மரண அறிவிப்பு ~ ஆமினா அம்மாள் (வயது 75)

அதிரை நியூஸ்: செப்.03
அதிராம்பட்டினம், கீழத்தெருவைச் சேர்ந்த மர்ஹும் ஏ.எம் சாகுல் ஹமீது அவர்களின் மனைவியும், மர்ஹூம் சாகுல் ஹமீது அவர்களின் மகளும், முகமது அஜீஸ், ஹபீப் ரஹ்மான் ஆகியோரின் தாயாருமாகிய ஆமினா அம்மாள் (வயது 75) அவர்கள் இன்று காலை வஃபாத்தாகி விட்டார்கள்.

இன்னாலில்லாஹி வஇன்னா இலைஹி ராஜிஊன்.

அன்னாரின் ஜனாஸா பெரிய ஜூம்மா பள்ளிவாசல் மையவாடியில் நல்லடக்கம் செய்யப்படும். (நேரம் பின்னர் அறிவிக்கப்படும்)

அன்னாரின் மறுமை வாழ்வு சிறக்க துஆ செய்வோம்.

தஞ்சை மாவட்டத்திற்கு உயிர்காக்கும் மருத்துவ கருவிகள் பொருத்திய 108 ஆம்புலன்ஸ்!

அதிரை நியூஸ்: செப்.02
தஞ்சாவூர் மாவட்டத்திற்கு தமிழக அரசால் வழங்கப்பட்ட உயிர்காக்கும் மருத்துவ கருவிகள் பொருத்தப்பட்ட 108 அவசரகால ஊர்தியினை மாவட்ட ஆட்சித்தலைவர் ம.கோவிந்தராவ் இன்று (02-09-2020) புதன்கிழமை பார்வையிட்டார். அருகில், தஞ்சாவூர் அரசு மருத்துவக் கல்லூரி மருத்துவமனை முதல்வர் (பொ) மருததுரை உடன் உள்ளார்.

புதுப்பட்டினத்தில் TNTJ அமைப்பினர் 34 யூனிட் இரத்தம் தானம் (படங்கள்)

அதிராம்பட்டினம், செப்.02
கரோனா பேரிடரை முன்னிட்டு, தமிழ்நாடு தவ்ஹீத் ஜமாத் புதுப்பட்டினம் கிளை சார்பில், 130-வது இரத்த தானம் முகாம் புதன்கிழமை நடைபெற்றது.

முகாமிற்கு, அவ்வமைப்பின் தஞ்சை தெற்கு மாவட்டத் தலைவர் கே ராஜிக் முகமது தலைமை வகித்தார். மாவட்ட மருத்துவரணி செயலாளர் ஹாஜா ஜியாவுதீன் முன்னிலை வகித்தார்.

இதில், தஞ்சாவூர் அரசு மருத்துவக்கல்லூரி மருத்துவமனை குருதி பரிமாற்ற அலுவலர் மருத்துவர் வேல்முருகன், இரத்த வங்கி ஆலோசகர் கண்ணன் உள்ளிட்டோர் அடங்கிய மருத்துவக்குழுவினர் கலந்துகொண்டு, 34 யூனிட் இரத்தத்தை டி.என்.டி.ஜே அமைப்பின் கொடையாளர்களிடமிருந்து தானமாகப் பெற்றனர்.

இந்நிகழ்வில், மாவட்ட துணைச் செயலாளர் பாவா உள்ளிட்ட அவ்வமைப்பினர் பலர் முகக்கவசம் அணிந்து, சமூக இடைவெளியைக் கடைபிடித்து கலந்துகொண்டனர். முகாம் ஏற்பாட்டினை, புதுப்பட்டினம் கிளைத் தலைவர் ஹபீப் முகமது, துணைத்தலைவர் முகமது உசேன், துணைச் செயலாளர் சதக்கத்துல்லா, மாணவரணி சாகுல், மருத்துவரணி நபீல் மற்றும் செந்தலைப்பட்டினம் மருத்துவரணி பாரிஸ் உள்ளிட்டோர் செய்திருந்தனர்.

 

 

 

 

 

 

 

 

 

 

அதிராம்பட்டினம் பகுதியில் செப்.5 ந் தேதி மின்தடை!

அதிரை நியூஸ், செப்.02
அதிராம்பட்டினம் பகுதியில் வரும் (செப்.05) சனிக்கிழமை மின்சார விநியோகம் இருக்காது.

அதிராம்பட்டினம் பிரிவு அலுவலகப் பகுதியில் மேம்பாட்டு பணி நடைபெற இருப்பதால், அதிராம்பட்டினம் A-ZONE, B-ZONE, C-ZONE, D-ZONE ஆகிய பகுதிகளில் வரும் செப்.05 ந் தேதி சனிக்கிழமை காலை 9 மணி முதல் மாலை 5 மணி வரை மின்சார விநியோகம் இருக்காது என பட்டுக்கோட்டை மின் வாரிய உதவி செயற்பொறியாளர் தொல்காப்பியன் தெரிவித்துள்ளார்.

தஞ்சை மருத்துவக்கல்லூரி மருத்துவமனையில் கரோனா அல்லாத புற, உள் நோயாளிகளுக்கு சிகிச்சை!

அதிரை நியூஸ்: செப்.02
தஞ்சாவூர் அரசு மருத்துவ கல்லூரி மருத்துவமனை கொரோனா அல்லாத புற, உள் நோயாளிகளுக்கு சிகிச்சை அளிப்பது தொடர்பாக மாவட்ட ஆட்சித் தலைவர் ம.கோவிந்த ராவ் 01.09.2020 நேரில் பார்வையிட்டு ஆய்வு செய்தார். மாவட்ட காவல் கண்காணிப்பாளர் தேஷ்முக் சேகர்சஞ்சய் உடன் இருந்தார்.

இவ்வாய்வின்போது தஞ்சாவூர் அரசு மருத்துவக் கல்லூரி மருத்துவமனையில் புதியதாக தோற்றுவிக்கப்பட்ட பிளாஸ்மா வங்கியை நேரில் பார்வையிட்ட ஆட்சியர் பிளாஸ்மா கொடை தானம் வழங்கிய செந்தில் என்ற கொடையாளர்களுக்கு வாழ்த்துக்களை தெரிவித்து, இதுபோன்று கொரோனா தொற்று முற்றிலும் குணமடைந்த நபர்கள் பிளாஸ்மா தானம் வழங்கி நோய்த்தொற்று ஏற்படுபவர்களுக்கு சிகிச்சை மேற்கொள்வதற்கு உதவ முன் வரவேண்டும் என கேட்டுக்கொண்டார்.

இம்மாவட்டத்தில் இன்று வரை கொரோனா தொற்று ஏற்பட்ட இருவருக்கு பிளாஸ்மா சிகிச்சை மேற்கொள்ளப்பட்டு நோயாளிகள் நல்ல முறையில் குணமடைந்து வருகிறார்கள். பிளாஸ்மா தானம் ஒருவர் அளிப்பதன் மூலம் கொரோனாவால் பாதிக்கப்படும் இரு நபர்களுக்கு இந்த பிளாஸ்மா மூலம் சிகிச்சை மேற்கொள்ள முடியும். பிளாஸ்மா தானம் கொடையாளர்கள் 28 நாட்கள் இடைவெளிவிட்டு பிளாஸ்மா தானம் அளிக்கலாம் அதிகப்பட்சமாக இரண்டு முறை மட்டுமே தானம் அளிக்கலாம் என கூறினார்.

தொடர்ந்து நுண் கதிர் நோய்யியல் முறை செயல்பாடு குறித்து நேரடியாக பார்வையிட்ட மாவட்ட ஆட்சித் தலைவர் அவர்கள் நுண்கதிர் இடையூறு சிகிச்சை கருவி செயல்பாடு குறித்தும், இதர கருவிகளின் செயல்பாடுகளையும் கேட்டறிந்தார்

தொடர்ந்து தஞ்சாவூர் அரசு மருத்துவ கல்லூரி வளாகத்தில் புணர்மைக்கப்பட்ட காவல் நிலையத்தை பார்வையிட்டு ஆய்வு செய்து அதன் அருகே உள்ள சாலையை உடனடியாக பயன்பாட்டிற்கு கொண்டுவர சம்பந்தப்பட்ட அலுவலர்களுக்கு உத்தரவிட்டாரகள். வார்டு 16-இல் நுரையீரல் தீவிர சிகிச்சைப் பிரிவில் நடைபெற்றுவரும் பணிகளை பார்வையிட்டு படுக்கை வசதிகள் மற்றும் கழிப்பறை வசதிகள் ஆகிய பணிகளை விரைந்து முடிக்க உத்தரவிட்டார்.

மருத்துவமனை வளாகத்தில் இருந்த கொரோனா அல்லாத வெளி நோயாளிகள் மற்றும் அறிகுறி உள்ள நோயாளிகள் புற நோயாளிகள் மற்றும் கொரோனா அல்லாத உள் நோயாளிகளிடம் அரசு மேற்கொண்டு வரும் மருத்துவ சிகிச்சை சிறப்பாக பயனுள்ளதாக அமைந்துள்ளது என கேட்டிருந்தார்கள்.

தற்பொழுது பேருந்து வசதி ஏற்படுத்தி கொடுக்கப்பட்டுள்ளாதல், இனிவரும் நாட்களில் அதிகமான புறநோயாளிகள் மருத்துவமனைக்கு வருவார்கள் என எதிர்ப்பார்க்கப்படுகிறது. இங்குள்ள உள் நோயாளிகள், புற நோயாளிகள், சிகிச்சை மேற்கொள்ள தனி பாதைகள் அமைப்பது, தனி சிகிச்சை பிரிவு ஏற்ப்படுத்துதல் தொடர்பாகவும் கொரோனா நோயாளிகளை தனி வார்டு பகுதிக்கு மாற்றுவது தொடர்பாகவும் ஆலோசனை மேற்கொண்டார்கள்
பின்னர் மருத்துவமனைகளில் பணிபுரியும் மருத்துவர்கள் மருத்துவ பணியாளர்கள் அலுவலர்கள் ஆகியோருடன் கலந்துரையாடிய ஆட்சியர் அவர்கள் தங்களுக்கு தேவையான அனைத்து மருத்துவ வசதிகளும் மாவட்ட நிர்வாகம் உடனடியாக செய்து தரும் எனவும் உறுதியளித்து இந்த கொரோனா நோய்த்தொற்று காலங்களில் பொதுமக்கள் விழிப்புணர்வுடன் சமூக இடைவெளி கடைப்பிடித்து முக கவசம் அணிந்து அடிக்கடி கைகளை சுத்தப்படுத்தி தங்களை தாங்களே பாதுகாத்துக்கொள்ள தேவையான நடவடிக்கைகளை மேற்கொள்ள வேண்டும்.

கொரோனா பாதிப்பு அல்லாத மருத்துவ உள்நோயாளிகள் பிரிவு, இரத்த வங்கி பிரிவு, அறுவை அரங்கம் ஆகிய பகுதிகள் ஆய்வு செய்யப்பட்டது. ஆகஸ்ட் மாதம் வரை 1200 சிறுநீரகம் பாதித்தவர்களுக்கு ரத்தம் சுத்திகரிப்பு செய்யப்பட்டுள்ளது. கொரோனாவால் பாதிக்கப்பட்ட 46 சிறுநீரக நோயாளிகளுக்கு 86 முறை ரத்தம் சுத்திகரிப்பு செய்யப்பட்டுள்ளது. பொது அறுவை சிகிச்சை பிரிவு மூலமாக 120 அறுவை சிகிச்சைகள் மேற்கொள்ளப்பட்டுள்ளன. மகப்பேறு மருத்துவ துறை சார்பில் 1126 பிரசவங்கள் பார்க்கப்பட்டுள்ளது. அதில் 564 அறுவை சிகிச்சைகள் செய்யப்பட்டுள்ளன.

மேலும், கொரோனா நோய்த்தொற்று பாதித்த 85 தாய்மார்களுக்கு அறுவை சிகிச்சை மூலமாக குழந்தை பிறந்துள்ளது. குருதி நாளம் அறுவை சிகிச்சை துறை மூலம் 52 அறுவை சிகிச்சைகள் மேற்கொள்ளப்பட்டுள்ளன. மாவட்ட ஆட்சியர் மற்றும் மாவட்ட காவல் கண்காணிப்பாளர் ஆய்வின் போது திருவாரூர் நாராயணசாமி என்பவருக்கு ஆஞ்சியோபிளாஸ்டி முறையில் குருதி நாளம் அறுவை சிகிச்சை செய்யப்படுவதை பார்வையிட்டனர். ஏப்ரல் மாதம் முதல் ஆகஸ்ட் மாதம் வரை 5750 பாம்புக்கடி மருந்து குப்பிகள் பயன்படுத்தப்பட்டு 267 பாம்புக்கடி சிகிச்சை நோயாளிகளுக்கு சிகிச்சை அளிக்கப்பட்டதில் 259 நபர்கள் காப்பாற்றப்பட்டுள்ளனர். கொரோனா காலத்தில் மாரடைப்பு, பக்கவாதம், விபத்து காயம், தலை காயம், எலும்பு முறிவு, விஷ முறிவு ஆகியவற்றிற்கு எவ்வித தொய்வும் இன்றி சிகிச்சை அளிக்கப்பட்டு வருகிறது.

மருத்துவமனைக்கு சிகிச்சை பெற வரும் பொதுமக்கள் கொரோனா வார்டு எது, பொது வார்டு எது என்பதை அறிந்து சிகிச்சை எடுக்க செல்ல வேண்டும் எனவும், மேலும் தேவையற்ற நடமாட்டத்தை தவிர்த்திட வேண்டும் எனவும் ஆய்வின்போது மாவட்ட ஆட்சித் தலைவர் மா. கோவிந்த ராவ் தெரிவித்தார்.

இவ்வாய்வின்போது, மாவட்ட வருவாய் அலுவலர் பெ.அரவிந்தன், தஞ்சாவூர் அரசு மருத்துவக் கல்லூரி மருத்துவமனை முதல்வர் (பொ) மருததுரை தஞ்சாவூர் மாநகராட்சி ஆணையர் திருமதி.ஜானகி ரவீந்திரன் மற்றும் மருத்துவர்கள் மருத்துவ பணியாளர்கள் அலுவலர்கள் உடனிருந்தார்கள்.

 

மரண அறிவிப்பு ~ மஹமூதா (வயது 65)

அதிரை நியூஸ்: செப்.02
அதிராம்பட்டினம், பெரியதைக்கால் தெருவைச் சேர்ந்த மர்ஹும் முகமது சேக்காதி அவர்களின் மகளும், மர்ஹூம் அப்துல் ரெஜாக் அவர்களின் மனைவியும், மர்ஹூம் நவாஸ்கான், சேக் மதீனா, புஹாரி ஆகியோரின் தாயாரும், டீ கடை சேக் பரீத் அவர்களின் சிறிய தாயாரும், ஹக்கீம், நவாஸ்கான், நியாஸ்கான் ஆகியோரின் வாப்புச்சாவுமாகிய மஹமூதா (வயது 65) அவர்கள் இன்று வஃபாத்தாகி விட்டார்கள்.

இன்னாலில்லாஹி வஇன்னா இலைஹி ராஜிஊன்.

அன்னாரின் ஜனாஸா இன்று (02-09-2020) காலை 10 மணியளவில் பெரிய ஜூம்மா பள்ளிவாசல் மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துஆ செய்வோம்.

மரண அறிவிப்பு ~ மைமூன் சரீபா (வயது 74)

அதிரை நியூஸ்: செப்.01
அதிராம்பட்டினம், கடற்கரைத்தெருவைச் சேர்ந்த மர்ஹும் ஹாஜா முகைதீன் அவர்களின் மகளும், அகமது ஹாஜா அவர்களின் மனைவியும், காதர் முகைதீன், மர்ஹூம் சேக்தாவூது, மர்ஹூம் இப்ராஹிம்ஷா, ஜமால் முகமது ஆகியோரின் சகோதரியும், சேட்டு, மர்ஹூம் பசீர் அகமது ஆகியோரின் மாமியாரும், அகமது சமீர், அஜ்மீர்கான், முகமது பிலால் ஆகியோரின் உம்மம்மாவுமாகிய மைமூன் சரீபா (வயது 74) அவர்கள் இன்று காலை 9.30 மணியளவில் வஃபாத்தாகி விட்டார்கள்.

இன்னாலில்லாஹி வஇன்னா இலைஹி ராஜிஊன்.

அன்னாரின் ஜனாஸா இன்று (01-09-2020) மாலை அஸர் தொழுகைக்கு பின் கடற்கரைத்தெரு ஜும்மா பள்ளிவாசல் மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துஆ செய்வோம்.

அதிராம்பட்டினத்தில் பேருந்து சேவை தொடங்கியது (படங்கள்)

அதிராம்பட்டினம், செப்.01
தஞ்சாவூர் மாவட்டம், அதிராம்பட்டினத்தில் நீண்ட நாட்களுக்கு பிறகு பேருந்துகள் சேவை இன்று (01.09.2020 ) செவ்வாய்கிழமை காலை தொடங்கியது.

கரோனா வைரஸ் தடுப்பு முன்னெச்சரிக்கை நடவடிக்கையாக, அரசின் ஊரடங்கு உத்தரவை அடுத்து பேருந்துகள் இயக்கப்படாமல் இருந்து வந்த நிலையில், இன்று 01.09.2020 முதல் மாநில அரசுப் பேருந்து போக்குவரத்து சேவையை தொடங்கலாம் என்று அரசின் அறிவிப்பை அடுத்து, அதிராம்பட்டினம் பேருந்து நிலையத்திலிருந்து பேருந்துகள் சேவை தொடங்கியது. பாயின்ட் டூ பாயின்ட் அரசுப் பேருந்தில் பட்டுக்கோட்டைக்கு பயணம் மேற்கொண்ட பயணிகள் அனைவருக்கும் சானிடைசர் மூலம் கைகள் சுத்தம் செய்து, பின்பக்க படிக்கட்டுகள் மூலம் பேருந்தினுள் அனுமதிக்கப்பட்டனர். பயணிகள் அனைவரும் முகக்கவசம் அணிந்து, சமூக இடைவெளியை கடைபிடித்து பயணிக்க அறிவுறுத்தப்பட்டனர்.