தஞ்சாவூர் மாவட்டம், அதிராம்பட்டினம் அரிமா சங்க நிர்வாகிகள் ~ உறுப்பினர்கள் மாதாந்திர ஆலோசனைக் கூட்டம் 27.09.2020 அன்று ஞாயிற்றுக்கிழமை சாரா திருமண மஹாலில் நடைபெற்றது.கூட்டத்திற்கு, சங்கத் தலைவர் எம். அப்துல் ஜலீல் தலைமை வகித்து, வரவேற்றுப் பேசினார். முன்னாள் தலைவர் பேராசிரியர் எம்.ஏ முகமது அப்துல் காதர், நிர்வாக அலுவலர் எம்.நெய்னா முகமது ஆகியோர் முன்னிலை வகித்தனர். செயலாளர் எம்.நிஜாமுதீன் மாதாந்திர அறிக்கை வாசித்தார். பொருளாளர் எஸ்.எம் முகமது முகைதீன் சங்க நிதி நிலை அறிக்கை வாசித்தார்.
கூட்டத்தில், அரிமா சங்க மாவட்ட ஆளுநரின் சிறப்புத் திட்டமான நடைபாதை எளிய வியாபாரிக்கு தள்ளுவண்டி ஒன்றை இலவசமாக வழங்குவது, எதிர்வரும் அக்.2 காந்தி ஜெயந்தி அன்று பசித்தோருக்கு அன்னதானம் வழங்குவது என்பன உள்ளிட்ட தீர்மானிக்கப்பட்டன. அரிமா சங்க மாவட்டத் தலைவர் பேராசிரியர் பி கணபதி வாழ்த்துரை வழங்கினார்.
கூட்டத்தில், சங்கத்தின் புதிய உறுப்பினராக இணைந்த ஹாஜா நசுருதீன், அயூப்கான் ஆகியோருக்கு, அரிமா சங்க மாவட்ட ஒரியண்டேஷன் பிரிவுத் தலைவர் பேராசிரியர் கே.செய்யது அகமது கபீர், பதவி பிரமாணம் செய்து வைத்தார். மேலும், அரிமா சங்க மாவட்டத் தலைவர் பேராசிரியர் எம்.ஏ முகமது அப்துல் காதர் வாழ்த்துரை வழங்கினர்.
கூட்டத்தில், அரிமா சங்க மாவட்டத் தலைவர்கள் பேராசிரியர் கே.செய்யது அகமது கபீர், எம்.அகமது, எம்.சாகுல் ஹமீது, அதிராம்பட்டினம் அரிமா சங்க இயக்குநர்கள் எஸ்.ஏ அப்துல் ஹமீது, பேராசிரியர் கே.முருகானந்தம், ஆர். செல்வராஜ், அரிமா சங்க நிர்வாகிகள் பி.பிச்சமுத்து, என்.யூ ராமமூர்த்தி, எம்.முகமது அபூபக்கர், எம். அப்துல் ரஹ்மான், எம்.நெய்னா முகமது, சி.சார்லஸ், என்.உதயகுமார், முல்லை ஆர்.மதி, எம்.அபுல் ஹசன் சாதலி, குப்பாஷா எம்.அகமது கபீர், எம்.கே.எம் முகமது அபூபக்கர், பி.உமா சங்கர், கலையரசன், எம்.ஏ முகமது அபூபக்கர், ஏ.வி.எம் வரிசை முகமது, ஏ.முகமது ஆரிப், ஒய்.முகமது அபூபக்கர் உள்ளிட்ட நிர்வாகிகள், உறுப்பினர்கள் கலந்துகொண்டனர்.





















































