அதிரையில் வாழும் பேச இயலாத - காது கேளாதோரின் பெருநாள் சுற்றுலா ! [ படங்கள் இணைப்பு ]

கடந்த பெருநாள் பண்டிகையை  அதிரையில் வாழும் மாற்றுத்திறனாளிகள் பேச இயலாத - காது கேளாதோர் நல சங்க உறுப்பினர்கள் அனைவரும் உற்சாகமாக கொண்டாடி மகிழ்ந்தனர். பெருநாள் அன்று ஒன்றாக கூடிய இவர்கள் அனைவரும் வழக்கம் போல் இந்த முறையும் பெருநாள் சுற்றுலா செல்ல திட்டமிட்டனர்.

அதன்படி வாடகைக்கு வாகனத்தை எடுத்துக்கொண்ட இவர்கள் அதிரையிலிருந்து ஈசிஆர் சாலை வழியாக இராமேஸ்வரம் பகுதிக்கு புறப்பட்டு சென்றனர். இப்பகுதியில் காணப்படும் அரியமான் கடற்கரை பகுதி, பாம்பன் பாலம், பாம்பன் படகு சவாரி, இராமேஸ்வரம், தனுஸ்கோடி, அங்குள்ள அரிய வகை நீர்வாழ் உயிரினங்களை உள்ளடக்கிய அழகிய தீவுகள் மற்றும் மாங்குரோவ் காடுகள் அமைந்துள்ள மன்னார் வளைகுடா தேசிய பூங்கா ஆகிய பகுதிகளை கண்டு களித்தனர். இதில் இஸ்லாமிய உறுப்பினர்களுடன், பிறமத உறுப்பினர்களும் ஆர்வத்துடன் பங்குகொண்டனர்.

சுற்றுலா சென்று வந்த செலவுகளை ஒவ்வொருவரும் சரிசமமாக பங்கிட்டு கொண்டனர். வெற்றிகரமாக பகல் நேர சுற்றுலாவை முடித்துக்கொண்டு ஒற்றுமையுடன் ஊர் திரும்பிய இவர்கள் வழக்கம் போல் அவரவர்களின் பணிகளில் மூழ்கிகிடக்கின்றனர்.