துபாயில் அதிரை நோன்பு கஞ்சியை தயாரித்து கொடுக்கும் நம்மூர் இளைஞர் !

அதிரையை சேர்ந்தவர் அலி அக்பர். துபாயில் பணி புரிந்துவரும் இவர் கடந்த வருடம் தனது நண்பர்களுக்காக புனித ரமலான் மாதத்தில் நோன்பு கஞ்சியை பிரத்தியகமாக தயார் கொடுத்துவந்தார். அனைவரிடத்திலும் மிகுந்த வரவேற்பை பெற்று வந்தது. அனைவரும் ஆர்வத்துடன் ஆர்டரும் கொடுத்து வந்தனர். அதன் தொடர்ச்சியாக இந்த வருடமும் நோன்பு கஞ்சி தயார் செய்து கொடுக்கும் முயற்சியில் இறங்கியுள்ளார்.

இதுகுறித்து  துபாயிலிருந்து 'சேட்டு' என்கிற அலி அக்பர் நம்மிடம் அலைபேசியில் வாயிலாக கூறியதாவது...
'நமதூர் நோன்புக் கஞ்சி என்றாலே பிற ஊர்களில் மிகவும் பிரபலம். அந்த அளவுக்கு அதன் தனி சுவையும் மணமும் அமைந்திருக்கும். கடந்த வருடத்தை போல் இந்த வருடமும் துபாயில் நமதூர் நண்பர்களுக்காக ஆர்டரின் பேரில் நோன்பு கஞ்சியை பிரத்தியகமாக தயார்செய்து கொடுத்துவருகிறேன். இஃப்தார் நிகழ்ச்சி ஏற்பாடு செய்யும் நண்பர்கள், சமுதாய அமைப்புகள், வர்த்தக நிறுவனங்கள் தொடர்ந்து எங்களிடம் ஆர்டர் செய்து வருகின்றனர். சுத்தமான முறையில் தயாரிக்கப்பட்ட நோன்பு கஞ்சியை பாதுகாப்பான முறையில் பேக் செய்து சூடாவும் சுவையானதாகவும் குறித்த நேரத்தில் டெலிவரி செய்து வருகிறோம்' என்றார்.

தொடர்புக்கு : 00971 50 8796411, 00971 55 9803935 

குறிப்பு: அதிரையரின் தொழில் ஆர்வத்தை ஊக்குவிக்க வேண்டும் என்ற நோக்கில் தளத்தில் இலவசமாக பதிவு செய்யப்பட்டுள்ளது. இதில் ஏற்படும் நிறை / குறைகளுக்கு அதிரை நியூஸ் எவ்வகையிலும் பொறுப்பாகாது.