அதிரையில் ADT நடத்தும் புனித ரமலான் மாத தொடர் சொற்பொழிவு நிகழ்ச்சி !

அதிரை தாருத் தவ்ஹீத் சார்பில் கடந்த வருடத்தை போல் இந்த வருடமும் நமதூர் நடுத்தெரு ஈபிஎம்எஸ் பள்ளி அருகில் புனித ரமலான் மாத இஸ்லாமிய மார்க்க சிறப்பு சொற்பொழிவு நிகழ்ச்சி நடைபெற்று வருகிறது.

ரமலான் மாதத்தில் இரவு தொழுகைக்கு பிறகு 10 மணி முதல் 11 வரை நடைபெறும் இந்த நிகழ்ச்சியில் நேற்று முதல் நாச்சியார்கோவில் மவ்லவி ரஹ்மத்துல்லாஹ் கலந்துகொண்டு சொற்பொழிவு ஆற்றி வருகிறார். முன்னதாக இலங்கை மார்க்க அறிஞர் மவ்லவி அர்ஹம் அவர்களின் சொற்பொழிவு நடைபெற்று வந்தது குறிப்பிடத்தக்கது.

இதில் ஏராளமானோர் கலந்துகொண்டு சிறப்பித்து வருகின்றனர். நிகழ்ச்சி ஏற்பாடுகளை அதிரை தாருத் தவ்ஹீத் அமைப்பினர் செய்து வருகின்றனர்.

நேற்று இரவு நடைபெற்ற சொற்பொழிவு நிகழ்ச்சியின் போது ( 02-07-2015 ) எடுக்கப்பட்ட புகைப்படங்கள்:

 

உங்கள் ஆன்ட்ராய்டு, ஆப்பிள் போன்களில் தமிழில் டைப் செய்ய முடியவில்லையா ?

ஆப்பிள் மற்றும் ஆன்ட்ராய்டு ஸ்மார்ட்போன்களில் இந்தியாவின் பல மாநிலங்களில் உள்ளவர்களும் அவர்களது தாய்மொழியில் டைப் செய்ய புதிய வசதிகளுடன் 'சுவிப்ட் கீ' அப்ளிகேஷன் வெளியாகியுள்ளது.

ஏற்கனவே, இந்தி, தமிழ், குஜராத்தி மற்றும் மராத்தி ஆகிய மொழிகளில் டைப் செய்ய அடாப்டிவ் லே அவுட்களை வழங்கி வரும் 'சுவிப்ட் கீ' ஆப் தற்போது ஆர்டிபீஷியல் இன்டெலிஜென்ஸ தொழில்நுட்பத்துடன் கூடுதலாக 9 இந்திய மொழிகளில் டைப் செய்யும் புதிய வசதியை அறிமுகப்படுத்தி உள்ளது.

இதில், நாம் எழுத்துக்களை டைப் செய்து கொண்டிருக்கும் போதே அடுத்து நாம் என்ன எழுத்துக்களை டைப் செய்வோம் என கண்டறிந்து  வார்த்தைகளை முன்கூட்டியே வழங்கும் 'எமோஜி பிரிடிக்சன்' வசதியும் இணைக்கப்பட்டுள்ளது. இது இந்த 'ஆப்'பில் வழங்கப்படும் அனைத்து இந்திய மொழிகளிலும் இயங்கும்.

ஏற்கனவே, வழங்கப்பட்டு வரும் மொழிகளுடன் இப்போது பெங்காலி, பஞ்சாபி, கன்னடம், தெலுங்கு, மலையாளம், அஸாமிஸ், ஒரியா, கொங்கனி மற்றும் மணிப்பூரி, உருது, சின்ஹலா மொழிகளிலும் இந்த டைப்பிங் வசதியை 'சுவிப்ட் கீ' வழங்குகிறது. பார்ப்பதற்கு அழகாக டார்க் தீமுடன் புதிய இண்டர்பேஸையும் அறிமுகம் செய்துள்ளது சுவிப்ட் கீ.

நன்றி:தினத்தந்தி

சமூக நல்லிணக்க பிரச்சார பயணம்: மாவட்ட ஆட்சியர் துவக்கி வைத்தார் !

தஞ்சாவூர் ஒன்றியம் சூரக்கோட்டை கிராமம் ஊராட்சி ஒன்றிய நடுநிலைப் பள்ளி வளாகத்தில் பள்ளிக் கல்வி துறை, அனைவருக்கும் கல்வி இயக்கம் மற்றும் காவல் துறை சார்பில் சாதி மத வேறுபாடுகளற்ற சமுதாயம் படைப்போம் என்கின்ற தலைப்பில் விழிப்புணர்வு நாடகம் மற்றும், விழிப்புணர்வு பிரச்சார பயணத்தினை மாவட்ட ஆட்சித் தலைவர் டாக்டர் என்.சுப்பையன் அவர்கள் தொடங்கி வைத்தார்.

விழிப்புணர்வு நாடகம் மற்றும் பேரணியை மாவட்ட ஆட்சித் தலைவர் தெரிவித்ததாவது:
மாண்புமிகு தமிழக முதல்வர் அவர்கள் உத்திரவிற்கிணங்க தமிழகம் முழுவதும் சாதி மத வேறுபாடுகளற்ற சமுதாயத்தை உருவாக்கிட விழிப்புணர்வு பேரணிகள், வீதி நாடகங்கள் நடத்த உத்தரவிட்டுள்ளார்கள். தஞ்சாவூர் ஒன்றியம், சூரக்கோட்டையில் இன்று விழிப்புணர்வு நாடகம் மற்றும் பேரணி தொடங்கப்பட்டுள்ளது.

தொடர்ந்து 3.7.2015 அன்று பூதலூர் ஒன்றியம் தொண்டராயம்பாடி, விஷ்ணம்பேட்டை, கும்பகோணம் ஒன்றியம் ஆரியபடையார், பட்டுக்கோட்டை ஒன்றியம் ஏரிப்புறக்கரை, சேதுபாவாசத்திரம் ஒன்றியம் பெருமகளுர், பட்டுக்கோட்டை நகரம் ஆகிய இடங்களில் விழிப்புணர்வு பேரணி மற்றும் நாடகம் நடைபெறும்.  மேலும் 4.7.2015 அன்று திருவிடைமருதூர், திருப்பனந்தாள் ஒன்றியம், மகாராஜபுரம் ஆகிய இடங்களிலும் விழிப்புணர்வு நாடகம் நடைபெறும்.

தஞ்சாவூர் மாவட்டம் சாதி மத பேதங்களுக்கு அப்பாற்பட்ட ஒரு உயர்ந்த மாவட்டம் என்கின்ற பெயரை பெறுகின்ற வகையில் மாவட்ட மக்கள் அனைவரும் இணைந்து வாழ்ந்து வருகின்றனர். மாநிலத்திலேயே சாதி மத வேறுபாடுகளற்ற மாவட்டம் என்கின்ற பெயரினை பெறுவதற்கு அனைவரும் ஒத்துழைக்க கேட்டுக் கொள்கிறேன்.  இவ்வாறு மாவட்ட ஆட்சித் தலைவர் தெரிவித்தார்.

தொடக்க நிகழ்ச்சியில் முதன்மை கல்வி அலுவலர் திருமதி.ரெ. திருவளர்செல்வி, மாவட்ட கல்வி அலுவலர் திரு.ரெங்கநாதன், அனைவருக்கும் கல்வி திட்ட ஒருங்கிணைப்பாளர் திரு.கோபாலகிருஷ்ணன், சூரக்கோட்டை ஊராட்சி மன்றத் தலைவர் திரு.அண்ணாதுரை, பள்ளி தலைமையாசிரியை திருமதி.அன்புச்செல்வி, தகவல் சாதன அலுவலர் திரு.மார்டின், காவல் துறையினர் மற்றும் ஏராளமான மாணவ மாணவியர்கள், பொது மக்கள் பங்கேற்றனர்.

அதிரையில் ரமலான் விற்பனையில் 'ஜல்கோபியா' !

அதிரையை சேர்ந்தவர் குலாம் தஸ்தகீர். இவர் கடைதெருவின் பிரதான பகுதியில் 'குலாம் தஸ்தகீர் கேட்டரிங் சர்வீஸ் & பாஸ்ட் புட்' என்ற பெயரில் தொழில் நடத்தி வருகிறார். ரமலான் மாத இஃப்தார் நேரத்தின் போது இவரது கடைக்கு வரும் வாடிக்கையாளர்கள் ஜூஸ் அருந்தி செல்கின்றனர்.

இதுகுறித்து நிறுவன உரிமையாளர் 'குலாம் தஸ்தகீர்' நம்மிடம் கூறியதாவது...
'சென்னையில் மிகவும் பிரசித்த பெற்ற சோடா மற்றும் ஜூஸ் வகைககளை இங்கு நமதூரில் அறிமுகம் செய்யும் எண்ணத்தில் இந்த தொழிலை நடத்தி வருகிறேன். சுத்தமான முறையில் உடனுக்குடன் ப்ரஸ்ஸாக தயார் செய்து கொடுக்கிறோம். இங்கே 108 வகைகளில் சோடா மற்றும் ஜூஸ் ப்ரஸ்ஸாக தயார் செய்து கொடுப்பது வாடிக்கையாளர் மத்தியில் மிகுந்த வரவேற்பை பெற்றுவருகிறது. மேலும் 'ஜல்கோபியா' என்ற புதிய உணவு வகை அறிமுகப்படுத்தப்பட்டுள்ளது. வாடிக்கையாளர்களின் தொடர் வருகை மிகவும் மகிழ்வை தருகின்றது' என்றார்.

தொடர்புக்கு : 9551946950

 
 
 

குறிப்பு: அதிரையரின் தொழில் ஆர்வத்தை ஊக்குவிக்க வேண்டும் என்ற நோக்கில் தளத்தில் இலவசமாக பதிவு செய்யப்பட்டுள்ளது. இதில் ஏற்படும் நிறை / குறைகளுக்கு அதிரை நியூஸ் எவ்வகையிலும் பொறுப்பாகாது.

புதுமனைத்தெரு பகுதியில் ₹ 10 லட்சம் செலவில் வடிகால் அமைக்கும் பணி தீவிரம் !

அதிரை பேரூராட்சிக்கு உட்பட்ட 21 வது வார்டு பகுதி சிஎம்பி லேன், புதுமனைத்தெரு குடியிருப்பு பகுதியிலிருந்து வெளியேறும் கழிவு நீரை சீராக கொண்டு செல்ல பேரூராட்சி பொது நிதி ₹ 10 லட்சம் மதிப்பில், 300 மீட்டர் நீளத்தில் கழிவு நீர் வடிகால் அமைக்கும் பணி கடந்த சில நாட்களாக இந்த பகுதியில் தீவிரமாக நடைபெற்று வருகிறது. இந்த பணிக்காக ஜேசிபி இயந்திரம் பயன்படுத்தப்பட்டு வருகின்றன. கட்டுமான ஊழியர்கள் தீவிரமாக பணியாற்றி வருகின்றனர்.

இதுகுறித்து அதிரை பேரூராட்சியின் 21வது வார்டு கவுன்சிலர் முஹம்மது இப்ராஹீம் நம்மிடம் கூறுகையில்...
'இந்த பகுதின் குடியிருப்பு பகுதியிலிருந்து வெளியேறும் கழிவு நீரை சீராக கொண்டு செல்வதற்காக பேரூராட்சி பொதுநிதி ₹ 10 லட்சம் மதிப்பில் 300 மீட்டர் நீளத்தில் சிஎம்பி லேன் பகுதியிலிருந்து புதுமனைத்தெரு வழியாக வடிகால் அமைக்கும் பணி நடந்து வருகிறது. இதைதொடர்ந்து எனது வார்டு பகுதிகளில் முக்கிய சில பணிகளை மேற்கொள்ள கவனம் செலுத்தி வருகிறேன். இதற்கான முயற்சியில் தீவிரமாக ஈடுபட்டு வருகிறேன். விரைவில் இதுதொடர்பாக அறிவிப்பு செய்வேன்' என்றார்.

 

 

 

 

டாக்டர் எஸ்.எம் ஹைதர் அலி நடத்தும் ரமலான் ஸஹர் நேர நிகழ்ச்சி !

முத்துப்பேட்டை ஆஷாத் நகர் ஜும்மா மஸ்ஜீத் மற்றும் பிரபல தொழில் அதிபரும், அல் மஹா கல்வி அறக்கட்டளை நிருவனருமாகிய டாக்டர் எஸ்.எம் ஹைதர் அலி ஆகியோர் இணைந்து நடத்தும் புனித ரமலான் மாத ஸஹர் நேர நிகழ்ச்சி 13 ஆம் ஆண்டாக எதிர்வரும் [ 08-7-2015 ] மற்றும் [ 10-07-2015 ] ஆகிய இரு தினங்களில் முத்துப்பேட்டை ஆஷாத் நகர் மதரஸாவில் நடைபெற உள்ளது.

இதில் சிறப்பு விருந்தினர்களாக கலந்துகொள்ள இருக்கும் பிரபல எழுத்தாளர் ஆளூர் ஷா நவாஸ் மற்றும் காயல்பட்டினம் தாவா செண்டர் பொறுப்பாளர் எஸ் ஐ சேக் அலி பிர்தெளஸி ஆகியோர் கலந்துகொண்டு சொற்பொழிவு ஆற்ற இருக்கின்றனர். மேலும் அல்மஹா பெண்கள் கல்லூரி முதல்வரும், இணையதள எழுத்தாளருமாகிய ஏ. இப்ராஹீம் அன்சாரி அவர்கள் முன்னுரை வழங்க இருக்கிறார்.

நிகழ்ச்சி தொடர்பாக வெளியிடப்பட இருக்கிற துண்டு பிரசுரம்:

ஆம்பூர் கலவரம் தொடர்பான ஷமீல்அஹ்மது வழக்கில் சிபிசிஐடி விசாரணை தொடக்கம்

ஆம்பூர் ஷமீல் அஹ்மது வழக்கு சிபிசிஐடி போலீஸாரிடம் நேற்று ஒப்படைக்கப்பட்டது. வழக்கு பதிவு செய்துள்ள போலீஸார் முதல்கட்ட விசாரணையை நேற்று தொடங்கினர்.

பள்ளிகொண்டா பகுதியைச் சேர்ந்த பழனி மனைவி பவித்ரா காணாமல் போன வழக்கில் ஆம்பூரைச் சேர்ந்த ஷமீல் அஹ்மதுவை பள்ளிகொண்டா போலீஸார் விசாரணைக்கு அழைத்துச் சென்றனர். போலீஸார் தாக்கியதாகக் கூறி ஷமீல் அஹ்மது, சிகிச்சைக்காக சென்னை அரசு மருத்துவமனையில் சேர்க்கப் பட்டு அங்கு ஜூன் 26-ம் தேதி உயிரிழந்தார். போலீஸார் தாக்கிய தால் ஷமீல் அஹ்மது உயிரிழந்த தாகக் கூறி ஆம்பூரில் கடந்த 27-ம் தேதி கலவரம் ஏற்பட்டது.

இதுகுறித்து ஆம்பூர் டவுன் போலீஸார் வழக்கு பதிவு செய்தனர். இந்நிலையில், ஷமீல் அஹ்மது வழக்கு சிபிசிஐடிக்கு மாற்றப்பட்டது. எஸ்பி நாகஜோதி தலைமையில் டிஎஸ்பி அனந்தகுமார், ஆய்வாளர்கள் விஜய், அன்புக்கரசி, கருணாநிதி ஆகியோர் விசாரணை அதிகாரிகளாக நியமிக்கப்பட்டனர்.

சிபிசிஐடி நாகஜோதி நேற்று வேலூர் வந்தார். அவரிடம் ஷமீல் அஹ்மது வழக்கு ஆவணங்களை போலீஸார் ஒப்படைத்தனர். அதனை பெற்றுக்கொண்ட சிபிசிஐடி போலீஸார் வழக்கு பதிவு செய்து முதல்கட்ட விசாரணையை நேற்று தொடங்கினர்.

ஷமீல் அஹ்மது விசாரணைக் காக அழைத்துச் செல்லப்பட்ட பள்ளிகொண்டா காவல் நிலையத்தில் எஸ்பி நாகஜோதி நேற்று விசாரணை நடத்தினார். இதுகுறித்து சிபிசிஐடி போலீஸ் தரப்பில் கேட்டபோது, ஷமீல் அஹ்மது வழக்கு விசாரணை தொடங்கப்பட்டுள்ளது. பள்ளி கொண்டா காவல் நிலையம், ஷமீல்அஹ்மது அடைத்து வைக்கப்பட்ட இடம், காணாமல் போன பவித்ராவின் இப்போதைய நிலைமை, அவரது குடும்ப பின்னணி, செல்போன் விவரங்கள் குறித்து விசாரணை தொடங்கியுள்ளது. வழக்கில் தொடர்புடையவர்களிடம் விசாரணை நடத்த முடிவு செய்யப்பட்டுள்ளது. படிப்படியாக உண்மை நிலவரம் தெரியவரும்’’ என்றனர்.

நன்றி: தமிழ் ஹிந்து,

July 2, 2015

சுரைக்கா கொல்லையில் புதிதாக கட்டப்பட்ட வீடு விற்பனைக்கு !

அதிரை சுரைக்கா கொல்லை உமர் ( ரலி ) பள்ளி அருகே அமைந்துள்ள புதிதாக 1200 சதுர அடியில் கட்டப்பட்ட வீடு விற்பனைக்கு உள்ளது. வீட்டின் முன்புறம் 12 அடி பாதை வசதி உள்ளது. மேலும் வீட்டின் வலது புறத்தில் 5 அடி பாதை அமைந்துள்ளது.

தேவையுடையோர் மேலதிக விவரங்களுக்கு நேரடியாக உரிமையாளரை தொடர்பு கொள்ளலாம்.

தொடர்புக்கு : 

முஹம்மது இல்யாஸ்

சுரைக்கா கொல்லை

0091 9095995522

0091 8148837921

 

 

 

குறிப்பு:  அதிரையருக்கு சொந்தமான இடம். தளத்தில் இலவசமாக பதிவு செய்யப்பட்டுள்ளது. இதில் ஏற்படும் நிறை / குறைகளுக்கு அதிரை நியூஸ் எவ்வகையிலும் பொறுப்பாகாது.