அபுதாபியில் நிகழ்ந்த சோகம் !

அபுதாபியில் உள்ள‌ தனியார் பள்ளியில்  காலை வழக்கம் போல பள்ளி பேருந்தில் அனைத்து மாணவ , மாணவியர்களும் வந்தனர். ஆனால்,  4 வயதுடைய  இந்தியாவை சேர்ந்த நசிஹா என்ற  சிறுமி பேருந்து பள்ளியை வந்தடைந்தது அறியாமல் அயர்ந்து பள்ளி பேருந்திலே தூங்கி விட்டாள். ஆனால் அனைத்து மாணவ,மாணவியரும் வாகனத்தில் இறங்கி சென்று விட்டதாக சரியாக சோதனை செய்யாமல் பேருந்து டிரைவரும், உதவியாளரும் வாகனத்தின் ஜன்னல் கதவுகளை மூடி விட்டு சென்றனர். பின்னர் மீண்டும் பள்ளி குழந்தைகளை ஏற்றுவதற்கு வாகனத்தை எடுத்த போது பஸ்சினுள்ளே குழந்தை நசிஹா மயங்கி கிடப்பது தெரிய வந்தது.

பின்னர் சிகிச்சைக்காக‌ மருத்துவமனை கொண்டு சென்றனர். சோதனையின் போது குழந்தை உயிரிழந்து விட்டது என்று தெரிய வந்தது. இது குறித்து விசாரணை நடைபெற்று வருகிறது. குழந்தை உயிரிழந்தது அனைவருக்கும் அதிர்ச்சியையும் சோகத்தையும் ஏற்படுத்தியுள்ளது.

Source : www.emirates247.com