குவைத்தில் இந்திய சுதந்திர தின விழா கொண்டாட்டம் !

குவைத் : குவைத்தில் இந்தியாவின் 69-வது சுதந்திர தின விழா உற்சாகமாக கொண்டாடப்பட்டது.

குவைத் நாட்டுக்கான இந்திய தூதர் சுனில் ஜெயின் இந்திய தேசியக் கொடியை ஏற்றி வைத்து மரியாதை செய்தார். இந்திய குடியரசுத் தலைவரின் சுதந்திர தின உரையினை வாசித்தார். இந்திய தூதரகம் குவைத்தில் வாழ்ந்து வரும் இந்திய மக்களுக்கு மேற்கொண்டு வரும் பணிகள் பற்றி விவரித்தார்.

இந்த விழாவில் இந்திய மக்கள் ஐந்தாயிரம் பேருக்கு மேல் பங்கேற்றனர்.

 

துபாயில் இந்திய சுதந்திர தினம் உற்சாக கொண்டாட்டம் !

துபாய் : துபாய் இந்திய துணை தூதரகத்தில் இந்திய சுதந்திர தினம் உற்சாகமாக கொண்டாடப்பட்டது. இந்திய துணை தூதர் அனுராக் பூஷன் இந்திய தேசிய கொடியினை ஏற்றி வைத்தார். இந்திய குடியரசுத் தலைவரின் சுதந்திர தின உரையினை வாசித்தார்.

அதனைத் தொடர்ந்து பள்ளி மாணவ, மாணவியரின் கண்கவர் கலைநிகழ்ச்சிகள் நடந்தது. இதில் ஆயிரக்கணக்கானோர் பங்கேற்றனர்.

அரசு நடு நிலைப்பள்ளியில் கொண்டாடப்பட்ட சுதந்திர தின விழா !

இந்தியாவின் 69 வது சுதந்திர தின விழா நாடெங்கிலும் வெகு விமர்சையாக கொண்டாடப்பட்டது.

அதிரை காவல் நிலையம் அருகே அமைந்துள்ள  ஊராட்சி ஒன்றிய நடு நிலைப்பளியில் ( எண் 2 ) கொண்டாடப்பட்ட சுதந்திர தின விழாவில் அதிரை பேரூராட்சி துணை தலைவர் பிச்சை இந்திய தேசியக்கொடியை ஏற்றி வைத்து சுதந்திர தின உரை நிகழ்த்தினார். தனது உரையில் 'பள்ளியின் தரத்தை மேல்நிலைப்பள்ளியாக உயர்த்தவும், பள்ளியில் போதுமான கழிவறை வசதி, குடிநீர் வசதி ஏற்படுத்திக்கொடுப்பது தமது நோக்கம்' என்றார்.

சமுதாயம் சார்ந்த பேரிடர் அபாய மேலாண்மைத் திட்டத்தின் மாவட்ட திட்ட அலுவலர் திரு. ஜெயசீலன் அவர்கள் பள்ளியில் நடத்தப்படும் முதலுதவி செயல்முறை மற்றும் விழிப்புணர்வு பயிற்சி குறித்து பேசினார்.

இந்தியன் ரெட் கிராஸ் சொசைட்டி சார்பில் 'பேரிடர் தயார் நிலையில் மாணவர்களின் பங்கு' எனும் தலைப்பில் நடத்தப்பட்ட ஓவியப்போட்டியில் கலந்துகொண்டு வெற்றி பெற்ற மாணவிகளுக்கு பரிசுகள் வழங்கப்பட்டது. பரிசுகளை இந்தியன் ரெட் கிராஸ் சொசைட்டி அதிரை சேர்மன் மரைக்கா கே இத்ரீஸ் அஹமது அவர்கள் கடற்கரையோர அரசு பள்ளிகளுக்கு நன்கொடையாக வழங்கினார்.

முன்னதாக பள்ளியின் பொறுப்பு தலைமை ஆசிரியர் வரவேற்று பேசினார். விழாவில் கூட்டுறவு வங்கி தலைவர் காமராஜ், துணைத்தலைவர் முஹம்மது தமீம், கவுன்சிலர்கள் சிவக்குமார், அப்துல் லத்திப், சேனா மூனா ஹாஜா முகைதீன், அபூதாஹிர், தக்வா பள்ளி நிர்வாக கமிட்டி உறுப்பினர்கள் முஹம்மது தமீம், ஹாஜா பகுருதீன், 'நூவண்ண' நூர் முஹம்மது மற்றும் பள்ளியின் தலைமை ஆசிரியை மற்றும் ஆசிரியர் ஆசிரியைகள், அலுவலக பணியாளர்கள், பள்ளி மாணவ மாணவிகள் கலந்துகொண்டு சிறப்பித்தனர். அனைவருக்கும் இனிப்புகள் வழங்கப்பட்டது.

 

 

நடுத்தெரு வாய்க்கால் தெரு பள்ளியில் இந்திய சுதந்திர தினம் உற்சாக கொண்டாட்டம் !

இந்தியாவின் 69 வது சுதந்திர தின விழா நேற்று [ 15-08-2015 ] காலை நாடெங்கிலும் வெகு விமர்சையாக கொண்டாடப்பட்டது.

நடுத்தெரு வாய்க்கால் தெரு ஊராட்சி ஒன்றிய நடுநிலைப்பள்ளியில் சுதந்திர தின கொடியேற்றும் விழா உற்சாகமாக கொண்டாடப்பட்டது.

பெற்றோர் ஆசிரியர் கழக பொறுப்பாளரும், முன்னாள் உதவி தலைமை ஆசிரியருமாகிய முஹம்மது ஹனீபா இந்திய தேசிய கொடியை ஏற்றி வைத்தார். பெற்றோர் ஆசிரியர் கழக பொறுப்பாளரும், முன்னாள் தலைமை ஆசிரியருமாகிய எஸ்.கே.எம் ஹாஜா முகைதீன் அவர்கள் சுதந்திர தின உரை நிகழ்த்தினார்.

முன்னதாக உலகில் அமைதி மற்றும் சமூக நல்லிணக்கம் மலர பெற்றோர் ஆசிரியர் கழக பொறுப்பாளரும், வழக்கறிஞருமாகிய ஏ.அப்துல் முனாப் சமாதான புறாவை பறக்கவிட்டார்.

இந்நிகழ்ச்சியில் பள்ளியின் அனைத்து ஆசிரிய ஆசிரியைகள், பெற்றோர் ஆசிரிய கழக பொறுப்பாளர்கள், பேரூர் வார்டு உறுப்பினர்கள், மாணவ மாணவிகள் பங்கேற்று சிறப்பித்தனர். நிகழ்ச்சியில் கலந்துகொண்ட அனைவருக்கும் இனிப்புகள் வழங்கப்பட்டது.

அபுதாபியில் இந்திய சுதந்திர தினம் உற்சாக கொண்டாட்டம் !

அபுதாபி : அபுதாபி இந்திய தூதரகத்தில் இந்திய சுதந்திர தினம் உற்சாகமாக கொண்டாடப்பட்டது. இந்திய தூதர் டி.பி. சீத்தாராம் இந்திய தேசிய கொடியினை ஏற்றி வைத்து மரியாதை செய்தார். இந்திய குடியரசுத் தலைவரின் சுதந்திர தின உரையினை வாசித்தார்.

அதனைத் தொடர்ந்து பள்ளி மாணவ, மாணவியரின் கண்கவர் கலைநிகழ்ச்சிகள் நடந்தது. இதில் ஆயிரக்கணக்கானோர் பங்கேற்றனர். இந்திய பிரதமர் நரேந்திர மோடி ஐக்கிய அரபு அமீரகம் வருவதையொட்டி இந்திய தூதரகம் உற்சாகமாக காணப்பட்டது.

ஜித்தா இந்தியன் சோஷியல் ஃபோரம் சார்பில் இந்திய சுதந்திர தின விழா !

இந்திய தேசத்தின் 69-வது சுதந்திர தின விழா நேற்று மாலை இந்தியன் சோஷியல் ஃபோரம், ஜித்தா தமிழ் பிரிவு சார்பாக நடத்தப்பட்டது.

இந்நிகழ்ச்சிக்கு இந்தியன் சோஷியல் ஃபோரத்தின் தமிழ் பிரிவு தலைவர் பயாஸுத்தீன் அவர்கள் தலைமை தாங்கினார். இந்தியன் சோஷியல் ஃபோரத்தின் தென் மண்டலச் செயலார் உவைஸ் அவர்கள் நிகழ்ச்சியின் அறிமுக உரையை  வழங்கினார்.

சிறப்பு விருந்தினர்களாக, இந்தியா ஃப்ரடர்னிட்டி ஃபோரத்தின் தமிழ் பிரிவு தலைவர் மகபூப் சரீப் அவர்கள் கலந்து கொண்டு சிறப்புரையாற்றினார். ஜித்தா, தமிழ் மீடியா ஃபோரத்தின் செயலாளர் ஜபருல்லாஹ் அவர்கள் இந்நிகழ்ச்சிக்கு வாழ்த்துரை வழங்கினார்

இந்நிகழ்ச்சியில் இந்திய தேசம் 69-வது சுதந்திர தினத்தை கொண்டாடும் இந்நாளில் சுதந்திரத்திற்கு சொந்தக்காரர்களாகிய அனவரும் சுதந்திரமாக வாழ வாழ்த்து தெரிவித்ததோடு, “வேற்றுமையில் ஒற்றுமை” என்ற தாரக மந்திரத்தை கொண்ட இந்தியா இன்று பாராபட்சத்தை காட்டுவதில் உச்சத்தை எட்டியுள்ளதையும், நீதீகள் மறுக்கப்பட்டு அநீதிகள் அரங்கேற்றப்படுவதும், நாட்டின் பொருளாதாரம் சீர்குலைந்து நாட்டின் வளர்ச்சிக்கு பெரும் சவாலாக அமைந்து விட்டதையும் சுட்டிக்காட்டப்பட்டது.

இந்தியன் சோஷியல் ஃபோரத்தின் தமிழ் பிரிவு துனை தலைவர் முஹம்மது ரஃபீ அவர்கள் நன்றியுரை வழங்கினார். இந்நிகழ்ச்சிக்கு வரவேற்புரையாற்றிய இந்தியன் சோஷியல் ஃபோரத்தின் வட மண்டலத்தலைவர் ஜமீல்தீன் அவர்கள் நிகழ்ச்சியை தொகுத்து வழங்கினார்.

'கலாம்' பெயரில் கப்பல்: 'இளம் விஞ்ஞானி' பிரைட் மீரா பேரூராட்சி அலுவலகத்தில் கெளரவிப்பு !

அதிரையை சேர்ந்தவர் பிரைட் மீரா. பழைய போஸ்ட் ஆபீஸ் பகுதியில் சொந்தமாக தொழில் நடத்தி வருகிறார். இவருக்கு கிடைக்கும் ஓய்வான நேரத்தில் பயனுள்ள வகையில் பல அறிய புதிய கண்டுபிடிப்புகளை உருவாக்கி வருகிறார். குறிப்பாக இந்திய தேசத்தின் மீது தான் கொண்டுள்ள அளவில்லா பற்றுதலை பறைசாற்றும் விதமாக ஒவ்வொரு சுதந்திர தினம், குடியரசு தினத்தன்றும் பல கண்டுபிடிப்புகளை தனது சொந்த செலவில் பல்வேறு நுணுக்கங்களோடு தொடர்ந்து உருவாக்கி வருகிறார். இதற்காக தனது வீட்டில் கூடுதலான நேரங்களை ஒதுக்கி ஆர்வத்துடன் செய்து வருகிறார். இவருடைய படைப்புகளை ஏராளமான பள்ளி கல்லூரி மாணவர்கள் உள்ளிட்ட பொதுமக்கள் வியப்புடன் பார்வையிட்டு இவரை பாராட்டிவிட்டு செல்கின்றனர். இவரின் படைப்பாற்றலை வியந்த பலர் 'இளம் விஞ்ஞானி' என அன்புடன் அழைக்கப்படுகிறார்.

இவருடைய அசத்தலான கண்டுபிடிப்புகளை பிறர் கண்டு மகிழ்வது இவருக்கும் கூடுதலான உற்சாகத்தை தருகின்றது. இவருடைய தயாரிப்புகளுக்கு அங்கீகாரமாக பல்வேறு தனியார் தொலைக்காட்சிகளும், இணையதளங்களும், பத்திரிக்கைகளும் இவர் உருவாக்கிய பல படைப்புகளை படம்பிடித்து செய்தியாக பரப்பி வருகின்றன. மேலும் தனது நாட்டை நேசிக்கும் பண்பின் காரணமாக 'தேசபற்று மிக்கவர்' என்ற விருதும் பெற்றுள்ளார்.

இந்நிலையில் மறைந்த 'மாமேதை' அப்துல் கலாம் மீது அதிக பற்றுகொண்டுள்ள இவர் தனது புதிய கண்டுபிடிப்புக்கு 'அப்துல் கலாம்' பெயரை சூற்றி மகிழ்ந்திருக்கிறார். அதிரை பேரூராட்சித் தலைவர் S.H. அஸ்லம் அவர்களின் ஏற்பாட்டின் பேரில் இவரது படைப்பை அங்கீகரிக்கும் வகையில் அதிரை பேரூராட்சி அலுவலகத்தில் இன்று கொண்டாடப்பட்ட 69 வது ஆண்டு சுதந்திர தினவிழாவில் இளம் விஞ்ஞானி 'பிரைட்' மீரா கெளரவிக்கப்பட்டார். இவருக்கு அதிரை பேரூராட்சி செயல் அலுவலர் முனியசாமி, அதிரை ரெட் கிராஸ் சேர்மன் மரைக்கா இத்ரீஸ் ஆகியோர் பொன்னாடை போர்த்தி வாழ்த்து தெரிவித்தனர். மேலும் விழாவில் கலந்துகொண்ட பலர் இவருக்கு வாழ்த்து தெரிவித்தனர்.

மாணவ மாணவிகளின் பார்வைக்காக இவரது படைப்பு பழைய போஸ்ட் ஆபீஸ் சாலையில் உள்ள இவரது பிரைட் எலெக்ட்ரிக் கடையில் வைக்கப்பட்டுள்ளது. மாணவ மாணவிகள், பொதுமக்கள் ஆர்வத்துடன் கண்டுகளித்து வருகின்றனர்.

இவருடைய படைப்புகளுக்கு மத்திய மாநில அரசுகள் அங்கீகாரம் அளித்து இவரை ஊக்குவிக்க வேண்டும் என்பது பலரின் வேண்டுகோளாக இருக்கிறது. பிறந்த மண்ணிற்கு பெருமைத் தேடித்தந்துகொண்டிருக்கும் இளம் விஞ்ஞானி 'பிரைட்' மீராவை நாமும் வாழ்த்தி ஊக்குவிப்போம்.

அதிரையில் எஸ்டிபிஐ கட்சியினரின் சுதந்திர தின கொண்டாட்டம் !

இந்தியாவின் 69 வது சுதந்திர தின விழா இன்று [ 15-08-2015 ] காலை நாடெங்கிலும் வெகு விமர்சையாக கொண்டாடப்பட்டது.

அதிரையில் எஸ்டிபிஐ கட்சியின் சார்பில் சுதந்திர தினம் கொண்டாடப்பட்டது. எஸ்டிபிஐ கட்சியின் மாவட்ட செயலாளர் அபுல் ஹசன் இந்திய தேசிய கொடியை ஏற்றி வைத்தார். இதில் எஸ்டிபிஐ கட்சியின் அதிரை பேரூர் தலைவர் அன்வர் மற்றும் எஸ்டிபிஐ கட்சியின் நகர பொறுப்பாளர்கள் கலந்துகொண்டனர். அனைவருக்கும் இனிப்பு வழங்கப்பட்டது.

அதிரை பேரூர் காங்கிரசார் கொண்டாடிய சுதந்திர தின விழா !

இந்தியாவின் 69 வது சுதந்திர தின விழா இன்று [ 15-08-2015 ] காலை நாடெங்கிலும் வெகு விமர்சையாக கொண்டாடப்பட்டது.

இந்திய தேசிய காங்கிரஸ் அதிரை பேரூர் சார்பில் சுதந்திர தினம் கொண்டப்பட்டது. அதிரை பேரூந்து நிலையம், சேர்மன் வாடி ஆகிய இரண்டு இடங்களில் கொடி ஏற்றப்பட்டது.

இதில் காங்கிரஸ் கட்சியின் முன்னாள் தலைவர் ஏ கோவிந்தன், நாராயணசாமி, நகர காங்கிரஸ் செயலாளர் ஏ. பாஃருக், கே.பி தாவூது பாட்சா, பி.திலகராஜ், கட்டபொம்மன், எஹ்யா அப்துல் காசிம், ராஃபியுதீன், ரியாஸ் அஹமது, என்ஏ நெய்னா முஹம்மது, ராஷித் உள்ளிட்ட காங்கிரசார் கலந்துகொண்டனர்.