அல்லாஹ்வின் பேரருளால் இவ்வருடமும் தியாகப் பெருநாளை அதிரை முஸ்லீம்கள் பெரும் உற்சாகத்துடன் கொண்டாடி மகிழ்ந்தனர்.
வழமைபோல் அதிரை ஈத் கமிட்டியினர் மேலத்தெரு சானாவயல் திடலில் ஏற்பாடு செய்திருந்த ஈதுல் அதுஹா சிறப்புத் தொழுகையில் பெரும் எண்ணிக்கையிலான ஆண்கள், பெண்கள், குழந்தைகள் என குடும்பம் குடும்பமாக கலந்து கொண்டு ஏகன் அல்லாஹ்விற்கு நன்றி செலுத்தி மகிழ்ந்தனர்.
பெருநாள் சிறப்புத் தொழுகையை சகோதரர் ஹஸனார் அவர்கள் நடத்தி குத்பா பேருரையையும் நிகழ்த்தினார்கள். ஹஸனார் அவர்கள் தனது உரையில் தனி மனிதராக இருந்து கொண்டு தூய ஏகத்துவ கொள்கையை நிலைநாட்டுவற்காக பட்ட துன்பங்களை பட்டியலிட்டு நாம் அதிலிருந்து பெற வேண்டிய படிப்பினைகள் குறித்தும் எடுத்தியம்பினார்கள்.
இறுதியாக, குத்பா நிறைவிற்குப்பின் தொழுகையில் கலந்து கொண்ட மக்கள் இருகரமேந்தி அல்லாஹ்விடம் பிரார்த்தனை செய்து முடித்தபின் ஒருவருக்கொருவர் வாழ்த்துக்களை பரிமாறிக் கொண்டவர்களாக சந்தோஷத்துடன் கலைந்து சென்றனர்.
அதிரை அமீன்
