கட்டிடத்தின் கீழ்தளம் எந்நேரமும் இடிந்து கீழே விழும் நிலையில் உள்ளதால் கீழ்தளத்தில் உள்ள வர்த்தக கடைகள் உடனடியாக மூடப்பட்டன. கட்டிடத்தின் உரிமையாளர் சம்பவ இடத்தில முகாமிட்டு வர்த்தகர்களுக்கும், பொதுமக்களுக்கும் பாதிப்பு ஏற்படாத வகையில் முன்னெச்சரிக்கை நடவடிக்கையில் தீவிரமாக இறங்கியுள்ளார். இந்த சாலை வழியே செல்லும் வாகனங்கள் மற்றும் பொதுமக்களை எச்சரிக்கை விடுக்கும் வகையில் சாலையின் குறுக்கே கயிற்றில் சிகப்பு துணி கற்றப்பட்டுள்ளது.
இந்த கட்டிடத்திற்கு செல்லும் மின்இணைப்பு மின்சார வாரிய ஊழியர்களால் துண்டிப்பு செய்யப்பட்டுள்ளது. தகவலறிந்த அதிரை கிராம நிர்வாக அலுவலர் இடிந்த கட்டிட பகுதிகளை ஆய்வு செய்தார். அதிரையில் தொடர்ந்து மழை பெய்து வருவதால் கட்டிட இடிபாடுகளை அகற்றுவதில் தாமதம் ஏற்பட்டுள்ளது.
