காதிர் முகைதீன் ஆண்கள் மேல்நிலைப் பள்ளியில் கொண்டாடப்பட்ட குடியரசு தின நிகழ்ச்சி !

இந்திய குடியரசு பெற்று 65 ஆண்டுகள் கழிந்து 66 வது ஆண்டை நோக்கிச் செல்லும் இந்த தினத்தில் இன்று காலை 8 மணியளவில் காதிர் முகைதீன் ஆண்கள் மேல்நிலைப்பள்ளியில் குடியரசு தின கொடியேற்றும் விழா உற்சாகமாக கொண்டாடப்பட்டது.

பள்ளியின் தலைமை ஆசிரியர் மஹபூப் அலி அவர்கள் இந்திய தேசிய கொடியை ஏற்றி வைத்து குடியரசு தின உரை நிகழ்த்தினார். பள்ளியின் முதுகலை ஆசிரியர்கள் நாகராஜன், கணபதி குடியரசு தின வாழ்த்து செய்தியை வழங்கினார்கள்.

இன்றைய நிகழ்ச்சியில் பள்ளியில் சாதனை நிகழ்த்திய மாணவர்களுக்கு சான்றிதல் வழங்கி பாராட்டு தெரிவிக்கப்பட்டது. இந்நிகழ்ச்சியில் பள்ளியின் அனைத்து ஆசிரிய ஆசிரியைகள், அலுவலக உதவியாளர்கள், மாணவர்கள் பங்கேற்று சிறப்பித்தனர். நிகழ்ச்சியில் கலந்துகொண்ட அனைவருக்கும் இனிப்புகள் வழங்கப்பட்டது.

செய்தி மற்றும் படங்கள்:
அசாருதீன்