நாம் தமிழர் கட்சி அதிராம்பட்டினம் பேரூர் சார்பில், தெருமுனைப் பிரச்சாரம் பேருந்து நிலையத்தில் வெள்ளிக்கிழமை நடைபெற்றது.
பிரச்சாரத்திற்கு, அக்கட்சியின் தஞ்சை தெற்கு மாவட்டச் செயலாளர் ஏ.தேவராஜ் தலைமை வகித்தார். பட்டுக்கோட்டை தொகுதி செயலாளர் வெற்றிச்செல்வன் முன்னிலை வகித்தார். அதிராம்பட்டிணன் பேரூர் செயலாளர் மீ.ஜஹபர் சாதிக், கட்சியின் கொள்கை குறித்து எடுத்துரைத்தார். சிறப்பு அழைப்பாளராக கட்சியின் மாநில கொள்கைப் பரப்பு செயலாளர் புதுக்கோட்டை ஜெயசீலன் கலந்துகொண்டு, உரை நிகழ்த்தினார். இந்நிகழ்வில், அக்கட்சியினர் பலர் கலந்துகொண்டனர்.
முன்னதாக, அக்கட்சியினர் வண்டிப்பேட்டை பஸ் நிறுத்தம் அருகே கொடி ஏற்றி வைத்து கொள்கை முழக்கமிட்டனர்.
