அதிரையில் நடைபெற்ற எளிய திருமணம் !

தவ்ஹீத் ஜமாஅத்தின் தஞ்சை மாவட்ட பேச்சாளர் அன்வர் அலி அவர்களின் கடற்கரைத் தெரு இல்லத்தில் இன்று (10-10-2014) காலை 11.00 மணியளவில் நபிவழி அடிப்படையில் திருமணம் நடைபெற்றது.

இதில் நமதூர் காட்டுப்பள்ளி தெருவை சேர்ந்த காலஞ்சென்ற S.S. சம்சுதீன் அவர்களின் மகன் தமீம் அன்சாரி மணமகனுக்கு, கடற்கரைதெருவை சேர்ந்த காலஞ்சென்ற முஹம்மது தமீம் அவர்களின் மகளை 16 கிராம் தங்க நகையை மஹராக மணமகளின் பொறுப்பாளரிடம் கொடுத்து மணமுடித்தார்.

இந்த நிகழ்ச்சியில் தவ்ஹீத் ஜமாத்தின் புதுக்கோட்டை மாவட்ட பேச்சாளர் முஜாஹிதீன் கலந்து கொண்டு இஸ்லாமிய மார்க்கத்தில் தடை செய்யப்பட்ட வரதட்சணையின் தீமை குறித்தும், மணமக்கள் கடைப்பிடிக்க வேண்டிய வழிமுறைகள் குறித்தும் சிறப்புரையாற்றினார். இதில் ஜமாஅத் நிர்வாகிகள், இருவீட்டார் உறவினர்கள் - நண்பர்கள் முன்னிலையில் திருமணம் இனிதே நிறைவேறியது. ஏராளமானோர் கலந்துகொண்டு சிறப்பித்தனர்.