அதிராம்பட்டினம், ஜூலை 10
தஞ்சாவூர் மாவட்டம், அதிராம்பட்டினம் ஈசிஆர் சாலையையொட்டி ஏரிப்புறக்கரை கிராம ஊராட்சி பகுதியில், அதிராம்பட்டினம் கல்வி அறக்கட்டளையின், 'ஈஸ்ட் கோஸ்ட் அகதெமி' சிபிஎஸ்இ கல்விக்கூடம் கடந்த ஜூன் 28ந் தேதி புதிதாக தொடங்கி நடைபெற்று வருகிறது.
இக்கல்வி நிறுவனத்தின் நோக்கம் மற்றும் அதன் செயல்பாடுகள் குறித்து அறிமுகம் செய்து வைக்கும் நிகழ்ச்சி அதிராம்பட்டினம் அனைத்து பகுதிகளிலும் நடத்தப்பட்டு வருகிறது. அதன்படி, கல்வி நிறுவனத்தின் அறிமுக நிகழ்ச்சி அதிரை பைத்துல்மால் அலுவலகத்தில் திங்கட்கிழமை மாலை நடைபெற்றது.
நிகழ்ச்சிக்கு, பள்ளித்தாளாளர் ஹாஜி எம்.எஸ் தாஜுதீன் தலைமை வகித்து அறிமுக உரை நிகழ்த்தினார். அதிரை பைத்துல்மால் தலைவர் பேராசிரியர் பர்கத், செயலாளர் எஸ்.ஏ அப்துல் ஹமீது, பொருளாளர் எஸ்.எம் முகமது முகைதீன் ஆகியோர் முன்னிலை வகித்தனர்.
'ஈஸ்ட் கோஸ்ட் அகதெமி' சிபிஎஸ்இ பள்ளி இயக்குனர் டி.வி ரேவதி கலந்துகொண்டு கல்வி நிறுவனத்தின் நோக்கம் மற்றும் அதன் செயல்பாடுகள், எதிர்கால திட்டங்கள் குறித்து எடுத்துரைத்தார்.
அதிரை பைத்துல்மால் துணைத் தலைவர்கள் எஸ்.கே.எம் ஹாஜா முகைதீன். வழக்குரைஞர் அப்துல் முனாப், அப்துல் மாலிக் மற்றும் நாவலர் நூர் முஹம்மது, மவ்லவி அப்துல் காதர், ரியாத் கிளை நிர்வாகி அப்துல் ஜலீல், சமூக ஆர்வலர் பேராசிரியர் காதர் உள்ளிட்ட பலர் கருத்துரைகள் வழங்கினார்கள். மேலும் கூட்டத்தில் கல்வி நிறுவனத்தின் நோக்கம் மற்றும் நவீன கட்டமைப்பு வசதி குறித்து பவர் பாயிண்ட் ஒளித்திரை மூலம் விளக்கப்பட்டது.
இந்நிகழ்ச்சியில், அதிரை பைத்துல்மால் நிர்வாகிகள், உறுப்பினர்கள், கல்வியாளர்கள், தன்னார்வலர்கள் உள்ளிட்ட பலர் கலந்துகொண்டனர்.
