சேக்கனா நிஜாமின் நன்றி அறிவிப்பு !

சகோதரர் சேக்கனா நிஜாம் அவர்கள் இன்று தனது முகநூலில் ( Shakkana M. Nijam ) போலிகள் ஏற்படுத்திய போலி முகநூல் மற்றும் மின்னஞ்சல் தொடர்பான செய்திக்கு போலிகளின் கீழ்த்தர செயல்களுக்கு எதிர்ப்பு தெரிவிக்கும் வகையிலும், சேக்கனா நிஜாமுக்கு ஆறுதல் தரும்விதத்தில் கருத்துகள் பதிவு செய்த அத்தனை நல்ல உள்ளங்களுக்கும், அலைபேசியில் அவரை அழைத்து ஆறுதல் சொன்ன மூத்த சகோதரர்களுக்கும் - நண்பர்களுக்கும், செய்தியை பிரசுரித்த அதிரையின் அனைத்து வலைத்தளங்களுக்கும் நன்றியை தெரிவித்துக் கொள்வதாக தெரிவித்துள்ளார்.

இதுகுறித்து முகநூல் வழியாக வெளியிட்டுள்ள செய்தியில் கூறியிருப்பதாவது :

அன்பானவர்களே !

சில போலிகள் , என் பெயரில் போலி முகவரிகள் தயாரித்து முகநூலிலும் மற்றும் அதிரை நியூசிலும் சில கருத்துக்களை என் பெயரில் வெளியிட்டு அவர்களது நெடுநாள் மன அரிப்பைத் தீர்த்துக் கொண்டிருக்கிறார்கள்.

என் மனதில் எழக் கூடிய கேள்விகள் என்ன காரணத்தால் என்னை இவர்கள் ஒரு எதிரியாகக் கருதுகிறார்கள் எனபதுதான்.

மக்கள் கூடும் மண்டபத்தை நான் இடித்தேனா ?
நீதி மன்றத்திலே பொய் சாட்சி சொன்னேனா ?
கற்றவர்களின் கண்ணியம் காக்க மறுத்தேனா ?
யாருடைய நிலத்தையாவது அபகரித்தேனா ?
எவருக்காவது தொப்பி போட்டு சுருட்டிக் கொண்டு வந்தேனா ?
நடு நிலை  தவறி ஊடகப்பணி செய்தேனா ?
ஊரைச் சுருட்டி உலையில் போட்டேனா ?
கவருக்குள் வைத்து கதவிடுக்கில் காசு வாங்கினேனா ?
என்ன குற்றம் செய்தேன் ?

என்மேல் இவ்வளவு கசப்புணர்வு ஒங்கக் காரணம் என்ன ? அவரவர் மனதில் ஏற்பட்டுள்ள பொறாமை என் மேல் காழ்ப்புணர்வாகத் திரும்பி இருக்கிறது என்று மட்டும்தான் நான் உணர முடியும்.

அதிரையின் அனைத்து செய்திகளையும் விருப்பு வெறுப்பின்றி வெளியிடுவதைத்தவிர நான் செய்த குற்றமென்ன ? இதுதான் குற்றமெனில் இந்தக் குற்றம் இன்னும் உற்சாகத்துடனும் உத்வேகத்துடனும் தொடரும் என்று தெரிவித்துக் கொள்கிறேன்.

அவர்களது இந்த இழி செயல் மூலம் அவர்கள் என்னை காயப்படுத்தி இருப்பதாக மகிழலாம். உண்மையில் அவர்கள்  என்னைக் காயப்படுத்தவில்லை. என்னை உற்சாகப்படுத்தி இருக்கிறார்கள். எனது பணியில் இன்னும் பீடு நடை போட வைத்த அந்த சேலை கட்டிய மூன்றாம் பால் இனத்தைப் பாராட்டுகிறேன்.

போலிகளின் கீழ்த்தர செயல்களுக்கு எதிர்ப்பு தெரிவிக்கும் வகையிலும், எனக்கு ஆறுதல் தரும்விதத்திலும் கருத்துகள் பதிவு செய்த அத்தனை நல்ல உள்ளங்களுக்கும் அலைபேசியில் அழைத்து ஆறுதல் சொன்ன மூத்த எழுத்தாளர்களுக்கும் - சகோதரர்களுக்கும் - நண்பர்களுக்கும், கண்டனம் தெரிவித்து செய்தியை பிரசுரித்த அதிரையின் அனைத்து வலைத்தளங்களுக்கும் எனது நன்றியை தெரிவித்துக் கொள்கிறேன்.

- சேக்கனா நிஜாம்