வாய்க்கால் தெரு ரஹ்மானியா பள்ளியில் நோன்பு கஞ்சி விநியோகம் !

வாய்க்கால் தெருவில் அமைந்துள்ள  ரஹ்மானியா வழக்கம்போல் இந்த வருடமும் ரமலான் மாதம் முழுவதும் நோன்பு கஞ்சி விநியோகம் மற்றும் இஃப்தார் நிகழ்ச்சி சிறப்பாக நடந்துவருகிறது.

நாள் ஒன்றுக்கு 25 கிலோ அரிசியில் தயாரிக்கப்படும் நோன்பு கஞ்சியை இப்பகுதியை சுற்றியுள்ள பொதுமக்கள், சிறுவர் சிறுமிகள் ஆர்வமாக வந்து வாங்கிச் செல்கின்றனர். இதற்காக பள்ளியின் நிர்வாகம் சார்பில் குழுவினர் நியமித்து தினமும் அஸர் தொழுகைக்குப்பின் நோன்பு கஞ்சி விநியோகம் செய்யப்பட்டு வருகிறது. தினமும் பள்ளியில் இஃப்தார் மற்றும் இரவு தொழுகை நடைபெற்று வருகிறது.

அதிரையில் நாளை மின்தடை !

மின்சாரத் தொடர்பான பராமரிப்புப் பணிகள் நடைபெறவுள்ளதால், அதிரையில் நாளை [ 29-06-2015 ] திங்கட்கிழமை காலை 9 மணி முதல் மாலை 6 மணி வரை மின்சார விநியோகம் இருக்காது என மின்சார வாரிய தகவல் தெரிவிக்கின்றன.

144 வயது தோற்றத்தில் பாட்டியான 18 வயது இளம் பெண் !

பிலிப்பைன்ஸ் நாட்டை சேர்ந்தவர் அனா ரோசிலி போண்டர் ( வயது 18 ) இளம் பெண்ணான இவர் 18 வயதிலேயே பாட்டியாக வலம் வந்து கொண்டிருக்கிறார். தற்போது 144 வயது மதிக்கத்தக்க பாட்டி போன்று தோற்றமளிக்கிறார்.

இளவயதிலேயே முதுமை போன்ற தோற்றத்துடன் காணப்படும் அரிய வகை 'புரோகேரியா' என்ற நோயினால் பாதிக்கப்பட்டுள்ளார். இவரது உடல் சராசரியாக வளர்ந்து வரும் உடல் வளர்ச்சியை வீட பத்து மடங்கு கூடுதலான வளர்ச்சியை கண்டுள்ளது. இதனால், முகம் மற்றும் கழுத்து பகுதிகளில் தோல்கள் மிக தொய்வாக காணப்படுகிறது, ஆனால் உடலின் மற்ற பகுதிகள் எதுவும் பாதிக்கப்படவில்லை. இந்த நோயினால் உலகில் 80 குழந்தைகள் பாதிக்கப்பட்டுள்ளதாக ஆய்வில் தெரிவிக்கப்பட்டுள்ளது.

செய்தி தொகுப்பு: அதிரை நியூஸ்
Source:Dailymail

 

அதிரை ஈசிஆர் சாலையில் மாட்டுவண்டி மீது வாகனம் மோதி விபத்து: ஒருவர் காயம் - மாடு பலி !

அதிரை ஏரிபுறக்கரையை சேர்ந்தவர் ராம கிருஷ்ணன் ( வயது 46 ). இன்று அதிகாலை அதிரை ஈசிஆர் சாலையில் ஏரிபுறக்கரையிலிருந்து அருகே உள்ள ராஜாமடம் கிராமத்திற்கு எருது உரத்தை அள்ளிவரச் சென்றார். அதே சாலையில் திருவாரூரிலிருந்து அம்மாபட்டினம் நோக்கி சென்றுகொண்டிருந்த வாகனம் மாட்டுவண்டியின் பின்புறமாக மோதி விபத்துக்குள்ளானது. இதில் ஒரு மாடு சம்பவ இடத்திலேயே பலியானது . மற்றொரு மாடு படுகாயமடைந்தது. மாட்டுவண்டியை ஓட்டிச்சென்ற ராமகிருஷ்னன் லேசான காயங்களுடன் அதிரை அரசு மருத்துவமனையில் சிகிச்சை எடுத்து வருகிறார்.

தகவலறிந்த அதிரை போலீசார் மற்றும் நெடுஞ்சாலை காவல்துறையினர் சம்பவ இடத்திற்கு விரைந்து வந்து விசாரணை மேற்கொண்டனர். பலத்த சேதமடைந்த வாகனத்தை ஈசிஆர் சாலையிலிருந்து அப்புறப்படுத்த போலீஸ் டிப்பர் வாகனம் வரவழைக்கப்பட்டு எடுத்து செல்லப்பட்டது. அதிகாலை நிகழ்ந்த விபத்தால் அப்பகுதியில் பெரும் பரபரப்பு நிலவியது.

 

 

 

ஆம்பூரில் பதற்றம் !

வேலூர் மாவட்டம், ஆம்பூரைச் சேர்ந்தவர் ஷமீல் அஹமது (26). இவரை ஒரு வழக்கு தொடர்பாக அப்போது பள்ளிகொண்டா காவல் ஆய்வாளராக இருந்த மார்ட்டீன் பிரேம்ராஜ் கடந்த இரு வாரங்களுக்கு முன் விசாரணைக்கு அழைத்துச் சென்றுள்ளார். ரகசிய இடத்தில் வைத்து விசாரணை என்ற பெயரில் இளைஞர் சித்ரவதை செய்யப்பட்டதால் காயமடைந்த ஷமீல் அஹமது ஆம்பூர் அரசு மருத்துவமனையில் சேர்க்கப்பட்டார். பின்னர் மேல் சிகிச்சைக்காக சென்னை அரசு பொது மருத்துவமனைக்கு மாற்றப்பட்ட அவர், வெள்ளிக்கிழமை மாலை இறந்தார். சித்திரவதை எதிர்ப்பு தினம் உலகம் முழுவதும் அனுசரிக்கப்பட்ட அன்று இந்த துயர சம்பவம் நிகழ்ந்திருக்கிறது.

காவல்நிலையத்தில் வைத்து சித்ரவதை செய்யப்பட்டதால் தான் அவன் இறந்தார். அதனால் கொலை வழக்காக இந்த வழக்கை பதிவு செய்து விசாரணை நடத்த வேண்டும், இன்ஸ்பெக்டரை கைது செய்ய வேண்டும், பாதிக்கப்பட்ட குடும்பத்திற்கு நிபந்தனையின்றி போதுமான இழப்பீடு வழங்கப்பட வேண்டும் என்ற கோரிக்கையை இஸ்லாமிய இயக்கங்கள் எழுப்பின.

இந்நிலையில், நேற்று மாலை, 4 மணிக்கு சில அமைப்பினர், பள்ளிகொண்டா போலீஸ் ஸ்டேஷனை, முற்றுகையிட்டனர். இதையடுத்து ஆம்பூரில் 5 டி.எஸ்.பிகள் தலைமையில் ஐநூறுக்கும் அதிகமான போலிஸார் குவிக்கப்பட்டனர். வேலூர் சரக காவல்துறை தலைவர் தமிழ்ச்சந்திரன், எஸ்.பி செந்தில்குமாரி ஆம்பூர்க்கு சென்று பேச்சுவார்த்தை நடத்தினர்.

இருப்பினும் இன்ஸ்பெக்டர் மீது நடவடிக்கை எடுக்கக்கோரி இஸ்லாமிய இயக்கங்கள், சமூக ஆர்வலர்கள் கோரிக்கை விடுத்து 1000 த்திற்கும் மேற்பட்டோர் சென்னை பெங்களுரு தங்க நாற்கர சாலையில் சாலை மறியலில் ஈடுபட்டனர். அவர்களை கலைந்து செல்லுமாறு போலீசார் விடுத்த கோரிக்கையை ஏற்கவில்லை. இதனால் போலீசாருக்கும் மறியலில் ஈடுபட்டவர்களுக்கும் இடையே மோதல் ஏற்பட்டது. மறியலில் ஈடுபட்டவர்கள் கல்வீச்சில் ஈடுபட்டனர். இதில் எஸ்.பி. செந்தில்குமாரி உள்பட 4 போலீசாருக்கு காயம் ஏற்பட்டது. இரண்டு பத்திரிக்கையாளர்கள் கல்வீச்சில் காயம் அடைந்தனர். இதனால் அப்பகுதியில் பதட்டம் ஏற்பட்டுள்ளது. மாவட்ட ஆட்சியர் நந்தகோபால், ஆம்பூருக்கு விரைந்தார். நிலைமையை சரிசெய்ய நடவடிக்கை எடுக்குமாறு அதிகாரிகளுக்கு உத்தரவிட்டார்.

 

மரண அறிவிப்பு ! ( ஜாவியா பள்ளி இமாம் )

புதுமனைத்தெருவை சேர்ந்த மர்ஹூம் லெ.மு முஹம்மது அஜ்வாத் லெப்பை ஆலிம் அவர்களின் மகனும், லெ.மு மஹ்மூத் ஆலிம், லெ.மு அப்துல் வஹாப் ஆகியோரின் சகோதரரும், ஜெஹபர் சாதிக் அவர்களின் தகப்பனாரும், ஜாவியா பள்ளி இமாம் லெ.மு முஹம்மது சாலிஹ் ஆலிம் அவர்கள் இன்று அதிகாலை 4 மணியளவில் புதுமனைத்தெரு இல்லத்தில் வஃபாத்தாகிவிட்டார்கள்.

இன்னா லில்லாஹி வ இன்னா இலைஹி ராஜிவூன்.

அன்னாரின் ஜனாஸா இன்று மாலை 5 மணிக்கு தக்வா பள்ளி மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துவா செய்வோம்.

அதிரையில் இஃப்தார் நேரத்தில் திடீர் மழை !

கடந்த சில நாட்களாக கடும் வெப்பம் நிலவி வந்த அதிரையில் இன்று இரவு இஃப்தார் முடிந்தவுடன் பலத்த காற்றுடன் திடீர் மழை பெய்தது. லேசான இடியும் இடித்து வருகிறது. திடீர் மழையால் அதிரை குளுமையாக காணப்படுகிறது. 

படுகொலை செய்த இன்ஸ்பெக்டரை கைது செய்ய வலியுறுத்தி சென்னையில் ஆர்ப்பாட்டம் !

வேலூர் மாவட்டம், ஆம்பூரைச் சேர்ந்தவர் ஷமீல் அஹமது (26). இவரை ஒரு வழக்கு தொடர்பாக அப்போது பள்ளிகொண்டா காவல் ஆய்வாளராக இருந்த மார்ட்டீன் பிரேம்ராஜ் கடந்த இரு வாரங்களுக்கு முன் விசாரணைக்கு அழைத்துச் சென்றுள்ளார். ரகசிய இடத்தில் வைத்து விசாரணை என்ற பெயரில் இளைஞர் சித்ரவதை செய்யப்பட்டதால் காயமடைந்த ஷமீல் அஹமது ஆம்பூர் அரசு மருத்துவமனையில் சேர்க்கப்பட்டார். பின்னர் மேல் சிகிச்சைக்காக சென்னை அரசு பொது மருத்துவமனைக்கு மாற்றப்பட்ட அவர், வெள்ளிக்கிழமை மாலை இறந்தார்.

இந்நிலையில் ஷமில் அஹமதை படுகொலை செய்த இன்ஸ்பெக்டர் மார்டினை கொலை வழக்கில் கைது செய்ய வலியுறுத்தி இந்திய தவ்ஹீத் ஜமாத் சார்பில் சென்னை அரசு பொது மருத்துவமனைக்கு முன்பு இன்று மாபெரும் கண்டன ஆர்ப்பாட்டம் நடைபெற்றது. இந்த ஆர்பாட்டத்தில் எஸ்டிபிஐ கட்சியினரும் பங்குகொண்டனர்.

செய்தியாளர்களிடம் இந்திய தவ்ஹீத் ஜமாஅத் மாநில தலைவர் எஸ்.எம்.பாக்கர் பேசியதாவது:
''இன்ஸ்பெக்டர் மார்டினை உடனடியாக பணி நீக்கம் செய்ய வேண்டும். இந்த வழக்கில் நீதிமன்ற விசாரணைக்கு உத்தரவிடவேண்டும். பாதிக்கப்பட்ட குடும்பத்திற்கு நிபந்தனையின்றி போதுமான இழப்பீடு வழங்கப்பட வேண்டும்'' மேலும் 'உயர் அதிகாரிகள் மார்டின் மீது உண்மையிலேயே நடவடிக்கை எடுக்க விரும்பினால் அதற்கு முதல் நடவடிக்கையாக மார்டினை இ.பி.கோ 302 பிரிவின் கீழ் கைது செய்ய வேண்டும்'' என்றார்

இந்த ஆர்பாட்டத்தில் எஸ்.டி.பி.ஐ. கட்சியினர் உட்பட பலர் கலந்து கொண்டனர். ஆர்ப்பாட்டக்காரர்களை போலீசார் கைது செய்து பின்னர் விடுவித்தனர். சில மணிநேரங்கள் போக்குவரத்து தடைபட்டது.