பட்டுக்கோட்டை மனோரா ரோட்டரி சங்கம், ராஜாமடம் அண்ணா பல்கலைகழக உறுப்பு பொறியியல் கல்லூரி, பட்டுக்கோட்டை அரசு மருத்துவமனை, தாமரங்கோட்டை அரசு ஆரம்ப சுகாதார நிலையம் ஆகியவை இணைந்து நடத்திய ரத்ததான முகாம், அண்ணா பல்கலைகழக உறுப்பு பொறியியல் கல்லூரியில் வியாழக்கிழமை நடைபெற்றது.
நிகழ்ச்சிக்கு, மனோரா ரோட்டரி சங்கத் தலைவர் என்.என் நடராஜன் தலைமை வகித்தார். கல்லூரி புல முதல்வர் ஜி. இளங்கோவன் முன்னிலை வகித்தார். ரோட்டரி சங்க மண்டலச் செயலாளர் ஆர்.அண்ணாதுரை வரவேற்றார்.
கல்லூரி நாட்டு நலப்பணித்திட்ட ஒருங்கிணைப்பாளர் வி. ராஜப்பா, பேராசிரியர்கள் கார்த்திகேயன், தமிழரசன், செந்தில்நாதன், ஈழத்தரசன் . மனோரா ரோட்டரி சங்க உறுப்பினர்கள் எம்.எஸ். செல்வராஜ், மகேந்திரன், ஏ.கே குமார், ஏ.என் கண்ணன், ஆகியோர் கலந்துக்கொண்டனர்.
நிகழ்ச்சியில் அரசு மருத்துவர் டாக்டர் திவ்யா ரத்த தானம் செய்வதின் சிறப்பு , அவசியத்தை பற்றி விளக்கினார். சுமார் 60 மாணவ, மாணவிகள் ரத்த தானம் செய்தனர். முடிவில், மனோரா ரோட்டரி சங்கச் செயலாளர் சிவ. சரவணன் நன்றி கூறினார்.
