அதிராம்பட்டினத்தில் 110 குடும்பங்களுக்கு அத்தியவாசிய உணவுப்பொருட்கள் வழங்கல்!

அதிராம்பட்டினம், ஏப்.25
அதிராம்பட்டினம், மேலத்தெரு தாஜுல் இஸ்லாம் இளைஞர்கள் சங்கம் சார்பில், கரோனா வைரஸ் தடுப்பு முன்னெச்சரிக்கை நடவடிக்கையாக, அரசின் ஊரடங்கு உத்தரவை அடுத்து, அதிராம்பட்டினத்தில் வருமானத்திற்கு வழி இல்லாமல் வீடுகளில் முடங்கி கிடக்கும் 110 ஏழை குடும்பங்களுக்கு, தலா 10 கிலோ வீதம் அரிசி, துவரம் பருப்பு, கடலை பருப்பு, புளி, சீனி, ஆயில், பொட்டுக்கடலை, டீ தூள் ஆகிய அத்தியாவசிய உணவுப் பொருட்கள் அடங்கிய தொகுப்பு சனிக்கிழமை வழங்கப்பட்டது.

இதில், மேலத்தெரு தாஜுல் இஸ்லாம் சங்க நிர்வாகிகள் பி.எம்.கே  தாஜுதீன், எம்.எம்.எஸ் முகமது இக்பால், மு.காதர் முகைதீன், பி ஜமாலுதீன், கே. தாஜுதீன் என்கிற சலீம், எஸ். பகுருதீன், என்.எம் சம்சுல் மன்சூர் ஆகியோர் முன்னிலையில், மேலத்தெரு தாஜுல் இஸ்லாம் இளைஞர்கள் சங்க நிர்வாகிகள் மேலத்தெரு, பிலால் நகர் ஆகிய பகுதிகளில் வசிக்கும் பயனாளிகளுக்கு நேரில் சென்று வழங்கினர்.

 

தாஜுல் இஸ்லாம் சங்கம் சார்பில் பொதுமக்களுக்கு பால் விநியோகம்!

அதிராம்பட்டினம், ஏப்.08
பால் தட்டுப்பாட்டை போக்கும் விதத்தில், அதிராம்பட்டினம் மேலத்தெரு தாஜுல் இஸ்லாம் சங்கம் சார்பில், பொதுமக்களுக்கு நேரடியாக இன்று புதன்கிழமை காலை பால் விநியோகிக்கப்பட்டது.

அதிராம்பட்டினம் பகுதிகளில் சைக்கிள் வண்டிகள் மூலம் விநியோகித்து வந்த பால் நேற்று ஏப்.7 ந்தேதி முதல் நிறுத்தப்பட்டதால், பால் தட்டுப்பாடு நிலவியது. இதனால் பொதுமக்கள் பெரும் சிரமத்திற்கு ஆளாகினர்.

இந்நிலையில், அதிராம்பட்டினம் மேலத்தெரு தாஜுல் இஸ்லாம் சங்கம் சார்பில், பால் விற்பனை நிலையம் மூலம் மொத்தமாக கொள்முதல் செய்து  பொதுமக்களுக்கு நேரடியாக 400 லிட்டர் பால் இன்று (ஏப்.08) விநியோகிக்கப்பட்டது. ஏற்பாட்டினை, மேலத்தெரு தாஜுல் இஸ்லாம் சங்கம் நிர்வாகிகள் மற்றும் இளைஞர்கள் சங்க நிர்வாகிகள் செய்திருந்தனர்.

மேலும், அதிரை அனைத்து மஹல்லா கூட்டமைப்பின் சார்பில் பால் விநியோகிக்க சிறப்பு ஏற்பாடு செய்யப்பட்டுள்ளது. பால் தேவையுடைய அதிராம்பட்டினம் அனைத்து மஹல்லாவாசிகள் கீழ்காணும் அதிரை அனைத்து மஹல்லா கூட்டமைப்பு நிர்வாகிகளை தொடர்பு கொள்ளலாம்.

தொடர்புக்கு:

9750044349

9442223190

 

 

மேலத்தெரு தாஜுல் இஸ்லாம் சங்க புதிய நிர்வாகிகள் பொறுப்பு ஏற்பு (படங்கள்)

அதிராம்பட்டினம், மார்ச் 18
தஞ்சாவூர் மாவட்டம், அதிராம்பட்டினம், மேலத்தெரு தாஜுல் இஸ்லாம் சங்க புதிய நிர்வாகிகள் தேர்வுக்கூட்டம், சங்க வளாகத்தில் கடந்த 11-03-2020 அன்று நடைபெற்றது.

தாஜுல் இஸ்லாம் சங்கத்தின் புதிய தலைவராக பி.எம்.கே தாஜுதீன், துணைத்தலைவராக எம்.எம்.எஸ் முகமது இக்பால், செயலாளர்களாக எம்.காதர் முகைதீன், பி.ஜமாலுதீன், துணைச் செயலாளராக என்.சம்சுல் மன்சூர், பொருளாளர்களாக கே. தாஜுதீன் என்கிற சலீம், எஸ். பகுருதீன் ஆகியோர் ஏகமனதாக தேர்வு செய்யப்பட்டனர்.

மேலும், ம.செ ஜபருல்லா, கே.நஜ்முதீன், எம்.ஐ முகமது அஸ்ரப், கே.முகமது அப்துல்லா, ஏ.சகாபுதீன், வி.டி அஜ்மல்கான், எம்.எம்.எஸ் அன்வர், ஜெ.முகமது புஹாரி, ஏ.சிக்கந்தர், எஸ்.நிஜாமுதீன் ஆகிய 10 பேர் கொண்ட ஆலோசனைக்குழு உறுப்பினர்கள் தேர்வு செய்யப்பட்டனர்.

நிர்வாகிகள் தேர்வினை ஜெ. முகமது புஹாரி, கே.ராஜிக் முகமது, எஸ்.நிஜாமுதீன் ஆகியோர் நடத்தினர்.

இந்நிலையில், புதிதாக தேர்வான நிர்வாகிகள் அனைவரும் நேற்று (17-03-2020) செவ்வாய்க்கிழமை மாலை சங்க வளாகத்தில் நடந்த நிகழ்ச்சியில் பொறுப்பு ஏற்றுக்கொண்டனர்.

பின்னர் நடந்த கூட்டத்தில், மேலத்தெரு தாஜுல் இஸ்லாம் சங்கத் தலைவரும், அதிரை அனைத்து மஹல்லா கூட்டமைப்பின் முன்னாள் தலைவருமாகிய ஹாஜி எம்.எம்.எஸ் சேக் நசுருதீன் மறைவுக்கு, மறுமையின் ஈடேற்றத்திற்கு துஆ செய்தவண்ணம் இரங்கல் தீர்மானம் நிறைவேற்றப்பட்டது.

நிர்வாகத்தேர்வில் ஆட்சேபனை தெரிவித்து மஹல்லாவாசிகள் கே.எஸ்.எம் பகுருதீன், எம்.எம்.எஸ் முகமது இக்பால் ஆகியோரிடம் அளித்திருந்த மனு தொடர்பாக விவாதிக்கப்பட்டது. நிறைவில், புதிதாக பொறுப்பு ஏற்றுக்கொண்ட செயலாளர்கள் இருவரும் சமூக ஒற்றுமை, வளர்ச்சி ஆகியவற்றை கருத்தில்கொண்டு ஒருவருக்கொருவர் பரஸ்பரம் இணைந்து சேவை ஆற்ற வேண்டுமென கூட்டத்தில் தீர்மானிக்கப்பட்டது.

இதில், பெரிய ஜும்மா பள்ளிவாசல் நிர்வாகக் கமிட்டி செயலர் கே.எஸ்.எம். பகுருதீன், மேலத்தெரு தாஜுல் இஸ்லாம் சங்க நிர்வாகிகள், ஆலோசனைக்குழு உறுப்பினர்கள், தாஜுல் இஸ்லாம் இளைஞர்கள் சங்க நிர்வாகிகள் மற்றும் சிறப்பு அழைப்பின் பேரில் சேக்கனா நிஜாம் ஆகியோர் கலந்துகொண்டனர்.

 

மேலத்தெரு தாஜுல் இஸ்லாம் சங்க புதிய நிர்வாகிகள் தேர்வு!

கோப்புப்படம்

அதிராம்பட்டினம், மார்ச் 14
தஞ்சாவூர் மாவட்டம், அதிராம்பட்டினம், மேலத்தெரு தாஜுல் இஸ்லாம் சங்க புதிய நிர்வாகிகள் தேர்வுக்கூட்டம், சங்க வளாகத்தில் (11-03-2020) வியாழக்கிழமை மாலை நடைபெற்றது.

கூட்டத்தில், தாஜுல் இஸ்லாம் சங்கத்தின் புதிய தலைவராக பி.எம்.கே தாஜுதீன், துணைத்தலைவராக எம்.எம்.எஸ் முகமது இக்பால், செயலாளர்களாக பி.ஜமாலுதீன், எம்.காதர் முகைதீன், துணைச் செயலாளராக என்.சம்சுல் மன்சூர், பொருளாளர்களாக கே. தாஜுதீன் என்கிற சலீம், எஸ். பகுருதீன் ஆகியோர் ஏகமனதாக தேர்வு செய்யப்பட்டனர்.

மேலும், ம.செ ஜபருல்லா, கே.நஜ்முதீன், எம்.ஐ அஸ்ரப், கே.முகமது அப்துல்லா, ஏ.சகாபுதீன், வி.டி அஜ்மல்கான், எம்.எம்.எஸ் அன்வர், ஜெ.முகமது புஹாரி, ஏ.சிக்கந்தர், எஸ்.நிஜாமுதீன் ஆகிய 10 பேர் கொண்ட ஆலோசனைக்குழு உறுப்பினர்கள் தேர்வு செய்யப்பட்டனர்.

புதிய நிர்வாகிகள் தேர்வினை ஜெ. முகமது புஹாரி, கே.ராஜிக் முகமது, எஸ்.நிஜாமுதீன் ஆகியோர் நடத்தினர். இக்கூட்டத்தில், மஹல்லாவாசிகள் பலர் கலந்துகொண்டனர்.

TIYA அமைப்பின் சார்பில் பள்ளி மாணவர்களுக்கு டெங்கு காய்ச்சல் தடுப்பு சிறப்பு மருத்துவ முகாம்!

அதிராம்பட்டினம், அக்.24
அதிராம்பட்டினம், மேலத்தெரு தாஜுல் இஸ்லாம் இளைஞர்கள் சங்கம் (TIYA),  தாமரங்கோட்டை அரசு ஆரம்ப சுகாதார நிலையம் இணைந்து டெங்கு காய்ச்சல் தடுப்பு சிறப்பு மருத்துவ முகாம் மேலத்தெரு ஊராட்சி ஒன்றிய நடுநிலைப்பள்ளி பாலகர்வாடி வளாகத்தில் இன்று வியாழக்கிழமை நடைபெற்றது.

முகாமில், தாமரங்கோட்டை அரசு ஆரம்ப சுகாதார நிலைய மருத்துவா்கள் டாக்டர் பி.பிரியதர்சினி, டாக்டர் சோமசுந்தரம் ஆகியோர் தலைமையிலான மருத்துவக் குழுவினா், முகாமில் பங்கேற்ற மேலத்தெரு ஊராட்சி ஒன்றிய நடுநிலைப்பள்ளி மாணவா்கள் உட்பட 200 க்கும் மேற்பட்டோருக்கு காய்ச்சல் மருத்துவப் பரிசோதனை செய்து மருந்து, மாத்திரை வழங்கினர். மேலும், டெங்கு காய்ச்சல் தடுப்பு விழிப்புணா்வு ஏற்படுத்தப்பட்டது. இதில், பள்ளித் தலைமை ஆசிரியை, ஆசிரியர்கள், TIYA அமைப்பின் நிர்வாகிகள் கலந்துகொண்டனர்.

 

அதிராம்பட்டினத்தில் TIYA அமைப்பின் புதிய நிர்வாகிகள் தேர்வு (படங்கள்)

அதிராம்பட்டினம், அக்.19
அதிராம்பட்டினம், மேலத்தெரு தாஜுல் இஸ்லாம் இளைஞர்கள் சங்கம் (TIYA) அமைப்பின் சார்பில், புதிய நிர்வாகிகள் தேர்வு தாஜுல் இஸ்லாம் சங்க வளாகத்தில் வெள்ளிக்கிழமை நடைபெற்றது.

கூட்டத்திற்கு, தாஜுல் இஸ்லாம் சங்கத் தலைவர் எம்.எம்.எஸ் சேக் நசுருதீன் தலைமை வகித்தார். TIYA அமைப்பின் முன்னாள் தலைவர் என். முகமது மாலிக் கிராத் ஓதி கூட்டத்தை தொடங்கி வைத்தார். அதிரை TIYA அமைப்பின் தலைவர் எச்.சபிர் அகமது வரவேற்றுப் பேசினார்.

கடந்த காலங்களில் TIYA அமைப்பு ஆற்றிய சேவைகள் மற்றும் செயல்பாடுகள் பற்றி, அபுதாபி தமிழ் சங்க முன்னாள் தலைவர் மு. காதர் முகைதீன், என். முகமது மாலிக் ஆகியோர் விரிவாக எடுத்துரைத்தனர். மேலும், அடுத்தக்கட்டமாக முன்னெடுத்துச் செல்லும் பணிகள் பற்றி விவாதிக்கப்பட்டன.

பின்னர், தாஜுல் இஸ்லாம் இளைஞர்கள் சங்கம் (TIYA) புதிய நிர்வாகிகள் தேர்வு நடைபெற்றது. தேர்வை தாஜுல் இஸ்லாம் சங்க துணைத்தலைவரர் பி.எம்.கே தாஜூதீன், கே.எம்.எஸ் நிஜாமுதீன் ( மீடியா மேஜிக்) ஆகியோர் நடத்தினர். இதில், தலைவராக ஐ. மக்ஸின், துணைத் தலைவராக எச்.பெரோஸ், செயலாளராக எச். சபீர் அகமது, துணைச் செயலாளராக கே. அஃப்ரீத்கான், பொருளாளராக கே.கே அசாருதீன் ஆகியோர் ஏகமனதாக தேர்வு செய்யப்பட்டனர். இக்கூட்டத்தில், மஹல்லா நிர்வாகிகள், இளைஞர்கள் பலர் கலந்துகொண்டனர்.

துபையில் TIYA அமைப்பின் இஃப்தார் விருந்து நிகழ்ச்சி (படங்கள்)

அதிரை நியூஸ்: மே 26
துபையில் அமீரக TIYA அமைப்பின் 7-ஆம் ஆண்டு இஃப்தார் விருந்து நிகழ்ச்சி வெள்ளிக்கிழமை நடைபெற்றது.

துபையில் கடந்த 6 ஆண்டுகளாக அமீரக தாஜுல் இஸ்லாம் இளைஞர் சங்கத்தின் (TIYA)  சார்பாக நடைபெற்று வந்த இஃப்தார் எனும் நோன்பு திறப்பு மற்றும் மஹல்லாவாசிகளின் ஒன்று கூடல் நிகழ்ச்சி 7-வது வருடமாக  அபூ ஹாயில் பகுதியில் அமைந்துள்ள ஹம்ரியா பூங்காவில் நடைப்பெற்றது.

இந்நிகழ்வில், மேலத்தெரு முஹல்லாவாசிகள், குடும்பத்தினர்கள், அமீரக வாழ் அதிரை அனைத்து மஹல்லா நிர்வாகிகள், சிறப்பு அழைப்பாளர்கள், பிற ஊர் சகோதரர்கள் என பலரும் கலந்துகொண்டு சிறப்பித்தனர்.

நிகழ்ச்சிக்கு, அவ்வமைப்பின் துணைத்தலைவர் நவாஸ் தலைமை வகித்தார். முன்னாள் தலைவர் என்.அப்துல் மாலிக் அனைவரையும் வரவேற்றுப் பேசினார். பின்னர், TIYA அமைப்பு ஆற்றி வரும் பல்வேறு சமூக நலப் பணிகள் பற்றி எடுத்துரைத்தார்.

இஃப்தார் நிகழ்வுகளை அமீரக TIYA நிர்வாகிகள் ஒழுங்கு செய்திருந்தனர். மேலும் மேலத்தெரு மஹல்லாவாசிகள் பலர் ஸ்பான்சர் செய்திருந்தனர்.  நிர்வாகிகள், உறுப்பினர்கள், மஹல்லாவாசிகள் என அனைவரும் உற்சாகத்துடன் களப்பணிகளிலும், உணவு தயாரிப்பிலும், உபசரிப்பிலும் ஆர்வமுடன் ஈடுபட்டனர்.

இறுதியாக, கலந்து கொண்ட மஹல்லாவாசிகளுக்கும், சிறப்பு அழைப்பாளர்களுக்கும், ஸ்பான்சர்களுக்கும், உடல் மற்றும் பொருளாதார ஒத்துழைப்பை நல்கியவர்களுக்கும் நன்றி தெரிவிக்கப்பட்டது.