‘கர்ழன் ஹஸனா’ அழகிய கடன் அறக்கட்டளை நிர்வாகிகளின் கனிவான வேண்டுகோள் !

அதிரை பாரத ஸ்டேட் வங்கி அருகே ( என்.கே.எஸ் சவுண்ட் சர்வீஸ் எதிரே ) அமைந்துள்ள என்.எஸ்.ஏ கட்டிடத்தின் முதல் மாடியில் இயங்கி வரும் அதிரை கர்ழன் ஹஸனா’ அழகிய கடன் அறக்கட்டளையின் நிர்வாகிகள் நம்மிடம் வேண்டுகோள் வைத்துள்ளனர்.

இதுதொடர்பாக அதிரை கர்ழன் ஹஸனா’ அழகிய கடன் அறக்கட்டளை சார்பில் வெளியிட்டுள்ள வேண்டுகோள் கடிதத்தில் கூறியிருப்பதாவது:

 

அதிரையில் ADT நடத்தும் புனித ரமலான் மாத தொடர் சொற்பொழிவு நிகழ்ச்சி !

அதிரை தாருத் தவ்ஹீத் சார்பில் கடந்த வருடத்தை போல் இந்த வருடமும் நமதூர் நடுத்தெரு ஈபிஎம்எஸ் பள்ளி அருகில் புனித ரமலான் மாத இஸ்லாமிய மார்க்க சிறப்பு சொற்பொழிவு நிகழ்ச்சி நடைபெற்று வருகிறது.

ரமலான் மாதத்தில் இரவு தொழுகைக்கு பிறகு 10 மணி முதல் 11 வரை நடைபெறும் இந்த நிகழ்ச்சியில் இலங்கை மார்க்க அறிஞர் மவ்லவி அர்ஹம் கலந்துகொண்டு சொற்பொழிவு ஆற்றி வருகிறார். இதில் ஏராளமானோர் கலந்துகொண்டு சிறப்பித்து வருகின்றனர். நிகழ்ச்சி ஏற்பாடுகளை அதிரை தாருத் தவ்ஹீத் அமைப்பினர் செய்து வருகின்றனர்.

நேற்று இரவு நடைபெற்ற சொற்பொழிவு நிகழ்ச்சியின் போது ( 01-07-2015 ) எடுக்கப்பட்ட புகைப்படங்கள்

 

 

இ-ரிக்‌ஷா அறிமுகம் !

புதுச்சேரியில் சுற்றுச்சூழலுக்கு மாசு விளைவிக்காத வகையில் பேட்டரிகளால் இயங்கும் இ-ரிக்‌ஷாக்கள் விரைவில் அறிமுகப்படுத்தப்படும் என புதுவை போக்குவரத்து துறை தலைமைச் செயலகம் இன்று அறிவித்துள்ளது.

முதியோர்கள், பெண்கள் மற்றும் குழந்தைகள் பயணிக்க பாதுகாப்பான வகையில் அறிமுகப்படுத்தப்படவுள்ள இவ்வகை இ-ரிக்‌ஷாக்கள் சோதனை முயற்சியாக மகாத்மா காந்தி சாலையின் கிழக்கு பகுதியில் முதலில் இயக்கப்படும். இவற்றை ஏழை குடும்பங்களை சேர்ந்த வேலையற்ற இளைஞர்கள் ஓட்டுவார்கள். இதற்கான பெர்மிட்கள் விரைவில் வழங்கப்படும் என புதுவை போக்குவரத்து துறை தலைமை அலுவலகம் இன்று வெளியிட்டுள்ள செய்திக் குறிப்பில் தெரிவிக்கப்பட்டுள்ளது.

அதிரையில் வெஸ்டர்ன் யூனியன் நடத்திய பரிசளிப்பு நிகழ்ச்சி !

பால் மெர்ச்ண்டஸ் லிமிடெட் நிறுவனத்தின் அங்கமாகிய வெஸ்டர்ன் யூனியன் மூலம் பண பரிவர்த்தனை செய்து கொள்ளும் வாடிக்கையாளர்களை தேர்வு செய்து பரிசு வழங்கும் நிகழ்ச்சி இன்று மாலை நடைபெற்றது.

நிகழ்ச்சிக்கு அதிரை பேரூராட்சி தலைவர் எஸ்.ஹெச் அஸ்லம் தலைமை வகித்தார். பால் மெர்ச்ண்டஸ் லிமிடெட் நிறுவனத்தின் தெற்கு - வடக்கு பொறுப்பாளர் சுதாகர் ராவ், தமிழ்நாடு வெஸ்டர்ன் யூனியன் தலைமை அலுவலர் பிரேம் சுகுனேஷ், மண்டல மேலாளர் கே கோவிந்தராஜன் ஆகியோர் முன்னிலை வகித்தனர்.

நிகழ்ச்சியில் சிறப்பு விருந்தனர்களாக பங்கேற்ற அதிரை பேரூராட்சி தலைவர் எஸ்.ஹெச் அஸ்லம் மற்றும் அதிரை கனரா வங்கி மேலாளர் ஆர். மதியழகன் ஆகியோர் தேர்வான அதிரை பகுதி வாடிகையாளர்களுக்கு பரிசுகளை வழங்கினார்கள்.

நிகழ்ச்சி குறித்து பால் மெர்ச்ண்டஸ் லிமிடெட் நிறுவன மண்டல மேலாளர் கே. கோவிந்தராஜன் நம்மிடம் கூறுகையில்...
'பால் மெர்ச்ண்டஸ் லிமிடெட் நிறுவனத்தின் அங்கமாகிய வெஸ்டர்ன் யூனியன் மூலம் பண பரிவர்த்தனை செய்து கொள்ளும் வாடிக்கையாளர்களில் மொத்தம் 3 லட்சம் பேர்களை தேர்வு செய்து அவர்களுக்கு பரிசுகள் வழங்கும் நிகழ்சிகளை நடத்தி வருகிறோம். ஆண்டு தோறும் பண்டிகை காலங்களில் இந்த நிகழ்ச்சி நடத்தப்பட்டு வருகிறது. இதில் அதிரை மற்றும் சுற்றுவட்டார பகுதியினர் மொத்தம் 16 பேர்கள் தேர்வானார்கள். அனைவருக்கும் இன்று பரிசுகள் வழங்கப்பட்டன. இதில் மகிழங்கோட்டை கிராமத்தை சேர்ந்த பிரபாவதி என்ற வாடிக்கையாளருக்கு ஃப்ரிஜர் பரிசு வழங்கப்பட்டது. மேலும் ரமலான் பண்டிகையொட்டி சிறப்பு சலுகையாக ஜூன் 15 முதல் ஜூலை 30 வரை தேர்வாகும் வாடிக்கையாளர்களுக்கு சிறப்பு பரிசுகள் வழங்கப்பட இருக்கின்றன' என்றார்.

 

  

பட்டுக்கோட்டையில் தேசிய மருத்துவர்கள் தின விழா !

பட்டுக்கோட்டை ஜே.சி.ஐ பட்டுக்கோட்டை விங்ஸ் சார்பில் பட்டுக்கோட்டையில் தேசிய மருத்துவர்கள் தின விழா இன்று நடைபெற்றது.

விழாவில் ஜே.சி.ஐ பட்டுக்கோட்டை விங்ஸ் தலைவர் கே.வெங்கடேஷ் தலைமை வகித்து பட்டுக்கோட்டை வட்டார மருத்துவ அலுவலர் டாக்டர். கு. அறிவழகன் அவர்களின் பொது சுகாதாரம், டெங்கு காய்ச்சல் ஒழிப்பு, பன்றிக்காய்ச்சல் விழிப்புணர்வு பணிகளை பாராட்டினார்.

வட்டார மருத்துவ அலுவலர் டாக்டர் கு. அறிவழகன் பேசும் போது:
பாரத ரத்னா. டாக்டர் பிதன் சந்திரராய் அவர்களின் பிறந்த தின மற்றும் நினைவு தினமான ஜுலை1-ம் தேதி இந்தியா முழுதும் தேசிய மருத்துவர்கள் தினமாக கொண்டாடப்படுகிறது. கல்கத்தா மற்றும் லண்டனில் மருத்துவம் பயின்ற  டாக்டர் பி.சி. ராய் கல்கத்தா மருத்துவ கல்லூரியில் பேராசிரியராக பணிபுரிந்தார். காந்தியடிகளின் வேண்டுகோளுக்கிணங்க ஒத்துழையாமை இயக்கத்தில் இணைந்து நாட்டின் விடுதலைக்காக பாடுபட்டார். பின்னர் மேற்கு வங்க முதல்வராக இருந்து சேவையாற்றினார். டாக்டர் பி.சி. ராயின் வழியில் டாக்டர்கள் சிறந்த சேவை புரிந்து வருகின்றனர். இளம் தலைமுறையினரும் மக்களுக்கு சேவை புரிய வேண்டும் என்றார்.’’

விழாவில் வட்டார சுகாதார மேற்பார்வையாளர் வ.விவேகானந்தம், சமுதாய செவிலியர் ராணி ஆகியோர் கலந்து கொண்டு மருத்துவர்களின் சேவையை பாராட்டினர்.

 

 

துபாயில் உலகில் முதல் முறையாக 3டி தொழில்நுட்பத்தில் கட்டிடம் !

துபாயில் உலகின் முதல் முறையாக முழுமையாக செயல்படும் முப்பரிமாண (3D) முறையில் அச்சிடப்பட்ட கட்டிடம் உருவாக்கபட உள்ளதாக யுஏஇ நேஷனல் இன்னொவேசன் குழு தெரிவித்துள்ளது. இதன் மூலமாக உலக அளவில் கட்டிடக்கலை கட்டுமான மற்றும் வடிவமைப்பு தொழில்நுட்ப மையமாக  ஐக்கிய அரபு எமிரேட்ஸை உருவாக்க திட்டமிட்டுள்ளது. முன்னணி கட்டிடக்கலை நிறுவனங்களான கிலென்சர், தொர்ண்டன் தொமசெட்டி மற்றும் சிஸ்கா ஹென்னெசே ஆகிய நிறுவனங்களூடன் இணைந்து துபாய் மற்றும் வின்சன் குலோபல் நிறுவனம் செயல் படுத்தவுள்ளது.

சுமார் 2,000 சதுர பரப்பளவுடன் அமையவிருக்கும் இந்த அலுவலகம். இந்த தொழில் நுட்பத்தில் வலுவான கான்க்ரீட் (SRC) கண்ணாடி இழை ஜிப்சம் (GRG) மற்றும் ஃபைபர் நெகிழி (FRP) போன்ற அதிநவீன தொழில்நுட்பத்தை பயன்படுத்தி கட்டப்படவுள்ளது.

இந்த 3D அச்சிடும் தொழில்நுட்பம் மூலம் 70 சதவீதம் முதல் 50 சதவீதம் வரை கட்டிடங்கள் கட்டும் நேரம் குறையும்,  80 சதவீதம் முதல் 50 சதவீதம் தொழிலாளர் செலவுகளை குறைக்க முடியும், மற்றும் கட்டுமான கழிவுகள் 30 சதவீதம் முதல் 60 சதவீதம் வரை சேமிக்க முடியும் என கூறப்பட்டுள்ளது.

யுஏஇ துணைத் தலைவர் மற்றும் துபாய் பிரதமர்  ஷேக் முகமது பின் ரஷீத் ஆலோசனையின்படி, ஐக்கிய அரபு எமிரேட்ஸ் மக்கள் வாழ்க்கையை மேம்படுத்தும் நோக்கமாக இந்த முயற்சிகள் செய்யப்படுகிறது என தெரிவிக்கப்பட்டுள்ளது.

புதிய தொழில்நுட்பத்துடன் துபாயின் முக்கிய பகுதியில் அமயவுள்ள இந்த கட்டிடம் அனைத்து தரப்பு மக்களும் பயன் படுத்தும் வகயில் அமைக்கப்பட உள்ளது என தெரிவிக்கப்பட்டுள்ளது.

 

 

நன்றி:தினகரன்

சிறுபான்மையின மாணவர்களுக்கு கல்வி உதவித் தொகை !

தமிழக அரசின் சிறுபான்மையினர் நலத்துறை அமைச்சகம், தமிழக அரசு பள்ளிகள், அரசு உதவி பெறும் பள்ளிகள், அங்கீகரிக்கப்பட்ட தனியார் கல்வி நிலையங்களில் பயிலும் சிறுபான்மையின மாணவ- மாணவிகளுக்கு கல்வி உதவித் தொகை வழங்கி வருகிறது. ஒன்று முதல் 10-ம் வகுப்பு வரை பயிலும் சிறுபான்மையினரான இஸ்லாமியர், கிறிஸ்தவர், சீக்கியர், புத்தமதத்தினர், பார்சி மற்றும் ஜெயின் மதத்தை சேர்ந்தவர்கள் குறிப்பிட்ட நிபந்தனைகளுக்கு உள்பட்டு இந்த உதவி தொகையை பெற முடியும்.

இந்த ஆண்டுக்கான கல்வி உதவித் தொகை பெற விண்ணப்பங்கள் கோரப்பட்டு உள்ளது. இதற்கு விண்ணப்பிக்க விரும்பும் சிறுபான்மையின மாணவர்கள் கடந்த கல்வியாண்டில் படிப்பில் 50 சதவீத மதிப்பெண் களுக்குமேல் பெற்றிருக்க வேண்டும். குடும்ப ஆண்டு வருமானம் ஒரு லட்சத்திற்கு மிகாமல் இருக்க வேண்டும்.

1-முதல் 8-ம் வகுப்பு வரை படிக்கும் மாணவர்கள் குறிப்பிட்ட மாதிரியான விண்ணப்பத்தை நிரப்பி 15-7-15-ந் தேதிக்குள் தாங்கள் படிக்கும் பள்ளியில் சமர்ப்பிக்க வேண்டும்.

9,10-ம் வகுப்பு படிக்கும் மாணவர்கள் இணையதளம் வழியாக 31-7-15-ந் தேதிக்குள் விண்ணப்பிக்க வேண்டும்.

இதேபோல 10-ம் வகுப்பிற்கு மேல் இதர படிப்புகளை படிக்கும் சிறுபான்மையின மாணவர்கள் 18 ஆயிரத்து 989 பேருக்கு கல்வி உதவித் தொகை வழங்கப்படுகிறது. இந்த உதவித் தொகை பெற புதிதாக விண்ணப்பிப்பவர்கள் 15-9-15-ந் தேதிக்குள்ளும், புதுப்பித்தல் முறையில் விண்ணப்பிப்பவர்கள் 10-10-2015-ந் தேதிக்குள்ளும் இணையதள விண்ணப்பத்தை சமர்ப்பிக்க வேண்டும். இது பற்றிய விவரங்களை   www.scholarships.gov.in என்ற இணையதள முகவரியில் பார்க்கலாம்.

பரிந்துரை: முஹம்மது அலி 

இந்த இடமாவது எந்த இடம் என்று தெரியுதா!?

நேற்று  (30.06.2015) சரியாக இந்திய இலங்கை நேரம் அதிகாலை 03.14am மணிக்கு இந்த தளத்தில் “அதிரையர்களே இந்த இடம் எந்த இடம் என்று உங்களால் சொல்ல முடியுமா?” என்ற தலைப்பில் ஒருபதிவை இட்டு அதில் ஒரு பசுமையான தளத்தை குறிக்கும் புகைப்படத்தையும் இணைத்து இருந்தேன்.

http://www.adirainews.net/2015/06/blog-post_124.html

இந்த நிமிடம் வரை யாராலையும் சரியாக பதில் சொல்ல முடியவில்லை. அந்த விடையை இன்ஷா அல்லாஹ் நோன்புப் பெருநாள் அன்று விடையோடு வாழ்த்து அட்டை வடிவில் உங்கள் முன் மலர்ந்து நிற்கும்.

................................................................................

சரி! இந்த இடமாவது எந்த இடம் என்று தெரியுதா?

K.M.A. ஜமால் முஹம்மது. கோ.மு.அ.

த/பெ. (மர்ஹூம்) கோ.மு. முஹம்மது அலியார்.