு கண்காணிப்பு அலுவலர் எடுத்துரைத்தார்.

இக்கூட்டத்தில் மாவட்ட காவல் கண்காணிப்பாளர் மகேஸ்வரன், மாவட்ட ஊடக வளர்ச்சி முகமை திட்ட இயக்குனர் பழனி, தஞ்சாவூர் மருத்துவக்கல்லூரி முதல்வர் டாக்டர் குமுதா லிங்கராஜ் மற்றும் அரசு அலுவலர்கள் கலந்து கொண்டனர்.

தொடர்ந்து, கொரோனா தடுப்பு பணியில் ஈடுபட்டிருக்கும்போது, திருவிடைமருதூர் மண்டல துணை வட்டாட்சியர் ராஜகோபால் என்பவர் விபத்து ஏற்பட்டு சிகிச்சை பலனின்றி உயிரிழந்தமையால், அவரது மனைவி திருமதி.சரண்யா என்பவருக்கு வருவாய்த்துறையில் கருணை அடிப்படையிலான பணி நியமன ஆணையினை மாவட்ட ஆட்சித் தலைவர் அவர்கள் வழங்கினார். அதனைத் தொடர்ந்து, எண்ணெய் மற்றும் இயற்கை எரிவாயு கழகம் சார்பில் தஞ்சாவூர் மாவட்ட நிர்வாகத்திற்கு கொரோனா தடுப்பு நிதியுதவியாக ரூபாய் 20 இலட்சத்திற்கான காசோலை மாவட்ட ஆட்சித் தலைவர் அவர்களிடம் வழங்கப்பட்டது. பின்னர், மாவட்ட ஆட்சியர் அலுவலக வளாகத்தில் தமிழ்நாடு அரசின் சார்பில் வழங்கப்பட்ட புதிய 108 ஆம்புலன்ஸ் வாகனம் தஞ்சாவூர் மாவட்டத்திற்கு 24-வது 108 ஆம்புலன்ஸ் வாகனமாக துவக்கி வைக்கப்பட்டது.

இந்நிகழ்வின்போது பட்டுக்கோட்டை சார் ஆட்சியர் கிளாஸ்டன் புஷ்பராஜ், தஞ்சாவூர் வருவாய் கோட்ட அலுவலர் வேலுமணி, கும்பகோணம் வருவாய் கோட்ட அலுவலர் வீராசாமி, மாவட்ட ஆட்சியரின் நேர்முக உதவியாளர்(பொது) திருமதி.முத்து மீனாட்சி, இணை இயக்குனர் (சுகாதாரப் பணிகள்), துணை இயக்குனர் (சுகாதாரப் பணிகள்) டாக்டர்.ரவீந்திரன், முதன்மை கல்வி அலுவலர் இராமகிருட்டிணன், ஒருங்கிணைந்த குழந்தை வளர்ச்சி திட்ட அலுவலர் ராஜ்குமார் ஆகியோர் உடன் இருந்தனர்.

பட்டுக்கோட்டை அருகே திமுக சார்பில் தூய்மைப் பணியாளர்களுக்கு நிவாரணம் வழங்கல்!

பட்டுக்கோட்டை ஏப்.28-
தஞ்சை மாவட்டம், பட்டுக்கோட்டை அருகே திமுக சார்பில் தூய்மைப் பணியாளர்கள் 20 க்கும் மேற்பட்டோருக்கு அரிசி, பருப்பு, காய்கறி உள்ளிட்ட நிவாரணப் பொருட்கள் வழங்கப்பட்டது.

திமுகழகத் தலைவரின், அறிவுறுத்தலின்படி தஞ்சை தெற்கு மாவட்ட செயலாளர் துரை. சந்திரசேகரன் எம்எல்ஏ மற்றும் ஒன்றியக் கழக செயலாளர் பா.இராமநாதன் வழிகாட்டுதலின்படி பண்ணவயல் மற்றும் கார்காவயல் ஊராட்சியில் சுகாதார பணியாளர்களுக்கு ஊராட்சி மன்றத் தலைவர் பார்த்தசாரதி மற்றும் பண்ணவயல் டாக்டர் எஸ்.ஆர்.சந்திரசேகர் தலைமையில், ஒன்றியக் கவுன்சிலர் ஏ.ராஜேந்திரன் முன்னிலை வகித்து நிவாரணம் வழங்கினார்.

இதில் திமுக நிர்வாகிகள் முத்துராசு, கூட்டுறவு சங்க தலைவர் சோமு, அய்யாதுரை, எல்.சி.ராஜேந்திரன், கா.நாடிமுத்து , ஊராட்சி மன்றத் துணைத் தலைவர் பாஸ்கர்,  பாலத்துரை, சிற்றரசு, சுபாஷ் சந்திரபோஸ், சாமிநாதன், ராஜா மதியழகன், முனுசாமி ஆகியோர் கலந்து கொண்டனர்.

சேமிப்பு பணத்தில் 25 குடும்பங்களுக்கு நிவாரணப் பொருட்கள் வழங்கிய பள்ளி மாணவர்கள்!

அதிராம்பட்டினம், ஏப்.28
கரோனா வைரஸ் தடுப்பு முன்னெச்சரிக்கை நடவடிக்கையாக, அரசின் ஊரடங்கு உத்தரவை அடுத்து, அதிராம்பட்டினம் அடுத்துள்ள புதுக்கோட்டை உள்ளூர்  பிரிலியண்ட் சிபிஎஸ்இ பள்ளி 12 ஆம் வகுப்பு மாணவன் மனோஜ், 7 ஆம் வகுப்பு மாணவி மதுவர்ஷினி. அண்ணன், தங்கையான இவர்கள் இருவரும் தாங்கள் உண்டியலில் சேமித்து வைத்திருந்த பணத்தில், தூய்மைப் பணியாளர்கள் உட்பட வருமானத்திற்கு வழி இல்லாமல் வீடுகளில் முடங்கி கிடக்கும் 25 ஏழை குடும்பங்களுக்கு, தலா 5 கிலோ அரிசி, காய்கறிகள் அடங்கிய நிவாரணப்பொருட்களை, முள்ளூர் பட்டிக்காடு ஊராட்சி மன்றத் தலைவர் எஸ்.வெங்கடேஸ்வரன் தலைமையில், தனது பெற்றோர்கள் இரா.தர்மதுரை, த.அமிர்தஜோதி ஆகியோர் முன்னிலையில் வழங்கினர். பள்ளி மாணவர்களின் இக்சேவையை, பள்ளித்தாளாளர் வீ.சுப்ரமணியன் மற்றும் பள்ளி ஆசிரியர்கள், கிராம பொதுமக்கள் ஆகியோர் பாராட்டி வாழ்த்து தெரிவித்தனர்.

கரோனா: தஞ்சை மாவட்டத்தில் குணமடைந்து வீடு திரும்பியோரின் எண்ணிக்கை 33 ஆக உயர்வு!

அதிரை நியூஸ்: ஏப்.28
கரோனா தொற்றுநோய்க்கு சிகிச்சை பெற்று வந்த மேலும் ஒன்பது நபர்கள் குணமடைந்து இன்று வீடு திரும்பியுள்ளனர் என மாவட்ட ஆட்சித்தலைவர் ம.கோவிந்த ராவ் தகவல் தெரிவித்துள்ளார்.

அதிராம்பட்டினம், கும்பகோணம், அம்மாபேட்டை ஆகிய பகுதிகளை சேர்ந்த 24 நபர்கள் ஏற்கனவே சிகிச்சை முடித்து குணமடைந்து வீடு திரும்பிய நிலையில், இன்று மேலும் 9 பேர் குணமடைந்து வீடு திரும்பியதால், குணமடைந்தோர் எண்ணிக்கை 33 ஆக உயர்ந்தது.

தஞ்சாவூர் மாவட்டத்தில் கும்பகோணம் பகுதியைச் சேர்ந்த ஒன்பது நபர்கள்,  திருவையாறு பகுதியைச் சேர்ந்த மூன்று நபர்கள்,  திருவோணம் பகுதியைச் சேர்ந்த ஒரு நபர், ஒரத்தநாடு பகுதியைச் சேர்ந்த ஐந்து நபர்கள், அதிராம்பட்டினம் பகுதியைச் சேர்ந்த பதினொரு நபர்கள், அம்மாபேட்டையைச் சேர்ந்த நான்கு நபர்கள், தஞ்சாவூர் பகுதியைச் சேர்ந்த மூன்று நபர்கள் உட்பட 55 நபர்களுக்கு இதுவரை கொரோனா நோய்த்தொற்று உறுதி செய்யப்பட்டுள்ளது. நேற்றுவரை உறுதி செய்யப்பட்ட 55 நபர்களில் 24 நபர்கள் குணமடைந்து வீடு திரும்பியுள்ளனர்.

தஞ்சாவூர் மருத்துவக்கல்லூரி மருத்துவமனையில் கொரோனா தொற்று நோய்க்கு சிகிச்சை பெற்று வந்த அதிராம்பட்டினம் பகுதியைச் சேர்ந்த 4 நபர்கள், வல்லம் பகுதியைச் சேர்ந்த இரண்டு நபர்கள், அம்மாபேட்டை பகுதியைச் சேர்ந்த 7 மாத பெண் குழந்தை உட்பட 4 பெண்கள் மற்றும் 5 ஆண்கள் என இன்று ஒரே நாளில் சிகிச்சை பெற்று வந்த 9 நபர்கள் குணமடைந்து வீடு திரும்பியுள்ளனர்.

தஞ்சாவூர் மாவட்டத்தில் கொரோனா நோய்த்தொற்றால் பாதிக்கப்பட்டு 55 நபர்கள் தஞ்சாவூர் மருத்துவக்கல்லூரி மருத்துவமனையில் சிகிச்சை பெற்று வந்தனர். அதில் 24 நபர்கள் ஏற்கனவே சிகிச்சை முடித்து குணமடைந்து வீடு திரும்பிய நிலையில், இன்று மேலும் 9 நபர்கள் சேர்த்து சிகிச்சை பெற்று வந்த 33 நபர்கள் குணமடைந்து வீடு திரும்பியுள்ளனர். 22 நபர்கள் தொடர்ந்து சிகிச்சை பெற்று வருகின்றனர். இன்று குணமடைந்து வீடு திரும்பிய 9 நபர்களை தஞ்சாவூர் மண்டல கொரோனா தடுப்புக்குழு அலுவலர் எம்.எஸ்.சண்முகம், தஞ்சாவூர் மாவட்ட ஆட்சித்தலைவர் ம.கோவிந்த ராவ், தஞ்சாவூர் மாவட்ட காவல் கண்காணிப்பாளர் மகேஸ்வரன், தஞ்சாவூர் மருத்துவக்கல்லூரி முதல்வர் திருமதி.குமுதா லிங்கராஜ், தஞ்சாவூர் மாநகராட்சி ஆணையர் ஜானகி ரவீந்திரன் மற்றும் மருத்துவக்கல்லூரி மருத்துவர்களும் குணம் அடைந்தவர்களுக்கு பழங்கள் மற்றும் குணமடைந்ததற்கான சான்றிதழினையும் வழங்கி வழியனுப்பி வைத்தனர்.

மேலும், குணமடைந்து வீடு செல்லும் 9 நபர்களும் தொடர்ந்து 14 நாட்கள் அவரவர் இல்லத்தில் தங்களை தனிமைப்படுத்திக் கொள்ளுமாறு அறிவுறுத்தப்பட்டனர்.

காய்ச்சல், சளி, இருமல் ஆகிய அறிகுறிகளுடன் தஞ்சாவூர் மருத்துவக்கல்லூரி மருத்துவமனையிலும், ராஜா மிராசுதார் மருத்துவமனையிலும்ää செங்கிப்பட்டி அரசு பொறியியல் கல்லூரியிலும் தனிமைப்படுத்தப்பட்டு மற்றும் சிகிச்சை பெற்ற 3315 நபர்களுக்கு ஸ்வாப் டெஸ்ட் எடுக்கப்பட்டது. 2932 நபர்களுக்கு அறிகுறி இல்லை என தெரிய வந்துள்ளது. 328 நபர்களுக்கு பரிசோதனை முடிவுகள் வர வேண்டியுள்ளது.
கொரோனா நோய்த்தொற்று பரவாமல் தடுப்பதற்கு மாவட்ட நிர்வாகத்தின் சார்பில் எடுக்கப்பட்டு வரும் அனைத்து நடவடிக்கைகளுக்கும் தஞ்சாவூர் மாவட்ட பொதுமக்கள் முழு ஒத்துழைப்பு அளித்திடுமாறு கேட்டுக்கொள்கிறேன்.

மேலும், கொரோனா நோய் முன்னெச்சரிக்கை தொடர்பான சந்தேகங்கள் மற்றும் புகார்களுக்கு 9345336838 (வாட்ஸ்அப்), 04362-271695, 1077 (கட்டுப்பாட்டு அறை) ஆகிய தொலைபேசி எண்களில் தொடர்பு கொள்ளலாம்.

சென்னையில் ஹாஜிமா மசூதா (52) காலமானார்!

அதிரை நியூஸ்: ஏப்.28
அதிராம்பட்டினம், சேர்மன் வாடி மர்ஹூம் வழக்குரைஞர் ஏ.ஜெ அப்துல் ரெஜாக் அவர்களின் மருமகளும், மர்ஹூம் செ.மு.கா.நெ அலி அவர்களின் மகளும், வழக்குரைஞர் சம்சுதீன் அவர்களின் மனைவியும், இஜாஸ், தன்வீர் ஆகியோரின் தாயாரும், ஷக்கில் அவர்களின் மாமியாருமாகிய ஹாஜிமா மசூதா (வயது 52) அவர்கள் இன்று காலை சென்னையில் வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜுவூன்

அன்னாரின் ஜனாஸா இன்று (28-04-2020) மாலை 4 மணியளவில் சென்னை ராயப்பேட்டை மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துஆ செய்வோம்.

அதிராம்பட்டினத்தில் ஜெகதாம்பாள் (90) காலமானார்!

ஜெகதாம்பாள் (90)

அதிரை நியூஸ்: ஏப்.28
அதிராம்பட்டினம், பிள்ளைமார் தெரு காலஞ்சென்ற மீனாட்சி சுந்தரம் வாண்டையார் அவர்களின் மனைவியும், அதிமுக அம்மா பேரவை அதிராம்பட்டினம் செயலாளரும், அதிராம்பட்டினம் பேரூராட்சி முன்னாள் கவுன்சிலருமாகிய எம். உதயகுமார், அதிமுக 2-வது செயலாளர் எம்.சுவாமிநாதன் ஆகியோரின் தாயாருமாகிய ஜெஹதாம்பாள் (வயது 90) அவர்கள் நள்ளிரவில் காலமானார்.

அன்னாரது இறுதிசடங்கு நிகழ்ச்சி இன்று (28-04-2020) பிற்பகல் 2 மணியளவில் நடைபெறும்.

தொடர்புக்கு: 9942131398

அதிரையில் சமூக இடைவெளி கடைபிடிக்காத 5 கடைகளைத் திறக்கத் தடை: பேரூராட்சி நடவடிக்கை!

அதிராம்பட்டினம், ஏப்.27
கரோனா  வைரஸ் தடுப்பு முன்னெச்சரிக்கை நடவடிக்கையாக, அரசின் ஊரடங்கு உத்தரவை, பொதுமக்கள் ஒரே பகுதியில் கூட்டம் கூடுவதைத் தவிா்த்து சமூக இடைவெளியை கடைப்பிடிக்குமாறு, அதிராம்பட்டினம் பகுதியில் இயங்கும் பால், மருந்து, மளிகை, காய்கனி, கறி, இறைச்சி உள்ளிட்ட கடைகளுக்கு பேரூராட்சி நிர்வாகம் சார்பில் அறிவுறுத்தப்பட்டது

இந்நிலையில், அதிராம்பட்டினம் பேருந்து நிலையம், சேதுரோடு, பெரிய தைக்கால் தெரு, சின்ன மார்க்கெட் ஆகிய பகுதிகளில் இயங்கி வந்த மளிகைக்கடைகள், காய்கறிகள் உள்ளிட்ட அத்தியாவசியப் பொருள்கள் விற்பனை கடைகளில் சமூக இடைவெளி கடைப்பிடிக்கப்படாததால் 5 கடைகளுக்கு பூட்டு போட பேரூராட்சி செயல் அலுவலர் பி.பழனிவேலு உத்தரவிட்டாா். அதன்பேரில் 5 கடைகளுக்கும் பூட்டு போடப்பட்டு மறு உத்தரவு வரும்வரை கடைகளை திறக்கக்கூடாது என எச்சரிக்கை விடப்பட்டது. அப்போது, அதிராம்பட்டினம் பேரூராட்சி துப்புரவு ஆய்வாளர் கே.அன்பரசன் மற்றும் அலுவலகப் பணியாளர்கள் உடன் இருந்தனர்.

 

கரோனா பாதிப்பில்லாத பகுதியாக மாறிய அதிராம்பட்டினம்: பொதுமக்கள் மகிழ்ச்சி!

அதிராம்பட்டினம், ஏப்.27
அதிராம்பட்டினம், கரோனா பாதிப்பில்லாத பகுதியாக மாறி வருவதால் பொதுமக்கள் மகிழ்ச்சி தெரிவித்தனர்.

தஞ்சாவூர் மருத்துவக்கல்லூரி மருத்துவமனையில் கரோனா தொற்று நோய்க்கு சிகிச்சை பெற்று வந்த, கும்பகோணம் பகுதியைச் சேர்ந்த ஒன்பது நபர்கள், திருவையாறு பகுதியைச் சேர்ந்த மூன்று நபர்கள், திருவோணம் பகுதியைச் சேர்ந்த ஒரு நபர், ஒரத்தநாடு பகுதியைச் சேர்ந்த ஐந்து நபர்கள், அதிராம்பட்டினம் பகுதியைச் சேர்ந்த பதினொரு நபர்கள், அம்மாபேட்டையைச் சேர்ந்த நான்கு நபர்கள், தஞ்சாவூர் பகுதியைச் சேர்ந்த மூன்று நபர்கள் உட்பட 55 நபர்களுக்கு இதுவரை கொரோனா நோய்த்தொற்று உறுதி செய்யப்பட்டுள்ளது. நேற்றுவரை உறுதி செய்யப்பட்ட 55 நபர்களில் இதுவரையில் 24 நபர்கள் குணமடைந்து வீடு திரும்பியுள்ளனர்.

இதில், அதிராம்பட்டினம் பகுதியைச் சேர்ந்த 6 நபர்கள் கடந்த ஏப்.25 ந் தேதியும், 3 நபர்கள், ஏப்.27 ந் தேதியும் பூரண குணமடைந்து வீடு திரும்பினர். இவர்கள் அனைவரும் தொடர்ந்து 14 நாட்கள் அவரவர் இல்லத்தில் தங்களை தனிமைப்படுத்திக் கொள்ளுமாறு அறிவுறுத்தப்பட்டனர். மற்றவா்கள் குணமடைந்து வருவதாகவும், இவா்கள் விரைவில் வீட்டுக்கு அனுப்பி வைக்கப்படுவா் என மருத்துவ வட்டாரத் தகவல் தெரிவித்தன. இதன் மூலம், அதிராம்பட்டினம் பகுதி கரோனா பாதிப்பில்லாத பகுதியாக மாறிவருவது பொதுமக்களுக்கு மிகுந்த மகிழ்ச்சியை ஏற்படுத்தி உள்ளது. 

கரோனா வைரஸ் தடுப்பு முன்னெச்சரிக்கை நடவடிக்கையில் தீவிரமாக களப்பணியாற்றி வரும் மாவட்ட ஆட்சியர், சார் ஆட்சியர், தாசில்தார், மருத்துவர்கள், செவிலியர்கள், சுகாதாரத்துறையினர், காவலர்கள், வருவாய்த்துறை அலுவலர்கள், தூய்மைப்பணியாளர்கள், அங்கன்வாடி பணியாளர்கள், உள்ளூர் தன்னார்வலர்கள் உள்ளிட்ட அனைவரின் பணியைப் பாராட்டி நன்றி தெரிவித்தனர்.

கரோனா: தஞ்சை மாவட்டத்தில் ஒரே நேரத்தில் 6 பேர் குணமடைந்து வீடு திரும்பினர் ~ குணமடைந்தோர் எண்ணிக்கை 24 ஆக உயர்வு!

அதிரை நியூஸ்: ஏப்.27
கரோனா தொற்றுநோய்க்கு சிகிச்சை பெற்று வந்த பத்து நபர்கள் குணமடைந்து இன்று வீடு திரும்பியுள்ளனர் என மாவட்ட ஆட்சித்தலைவர் ம.கோவிந்த ராவ் தகவல் தெரிவித்துள்ளார்.

அதிராம்பட்டினம், கும்பகோணம், அம்மாபேட்டை ஆகிய பகுதிகளை சேர்ந்த 18 நபர்கள் ஏற்கனவே சிகிச்சை முடித்து குணமடைந்து வீடு திரும்பிய நிலையில், இன்று மேலும் 6 பேர் குணமடைந்து வீடு திரும்பியதால், குணமடைந்தோர் எண்ணிக்கை 24 ஆக உயர்ந்தது.

 

தஞ்சாவூர் மாவட்டத்தில் கும்பகோணம் பகுதியைச் சேர்ந்த ஒன்பது நபர்கள்,  திருவையாறு பகுதியைச் சேர்ந்த மூன்று நபர்கள்,  திருவோணம் பகுதியைச் சேர்ந்த ஒரு நபர், ஒரத்தநாடு பகுதியைச் சேர்ந்த ஐந்து நபர்கள், அதிராம்பட்டினம் பகுதியைச் சேர்ந்த பதினொரு நபர்கள், அம்மாபேட்டையைச் சேர்ந்த நான்கு நபர்கள், தஞ்சாவூர் பகுதியைச் சேர்ந்த மூன்று நபர்கள் உட்பட 55 நபர்களுக்கு இதுவரை கொரோனா நோய்த்தொற்று உறுதி செய்யப்பட்டுள்ளது. நேற்றுவரை உறுதி செய்யப்பட்ட 55 நபர்களில் 18 நபர்கள் குணமடைந்து வீடு திரும்பியுள்ளனர்.

தஞ்சாவூர் மருத்துவக்கல்லூரி மருத்துவமனையில் கொரோனா தொற்று நோய்க்கு சிகிச்சை பெற்று வந்த அதிராம்பட்டினம் பகுதியைச் சேர்ந்த 3 நபர்கள், திருவையாறு பகுதியைச் சேர்ந்த ஒரு நபர், கும்பகோணம் பகுதியைச் சேர்ந்த 2 நபர்கள் என ஒரு பெண் மற்றும் 5 ஆண்கள் என இன்று ஒரே நாளில் சிகிச்சை பெற்று வந்த 6 நபர்கள் குணமடைந்து வீடு திரும்பியுள்ளனர்.

தஞ்சாவூர் மாவட்டத்தில் கொரோனா நோய்த்தொற்றால் பாதிக்கப்பட்டு 55 நபர்கள் தஞ்சாவூர் மருத்துவக்கல்லூரி மருத்துவமனையில் சிகிச்சை பெற்று வந்தனர். அதில் 18 நபர்கள் ஏற்கனவே சிகிச்சை முடித்து குணமடைந்து வீடு திரும்பிய நிலையில், இன்று மேலும் 6 நபர்கள் சேர்த்து சிகிச்சை பெற்று வந்த 24 நபர்கள் குணமடைந்து வீடு திரும்பியுள்ளனர். குணமடைந்த 6 நபர்களை தஞ்சாவூர் மருத்துவக்கல்லூரி முதல்வர் திருமதி.குமுதா லிங்கராஜ் அவர்களும் மற்றும் மருத்துவக்கல்லூரி மருத்துவர்களும் குணம் அடைந்தவர்களுக்கு பழங்கள் மற்றும் குணமடைந்ததற்கான சான்றிதழினையும் வழங்கி வழியனுப்பி வைத்தனர்.

மேலும் குணமடைந்து வீடு செல்லும் 6 நபர்களும் தொடர்ந்து 14 நாட்கள் அவரவர் இல்லத்தில் தங்களை தனிமைப்படுத்திக் கொள்ளுமாறு அறிவுறுத்தப்பட்டனர்.

காய்ச்சல், சளி, இருமல் ஆகிய அறிகுறிகளுடன் தஞ்சாவூர் மருத்துவக்கல்லூரி மருத்துவமனையிலும், ராஜா மிராசுதார் மருத்துவமனையிலும், செங்கிப்பட்டி அரசு பொறியியல் கல்லூரியிலும் தனிமைப்படுத்தப்பட்டு மற்றும் சிகிச்சை பெற்ற 2946 நபர்களுக்கு ஸ்வாப் டெஸ்ட் எடுக்கப்பட்டது. 2780 நபர்களுக்கு அறிகுறி இல்லை என தெரிய வந்துள்ளது. 111 நபர்களுக்கு பரிசோதனை முடிவுகள் வர வேண்டியுள்ளது.
கொரோனா நோய்த்தொற்று பரவாமல் தடுப்பதற்கு மாவட்ட நிர்வாகத்தின் சார்பில் எடுக்கப்பட்டு வரும் அனைத்து நடவடிக்கைகளுக்கும் தஞ்சாவூர் மாவட்ட பொதுமக்கள் முழு ஒத்துழைப்பு அளித்திடுமாறு கேட்டுக்கொள்கிறேன்.

மேலும், கொரோனா நோய் முன்னெச்சரிக்கை தொடர்பான சந்தேகங்கள் மற்றும் புகார்களுக்கு 9345336838 (வாட்ஸ்அப்), 04362-271695, 1077 (கட்டுப்பாட்டு அறை) ஆகிய தொலைபேசி எண்களில் தொடர்பு கொள்ளலாம்.

 

நினைவூட்டல்: 'பராமரிப்பாளர் அடையாள அட்டை' விண்ணப்பிக்க அழைப்பு!

அதிரை நியூஸ்: ஏப்.27
ஊரடங்கு காலத்தில் மருத்துவ தேவைக்காக முதியோர்களை அழைத்துச் செல்ல ஏதுவாக அவர்களை பராமரிப்பாளர்களுக்கு “பராமரிப்பாளர் அடையாள அட்டை” தஞ்சாவூர் மாவட்ட ஆட்சியர் அலுவலகத்தில் அமைந்துள்ள சமூக நல அலுவலகம் மூலம் விண்ணப்பித்து பெற்றுக்கொள்ளலாம் என மாவட்ட ஆட்சியர் ம.கோவிந்த ராவ் தகவல் தெரிவித்துள்ளார்.

இதுகுறித்து இன்று வெளியிட்டுள்ள செய்தி குறிப்பில் கூறியிருப்பது:
கொரோனா வைரஸால் ஏற்படும் அபாயத்தை தடுக்கும் விதமாக 144 தடை பிறப்பிக்கப்பட்டுள்ள காலத்தில் மூத்த குடிமக்களின் நலன்காக்கும் விதமாகவும், முதியோர்களின் இதயநோய், சர்க்கரை நோய், பிஸியோதெரப்பி சிகிச்சை, இரத்த அழுத்தம் போன்ற மருத்துவ உதவிகள் மற்றும் பிற தேவைகளுக்காகவும் முதியோர்களை அழைத்துச் செல்ல ஏதுவாக அவர்களை பராமரிப்பாளர்களுக்கு “பராமரிப்பாளர் அடையாள அட்டை” தஞ்சாவூர் மாவட்ட ஆட்சியர் அலுவலகத்தில் அமைந்துள்ள சமூக நல அலுவலகம் மூலமாக வழங்கப்பட உள்ளது.

இந்த அடையாள அட்டையை பெறுவதற்கு பராமரிப்பாளரின் புகைப்படத்துடன் கூடிய அடையாள அட்டை, ஆதார் அட்டை, இரண்டு புகைப்படங்கள், தொலைபேசி எண், வாகன எண் ஆகியவற்றுடன் முதியவரின் மருத்துவ ஆவணங்கள், பெயர், வயது, ஆதார் அட்டை மற்றும் பிற அடையாள ஆவணங்களுடன் விண்ணப்பித்து “பராமரிப்பாளர் அடையாள அட்டை” பெற்றுக்கொள்ளலாம். இவ்வாறு மாவட்ட ஆட்சித் தலைவர் ம.கோவிந்த ராவ் தெரிவித்துள்ளார்.

அபுதாபியில் நோன்பு இருந்து வரும் இந்து சமய பெண்!

அபுதாபி : ஏப்.27
அபுதாபியில் இந்து சமயத்தை சேர்ந்த ஸ்ரீதேவி சிவானந்தம் நோன்பினை நோற்று வருகிறார்.

அமீரகத்தில் தற்போது ரமலான் மாதம் தொடங்கியுள்ளது. இந்த மாதத்தில் இஸ்லாமியர்கள் நோன்பினை நோற்று வருகிறார்.

இந்த நிலையில் அபுதாபியில் வசித்து வரும் இந்து சமயத்தை சேர்ந்த ஸ்ரீதேவி சிவானந்தம் நோன்பு நோற்று சமய நல்லிணக்கத்துக்கு எடுத்துக்காட்டாக திகழ்ந்து வருகிறார்.

ரமலான் மாத நோன்பு என் நம்பிக்கையின் அடையாளம் என அவர் குறிப்பிட்டுள்ளார்.

மத மாச்சர்யங்களும், சண்டை சச்சரவுகளும் பெருகி, ஒரு பக்கம் மனித இனத்தின் நிம்மதியைக் கெடுத்து வந்தாலும், இஸ்லாமிய நோன்பு மாதமான ரமலானில் பயபக்தியுடன் நோன்பு நோற்கும் ஸ்ரீதேவி சிவானந்தம், சமயங்கள் கடந்த மனித நேயத்திற்கான ஒரு தலை சிறந்த உதாரணமாகத் திகழ்கிறார்.

அதிகாலை நேரமான சஹர் நேரத்தில் அவரிடம் பேசினோம்.

இதோ நோன்பு மாதமான ரமலான் குறித்த அவரது நம்பிக்கை:
"இறைவன் மதங்களையெல்லாம்  கடந்தவன். அதனால் தான், தமிழர்களாகிய நாம் அவனை கடவுள் என்கிறோம். நிச்சயமாக மனித குலம் முழுவதையும் படைத்தது ஒரே இறைவன்தான்.

நான் இஸ்லாமிய நோன்பு மாதமான ரமலானில் சில நேர்த்திக் கடன்களை மனதில் வைத்தே, கடந்த பல வருடங்களாக நோன்பு நோற்று வருகிறேன்.

அதிகாலை சஹரில் எழுந்து உணவருந்துகிறேன். மாலை பாங்கு சொன்னவுடன் நோன்பு திறக்கிறேன்.

எல்லாம் வல்ல இறைவன், நான் வேண்டிய  பலவற்றை, இந்த ரமலான் மாதத்தின் பொருட்டால் எனக்குத் தந்தருள்கிறான் என்று உறுதியாக நம்புகிறேன்.

என்னோடு பசித்திருந்து, விழித்திருந்து, ஏழை எளியவர்க்கு ஈகை தந்து, நோன்பு நோற்கும் உலக முஸ்லிம் சகோதர சகோதரிகள் அனைவருக்கும் என் மன மார்ந்த வாழ்த்துக்களும் பிரார்த்தனைகளும், ரமலான் முபாரக்"

 இவ்வாறு அவர் கூறினார்.

மரண அறிவிப்பு ~ மகபுன்னிஸ்ஸா (வயது 75)

அதிரை நியூஸ்: ஏப்.26
அதிராம்பட்டினம், தரகர் தெருவை சேர்ந்த  சாகுல் ஹமீது அவர்களின் மனைவியும், தாராபுரம் மர்ஹும் முகமது கனி ராவுத்தர் அவர்களின் மகளும், மர்ஹும் முகமது காசிம் அவர்களின் தாயாரும், மர்ஹூம் முகமது அக்பர், ஜெகபர் அலி, அக்பர் அலி ஆகியோரின் மாமியாருமாகிய மகபுன்னிஸ்ஸா (வயது 75) அவர்கள் இன்று மாலை 6.30 மணியளவில் வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிவூன்.

அன்னாரின் ஜனாஸா நாளை (27-04-2020) காலை 9 மணியளவில் தரகர் தெரு முகைதீன் ஜும்மா பள்ளிவாசல் மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துவா செய்வோம்.

தீ விபத்தில் வீடு இழந்த நபருக்கு வீடு கட்டித் தந்த அரசு மருத்துவருக்கு பாராட்டு!

தஞ்சாவூர் ஏப். 26-
தஞ்சாவூர் மாவட்டம், பேராவூரணியை அடுத்த செங்கமங்கலம் மேலத்தெருவைச் சேர்ந்தவர் சத்யா, ராஜேஸ்வரி தம்பதிகள். கூலித் தொழிலாளியான இவர்களுக்கு மாற்றுத்திறனாளி குழந்தை உள்ளிட்ட மூன்று குழந்தைகள் உள்ளன.

கடந்த ஒரு வாரத்திற்கு முன்பு தம்பதிகள் இருவரும் அருகில் உள்ள வயலில் வேலை செய்து கொண்டிருந்தபோது, வீடு திடீரென தீப்பிடித்து எரிந்தது. அக்கம் பக்கத்தினர் ஓடி வந்து தீயை அணைத்தனர். வீட்டில் விளையாடிக் கொண்டிருந்த மூன்று குழந்தைகளும் நல்வாய்ப்பாக உயிர் தப்பினர்.

இதில் வீட்டில் இருந்த அனைத்து பொருள்களும் நாசம் அடைந்தது. மேலும், குடிசை வீடு முற்றிலுமாக எரிந்து சாம்பலானது. இதையடுத்து வட்டாட்சியர் க.ஜெயலெட்சுமி அரசின் சார்பில் நிவாரணப் பொருட்களை வழங்கினார். செங்கமங்கலம் ஊராட்சி மன்றத் தலைவர் செல்வம், அதிமுக ஒன்றியச் செயலாளர் துரை. மாணிக்கம் ஆகியோரும் நிவாரண உதவிகளை வழங்கினர்.

இந்நிலையில், தீ விபத்து குறித்து அறிந்த, செருவாவிடுதி அரசு ஆரம்ப சுகாதார நிலைய வட்டார மருத்துவ அலுவலர் டாக்டர் வி.சௌந்தரராஜன் நேரில் சென்று ஆறுதல் கூறியதோடு, உதவிகளை வழங்கினார். மேலும், பாதிக்கப்பட்ட தம்பதிகளுக்கு வீடு கட்டிக் கொடுக்கவும் முன்வந்தார்.

இதையடுத்து உடனடியாக குடிசை வீடு புதிதாக கட்டிமுடிக்கப்பட்டது. மேலும் அந்த குடும்பத்தினருக்கு தேவையான உடைகள், வீட்டு உபயோக பொருட்கள், சமையலுக்கு தேவையான பாத்திரங்கள், பழங்கள், பிஸ்கட், பால் ஆகியவற்றை ஞாயிற்றுக்கிழமை அன்று டாக்டர் வி. சௌந்தரராஜன் நேரடியாகச் சென்று அந்தக் குடும்பத்தினருக்கு வழங்கினார்.

சுமார் 25 ஆயிரம் ரூபாய் மதிப்பில் வீடு, வீட்டு உபயோக பொருட்கள் ஆகியவற்றை பெற்றுக் கொண்ட தம்பதிகள் கண்ணீர் மல்க டாக்டர் சௌந்தரராஜனுக்கு நன்றி தெரிவித்தனர். உடனடியாக பால் காய்ச்சி வீட்டில் குடி புகுந்தனர்.

இதையடுத்து ஊராட்சிமன்றத் தலைவர் செல்வம் வீடு கட்டி தந்தமைக்காக டாக்டருக்கு பொன்னாடை அணிவித்து நன்றி தெரிவித்தார். அப்போது சமூக ஆர்வலர் கே.கான் முகம்மது, வட்டார சுகாதார மேற்பார்வையாளர் எஸ்.சந்திரசேகரன், ஊரணி கல்வி மற்றும் சுகாதார அறக்கட்டளை பொருளாளர் ராஜூ, சுகாதார செவிலியர் லில்லி மேரி மற்றும் கிராமத்தினர் உடனிருந்தனர்.

 

அதிராம்பட்டினத்தில் ஊரடங்கில் பால் விற்று ஏழைகளுக்கு உதவும் இளைஞர்கள்!

அதிராம்பட்டினம், ஏப்.26
ஊரடங்கு உத்தரவை அடுத்து, சைக்கிள் வண்டிகள் மூலம் விநியோகித்து வந்த பால் கடந்த ஏப்.7 ந்தேதி முதல் நிறுத்தப்பட்டதால், அதிராம்பட்டினம் பகுதியில் பால் தட்டுப்பாடு நிலவியது. இதனால் பொதுமக்கள் பெரும் சிரமத்திற்கு ஆளாகினர்.

இந்நிலையில், பால் தட்டுப்பாட்டை போக்கும் விதத்தில், அதிராம்பட்டினம் கீழத்தெரு அல் மதரஸத்துல் நூருல் முகம்மதியா சங்கத்தின் ஏற்பாட்டின் பேரில், அப்பகுதியைச் சேர்ந்த தன்னார்வலர்கள் யாசின் அரபாத், நூருல் அமீன், முகமது அஸ்லம் ஆகியோர் அதிராம்பட்டினம் அருகில் உள்ள மழவேனிற்காடு, மண்ணாங்காடு ஆகிய கிராமங்களில் பால் விற்பனை நிலையத்தில் இருந்து பால் மொத்தமாக கொள்முதல் செய்து பொதுமக்களுக்கு தினமும் காலை, மாலை ஆகிய இரு நேரங்களில் விநியோகித்து வருகின்றனர்.

கடந்த ஏப்.9 ந் தேதி முதல் விற்பனை செய்த பாலில் கிடைத்த சொற்ப லாபத்தில், அதிராம்பட்டினத்தில், வருமானத்திற்கு வழி இல்லாமல் வீடுகளில் முடங்கி கிடக்கும் 20 ஏழை குடும்பங்களுக்கு, தலா 2 கிலோ வீதம் அரிசி, 7 முட்டை, 5 கிலோ காய்கறிகள் ஆகிய அத்தியாவசிய உணவுப் பொருட்கள் அடங்கிய தொகுப்பை வழங்கினர். பால் விற்று ஏழைகளுக்கு உதவும் இளைஞர்களின் பணி, அப்பகுதி வாசிகளிடையே பலத்த வரவேற்பைப் பெற்று உள்ளது.