அதிரை பேரூராட்சி அலுவலகத்தை முற்றுகையிட்ட கடற்கரைத்தெரு மக்கள்!

அதிரை கடற்கரைத்தெருவில் பல நாட்களாக தண்ணீர் பிரச்சனை இருந்து வருகிறது. இதுகுறித்து பேரூராட்சியில் பலமுறை புகாரளித்தும் இதுவரை எந்த முயற்சியும் மேற்கொள்ளப்படவில்லை.

இந்த நிலையில் கவுன்சிலர் சே.மு.ஹாஜா முகைதீன் அவர்கள் தலைமையில், கடற்கரைத் தெரு தீனுல் இஸ்லாம் இளைஞர் நற்பணி மன்றம் சார்பில் பேரூராட்சி அலுவலகம் முற்றுகைப் போராட்டம் நடைபெற்றது.

தகவலறிந்த காவல்துறையினர் போராட்டத்தில் ஈடுபட்டவர்களிடம் பேச்சுவார்த்தை நடத்தியதை அடுத்து போரட்டம் கைவிடப்பட்டது.

இதுகுறித்து அதிரை நியூஸ் செய்தியாளரிடம் பேசிய கவுன்சிலர் ஹாஜா முகைதீன்,  தண்ணீர் பிரச்சனை விரைவில் தீர்க்கப்படவில்லையெனில், சாலை மறியலில் ஈடுபடப்போவதாக தெரிவித்தார்.