முன்னாள் முதல்வர் ஜெயலலிதாவுக்கு ஜாமீன் மறுப்பு -அதிரையில் பரபரப்பு!

சொத்துக்குவிப்பு வழக்கில் சிறைத் தண்டனை அனுபவித்து வரும் முன்னாள் தமிழக முதல்வரும், அதிமுக பொதுச் செயலாளருமான செல்வி ஜெயலலிதாவுக்கு ஜாமீன் தர பெங்களூர் நீதிமன்றம் மறுத்துவிட்டது.

நான்கு ஆண்டு சிறைத்தண்டனை பெற்ற ஜெயலலிதா கடந்த வாரம் பெங்களூர் சிறையில் அடைக்கப்பட்டார். எனினும் அவருக்கு இன்று ஜாமீன் கிடைத்துவிடும் என அதிமுகவினர் அனைவரும் எதிர் பார்த்தனர். ஆனால் பெங்களூர் நீதிமன்றம் ஜாமீன் மறுத்துள்ளமை தமிழகம் முழுவதும்  அதிமுகவினரிடையே சோகத்தை ஏற்படுத்தியுள்ளது.

இது அதிரையிலும் பிரதிபலித்தது. இன்று காலை  ஜெயலலிதாவுக்கு ஜாமீன் கிடைத்துவிடும் என்று அனைவரும் எதிர்பார்த்தனர் ஆனால் பலருக்கும் அது ஏமாற்றத்தை ஏற்படுத்தியது.

முன்னதாக ஜாமீன் கிடைத்ததாக ஊடகங்களில் செய்தி பரவியதை அடுத்து சென்னை அதிமுக தலைமை அலுவலகத்தில் அதிமுகவினர் பட்டாசு வெடித்து இனிப்பு வழங்கி கொண்டாடினர். ஆனால் அது சில நிமிடங்களிலேயே அவர்களுக்கு அது பொய்யான தகவல் என்றவுடன் அனைவரையும் சோகத்தில் ஆழ்த்தியது.