அதிரையில் 24.50 மி.மீ மழை பதிவு !

அதிராம்பட்டினம், டிச-01
தென்கிழக்கு வங்கக் கடலில் உருவான நாடா புயல் நாளை (வெள்ளிக்கிழமை) காலை புதுச்சேரி - வேதாரண்யம் இடையே கடலூர் அருகில் கரையைக் கடக்கும் என்று எதிர்பார்க்கப்படுகிறது.

இந்நிலையில், கடலோர மாவட்டங்களில் நேற்று இரவு முதல் பரவலாக மழை பெய்து வருகிறது. இதில் தஞ்சாவூர் மாவட்டம், அதிராம்பட்டினம் மற்றும் சுற்றுப்புற பகுதிகளில் இன்று அதிகாலை குளிர்ந்த காற்றுடன் மழை பெய்தது. தொடர்ந்து குளிர்ந்த காற்று வீசி வருகிறது. வானம் மேகம் கூட்டங்களால் சூழ்ந்து ரம்மியமாக காட்சியளிக்கின்றன.

இன்று மாலை 4 மணி நேர நிலவரப்படி அதிரையில் 24.50 மி.மீ மழை பதிவாகி உள்ளது. பட்டுக்கோட்டையில் 20.52 மி.மீ, பேராவூரணி 7 மி.மீ, மதுக்கூரில் 10.5 மி.மீ மழை பதிவாகி உள்ளது. 

அபுதாபியில் 31 மில்லியன் திர்ஹத்திற்கு நம்பர் பிளேட் ஏலம் எடுத்தவர் கைது !

அதிரை நியூஸ்: டிச-01
அபுதாபி, துபை மற்றும் ஷார்ஜாவில் பேன்ஸி நம்பர் பிளேட்டுகளை ஏலம் விடப்பட்டு பல மில்லியன் டாலர்கள் திரட்டப்படுவது கிட்டதட்ட ஒரு தொழிலாகிவிட்டது. கடந்த மாதம் துபையில் நடைபெற்ற ஏலத்தில் இந்தியர் ஒருவர் D5 என்ற நம்பர் பிளேட்டை 33 மில்லியன் திர்ஹத்திற்கு ஏலம் எடுத்த செய்தி பரபரப்பாக பேசப்பட்டது அனைவரும் அறிந்ததே.

அதேபோல், கடந்த நவம்பர் 19 ஆம் தேதி அபுதாபியில் நடைபெற்ற ஏலத்தில் 'அபுதாபி 1' என்ற எண்ணை 31 மில்லியனுக்கு 32 வயதுடைய இளைஞர் ஒருவர் ஏலமெடுத்தார் ஆனால் அவர் கொடுத்த செக் போதிய பணமில்லாமல் வங்கியிலிருந்து திரும்பியதால் 'செக் மோசடி' வழக்கில் கைது செய்யப்பட்டுள்ளர்.

அந்த நம்பர் பிளேட்டை வாங்கியவர் மீண்டும் பிறரிடம் மறுவிற்பனை செய்வதாக இருந்தால் ஏலத்தொகையை முழமையாக அடைத்தால் மட்டுமே மறுவிற்பனை செய்ய முடியும் என்பது சட்டம்.

தற்போது கம்பி எண்ணிக் கொண்டுள்ள அந்த நபர், நம்பர் பிளேட்டை ஏலம் எடுத்தவுடன் விட்ட ஸ்டேட்மெண்ட் என்ன தெரியுமா? 'அமீரகத்தை உலகின் நம்பர் 1 நாடாக மாற்ற உழைத்துக் கொண்டிருக்கும் ஆட்சியாளர்களின் மதிப்பை உயர்த்தவே ஏலம் எடுத்தேன்' என்று பீலா அடித்துவிட்டு விட்டு இப்ப செமையா நாறிப்போனார்!

Source: 7 Days
தமிழில்: நம்ம ஊரான்

அபுதாபியில் 3 தினங்களுக்கு இலசவ பார்க்கிங் !

அதிரை நியூஸ்: அபுதாபி, டிச-01
அமீரக தேசிய தினத்தை முன்னிட்டு இன்று 01.12.2016 முதல் 04.12.2016 வரை 3 விடுமுறை நாட்களிலும் சாலையோர பார்க்கிங் கட்டணங்கள் ரத்து செய்யப்படுவதாக அறிவிக்கப்பட்டுள்ளது.

அதேவேளை தடை செய்யப்பட்ட பகுதிகளிலோ அல்லது பிற வாகனங்களுக்கு இடைஞ்சல் தரும் வகையிலும் வாகனங்களை நிறுத்தக்கூடாது என்றும் குடியிருப்புவாசிகளுக்கு என இரவு 9 மணிமுதல் காலை 8 மணிவரை ஒதுக்கப்பட்டுள்ள பார்க்கிங்களிலும் யாரும் தங்களுடைய வாகனங்களை பார்க்கிங் செய்யக்கூடாது எனவும் சுட்டிக்காட்டப்பட்டுள்ளது.

பார்க்கிங் கட்டணங்களை மீண்டும் 04.12.2016 ஞாயிறு காலை 8 மணிமுதல் செலுத்த வேண்டும். அதேபோல், வாடிக்கையாளர் சேவை மையங்கள் வழமைபோல் 04.12.2016 காலை முதல் இயங்கும்.

Source: Emirates 247
தமிழில்: நம்ம ஊரான்

குளிர்ந்த காற்றுடன் மழை: அதிரையில் 8.70 மி.மீ பதிவு !

அதிராம்பட்டினம், டிச-01
தென்கிழக்கு வங்கக் கடலில் உருவான நாடா புயல் நாளை (வெள்ளிக்கிழமை) காலை புதுச்சேரி - வேதாரண்யம் இடையே கடலூர் அருகில் கரையைக் கடக்கும் என்று எதிர்பார்க்கப்படுகிறது.

இந்நிலையில், கடலோர மாவட்டங்களில் பரவலாக மழை பெய்து வருகிறது. இதில் தஞ்சாவூர் மாவட்டம், அதிராம்பட்டினம் மற்றும் சுற்றுப்புற பகுதிகளில் இன்று அதிகாலை குளிர்ந்த காற்றுடன் மழை பெய்தது. குளிர்ந்த காற்று தொடர்ந்து வீசி வருகிறது. வானம் மேகம் கூட்டங்களால் சூழ்ந்து ரம்மியமாக காட்சியளிக்கின்றன.

இன்று காலை 8.30 மணி நேர நிலவரப்படி அதிரையில் 8.70 மி.மீ மழை பதிவாகி உள்ளது. பட்டுக்கோட்டையில் 5.40 மி.மீ, பேராவூரணி 7 மி.மீ, மதுக்கூரில் 5 மி.மீ மழை பதிவாகி உள்ளது. 

மரண அறிவிப்பு ( ஜரீனா அம்மாள் அவர்கள் )

அதிராம்பட்டினம், கீழத்தெரு பாட்டன் வீடு குடும்பத்தை சேர்ந்த மர்ஹூம் சி.சு கமருல் ஜமான் அவர்களின் மகளும், மர்ஹூம் ஹாஜி எஸ்.எஸ் சேக்தாவூது அவர்களின் மனைவியும், ஜாவித் அஹமது, அப்துல்லா ஜிப்ரி, ஜம்சித் முஹம்மது, செய்யது யாசர் ஆகியோரின் தாயாருமாகிய ஜரீனா அம்மாள் அவர்கள் நேற்று இரவு வஃபாத்தாகிவிட்டார்கள்.

"இன்னாலில்லாஹி வ இன்ன இலைஹி ராஜிஹூன்"

அன்னாரின் ஜனாஸா இன்று ( 01-12-2016 ) காலை 10 மணியளவில் பெரிய ஜும்மா பள்ளி மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துஆ செய்வோம்.

நாடா புயல் - தஞ்சை மாவட்டத்தில் பள்ளிகளுக்கு இன்று விடுமுறை !

'நாடா' புயல் எச்சரிக்கை காரணமாக தஞ்சை, புதுக்கோட்டை மாவட்ட பள்ளிகளுக்கு இன்று விடுமுறை அறிவிக்கப்பட்டுள்ளது.

மரண அறிவிப்பு ( சபீனா அம்மாள் அவர்கள் )

அதிராம்பட்டினம், கடற்கரைத் தெருவை சேர்ந்த மர்ஹூம் முஹம்மது சேக்காதி அவர்களின் மகளும், புக் ஹாஜா அலாவுதீன் அவர்களின் மனைவியும், அகமது முஸ்தபா அலி அவர்களின் தாயாரும், சேக்தாவூது அவர்களின் சகோதரியும், சாகுல் ஹமீது, முஹம்மது காசிம், முஹம்மது மொய்தீன், மீரா மொய்தீன் ஆகியோரின் மாமியாரும், தமீம் அன்சாரி, நெய்னாம்ஷா, சேக் ஆகியோரின் பெரிய தாயாரும், மசூதுகான், மர்சூக் அகமது, மஹ்ரூப் ஆகியோரின் பாட்டியுமாகிய சபீனா அம்மாள் அவர்கள் இன்று வஃபாத்தாகிவிட்டார்கள்.

"இன்னாலில்லாஹி வ இன்ன இலைஹி ராஜிஹூன்"

அன்னாரின் ஜனாஸா நாளை ( 01-12-2016 ) காலை 10 மணியளவில் கடற்கரைத்தெரு ஜும்மா பள்ளி மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துஆ செய்வோம்.

அதிரை அருகே மின்சாரம் பாய்ந்து எலெக்ட்ரீசியன் மரணம் !

அதிராம்பட்டினம், நவ. 30:
தஞ்சாவூர் மாவட்டம், அதிராம்பட்டினம் அருகே பழவேரிக்காடு கிராமத்தைச் சேர்ந்த எலெக்ட்ரீசியன் சே. வைரப்ப தவமணி (46). ஒப்பந்த அடிப்படையில் மின் வாரியத்தில் ஊழியராகப் பணியாற்றி வந்துள்ளார்.

இந்நிலையில், இவர் புதன்கிழமை முற்பகல் தம்பிக்கோட்டை மேலக்காடு கிராமத்திலுள்ள டிரான்ஸ்பார்மரில் ஏறி பழுது நீக்கம் செய்து கொண்டிருந்தாராம். அப்போது எதிர்பாராமல் மின்சாரம் பாய்ந்ததில் உடல் கருகி உயிரிழந்தார். இது குறித்து அதிராம்பட்டினம் போலீஸார் வழக்குப் பதிந்து விசாரிக்கின்றனர்.