அதிராம்பட்டினத்தில் எஸ்டிபிஐ கட்சியின் அரசியல் பயிலரங்க நிகழ்ச்சி (படங்கள்)

அதிராம்பட்டினம், அக்.31
எஸ்டிபிஐ கட்சியின் சார்பில், அரசியல் பயிலரங்க நிகழ்ச்சி அதிராம்பட்டினத்தில் (30-10-2020) வெள்ளிக்கிழமை நடைபெற்றது.

நிகழ்வுக்கு, அக்கட்சியின் அதிராம்பட்டினம் பேரூர் தலைவர் எஸ்.அகமது அஸ்லம் தலைமை வகித்தார்.

சிறப்பு விருந்தினர்களாக அக்கட்சியின் மாநிலச் செயலாளர் வழக்குரைஞர் என்.சஃபியா, தஞ்சை தெற்கு மாவட்டத்தலைவர் என்.முகமது புஹாரி ஆகியோர் சிறப்புரை வழங்கினர். பின்னர், பயிலரங்கில் பங்கேற்றோர் எழுப்பிய கேள்விகளுக்கு பதிலளித்துப் பேசினர்.

பயிலரங்கில், எதிர்வரும் தமிழக சட்டமன்ற தேர்தல் முன்னேற்பாடு பணிகள் குறித்து பேசப்பட்டன. கட்சி சார்பில் பட்டுக்கோட்டை, பேராவூரணி ஆகிய தொகுதிகளில் நிறுத்தப்படும் வேட்பாளர்களின் வெற்றிக்காக தீவிரமாக களப்பணியாற்றுவது, அனைத்து வாக்குச்சாவடிகளுக்கு பூத் கமிட்டி நியமிப்பது என்பன உள்ளிட்டவை குறித்து எடுத்துரைக்கப்பட்டன. இப்பயிலரங்கில், பெண்கள் உட்பட கட்சி நிர்வாகிகள், உறுப்பினர்கள் பலர் கலந்துகொண்டனர்.

நிகழ்வினை, அக்கட்சியின் அதிராம்பட்டினம் பேரூர் இணைச்செயலாளர் சி.அகமது தொகுத்தளித்தார். நிறைவில், அக்கட்சியின் செயற்குழு உறுப்பினர் எம்.ஜர்ஜிஸ் அகமது நன்றி கூறினார்.

அதிராம்பட்டினம் அரிமா சங்க மாதாந்திர ஆலோசனைக் கூட்டம் (படங்கள்)

அதிராம்பட்டினம், அக்.31
தஞ்சாவூர் மாவட்டம், அதிராம்பட்டினம் அரிமா சங்க நிர்வாகிகள் ~ உறுப்பினர்கள் மாதாந்திர ஆலோசனைக் கூட்டம் 30.10.2020 அன்று வெள்ளிக்கிழமை சாரா திருமண மஹாலில் நடைபெற்றது.

கூட்டத்திற்கு, சங்கத் தலைவர் எம். அப்துல் ஜலீல் தலைமை வகித்து, வரவேற்றுப் பேசினார். செயலாளர் எம்.நிஜாமுதீன் மாதாந்திர அறிக்கை வாசித்தார். பொருளாளர் எஸ்.எம் முகமது முகைதீன் சங்க நிதி நிலை அறிக்கை வாசித்தார்.

கூட்டத்தில், பசித்தோருக்கு அன்னதானம் வழங்குவது, கண் பரிசோதனை மற்றும் அறுவை சிகிச்சை முகாம் நடத்துவது, நடைபாதை எளிய வியாபாரிக்கு தள்ளுவண்டி ஒன்றை இலவசமாக வழங்குவது, எதிர்வரும் 14-11-2020 அன்று குழந்தைகள் தினம் கொண்டாடுவது என்பன உள்ளிட்ட தீர்மானங்கள் நிறைவேற்றப்பட்டன. 

சேவைப் பணிக்காக, மாவட்ட ஆளுநரின் வாழ்த்து மடல் பெற்ற சங்கத்தலைவர் எம்.அப்துல் ஜலீலுக்கு பாராட்டுத் தெரிவிக்கப்பட்டது. நிறைவில் சங்க இயக்குநர் என்.ஆறுமுகச்சாமி நன்றி கூறினார்.

கூட்டத்தில்,  அதிராம்பட்டினம் அரிமா சங்க இயக்குநர்கள் எஸ்.ஏ அப்துல் ஹமீது, ஆர். செல்வராஜ், அரிமா சங்க நிர்வாகிகள் பி.பிச்சமுத்து, என்.யூ ராமமூர்த்தி, எம்.முகமது அபூபக்கர், எம். அப்துல் ரஹ்மான், சி.சார்லஸ், முல்லை ஆர்.மதி, குப்பாஷா எம்.அகமது கபீர், எம்.கே.எம் முகமது அபூபக்கர், பி.உமா சங்கர், கலையரசன், எம்.ஏ முகமது அபூபக்கர், ஏ.வி.எம் வரிசை முகமது, ஏ.முகமது ஆரிப், ஒய்.முகமது அபூபக்கர், எம்.ஹாஜா நசுருதீன், ஏ.அயூப்கான் உள்ளிட்ட நிர்வாகிகள், உறுப்பினர்கள் கலந்துகொண்டனர்.

மரண அறிவிப்பு ~ ஹசினா என்கிற ஷஜிதா அம்மாள் (வயது 57)

அதிரை நியூஸ்: அக்.30
அதிராம்பட்டினம், மேலத்தெரு மனுசம்பிள்ளை குடும்பத்தை சேர்ந்த மர்ஹூம் முகைதீன் அப்துல் காதர் அவர்களின் மகளும், மர்ஹூம் மு.மு காதர் பாட்சா, மர்ஹூம் மு.மு சாகுல் ஹமீது, மர்ஹூம் மு.மு நெய்னா முகமது, மு.மு சுல்தான் இப்ராஹீம் ஆகியோரின் சகோதரியும், தொப்பிக்கார வீட்டு மர்ஹூம் செ.மு சாகுல்ஹமீது அவர்களின் மருமகளும், செ.மு ஜமால் முகமது அவர்களின் மனைவியுமாகிய ஹசினா என்கிற ஷஜிதா அம்மாள் (வயது 57) அவர்கள் இன்று மாலை சானாவயல் இல்லத்தில் வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிஊன்.

அன்னாரின் ஜனாஸா இன்று (30-10-2020) இரவு 10 மணியளவில் பெரிய ஜும்மா பள்ளிவாசல் மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துஆ செய்வோம்.

மரண அறிவிப்பு ~ ஏ.முகமது தையூப் (வயது 58)

அதிரை நியூஸ்: அக்.30
அதிராம்பட்டினம், கடற்கரைத்தெருவைச் சேர்ந்த எம்.ஏ அப்துல் ரஜாக் அவர்களின் மகனும், ஏ. அப்துல்லா, ஏ. ஹாஜா முகைதீன் என்கிற குலாம் ஆகியோரின் சகோதரரும், ஏ. அய்யூப் அவர்களின் மைத்துனரும், ஏ. அப்துல் ஹாதி அவர்களின் மாமாவும், ஏ அப்துல் ரஜாக், முகமது யாசிர் ஆகியோரின் பெரிய தகப்பனாருமாகிய ஏ.முகமது தையூப் (வயது 58) அவர்கள் இன்று காலை வஃபாத்தாகி விட்டார்கள். 

இன்னா லில்லாஹி வ இன்னா இலைஹி ராஜிஊன்.

அன்னாரின் ஜனாஸா இன்று (30-10-2020) மாலை அஸர் தொழுகைக்கு பின் கடற்கரைத்தெரு ஜும்மா பள்ளிவாசல் மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துஆ செய்வோம்.

மரண அறிவிப்பு ~ ஜுலைஹா அம்மாள் (வயது 55)

அதிரை நியூஸ்: அக்.30
அதிராம்பட்டினம், காலியார் தெருவை சேர்ந்த மர்ஹும் குத்பா கலி முகமது இஸ்மாயில் லெப்பை அவர்களின் மகளும், மர்ஹும் குத்பா கலி ஹலிபுல்லா ஆலீம், மர்ஹும் அகமது அன்சாரி ஆலீம், தாஜூதீன் ஆலீம் , அபுல் ஹசன் ஆலீம் ஆகியோரின் சகோதரியும், எலக்ட்ரிஸன் அப்துல் பத்தாஹ் அவர்களின் மாமியாரும், அகமது இலியாஸ், புர்கானுதீன், ஆஷிஃப் அலி ஆகியோரின் தாயாரும், முகமது ஃபஹது அவர்களின் வாப்புச்சிவாமாகிய ஜுலைஹா அம்மாள் (வயது 55) அவர்கள் நேற்று மாலை 6 மணியளவில் M.S.M நகர் இல்லத்தில் வஃபாத்தாகி விட்டார்கள். 

இன்னா லில்லாஹி வ இன்னா இலைஹி ராஜிஊன்.

அன்னாரின் ஜனாஸா இன்று (30-10-2020) காலை 9.30 மணியளவில் பெரிய ஜும்மா பள்ளிவாசல் மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துஆ செய்வோம்.

மரண அறிவிப்பு ~ செ.சா முகமது இப்ராஹீம் (வயது 73)

அதிரை நியூஸ்: அக்.29
அதிராம்பட்டினம், நடுத்தெருவைச் சேர்ந்த மர்ஹூம் செ.சா சாகுல் ஹமீது அவர்களின் மகனும், மர்ஹும் செ.சா சேக் அப்துல் காதர், மர்ஹூம் சேக்தம்பி மரைக்காயர், மர்ஹூம் முகமது ஹசன், மர்ஹூம் செய்யது முகமது புஹாரி ஆகியோரின் சகோதரரும், அப்துல் ஜப்பார், ஹம்ஜா, இஸ்மாயில், யூனுஸ், அப்பாஸ் ஆகியோரின் தகப்பனாரும், மீ.மு பைசல் அகமது அவர்களின் மாமனாருமாகிய செ.சா முகமது இப்ராஹீம் (வயது 73) அவர்கள் இன்று மாலை கல்லுக்கொல்லை இல்லத்தில் வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிஊன்.

அன்னாரின் ஜனாஸா இன்று (29-10-2020) இரவு 9 மணியளவில் தக்வா பள்ளிவாசல் மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துஆ செய்வோம்.

தஞ்சாவூா் மாவட்டத்தில் சுகாதாரமான உணவு கிடைக்கச் செய்யும் திட்டம் தொடக்கம்!

அதிரை நியூஸ்: அக்.29
தஞ்சாவூா் மாவட்டத்தில் பொதுமக்களுக்குச் சுத்தமான, சுகாதாரமான உணவு கிடைக்கச் செய்யும் திட்டத்தை ஆட்சியா் ம. கோவிந்த ராவ் புதன்கிழமை தொடங்கி வைத்தாா்.

ஆட்சியரகத்தில் உணவு பாதுகாப்புத் துறை சாா்பில் வழிகாட்டுதல் குழுக் கூட்டம் புதன்கிழமை நடைபெற்றது. இக்கூட்டத்துக்குத் தலைமை வகித்த ஆட்சியா், மாவட்டத்தில் பொதுமக்களுக்கு சுத்தமாகவும், சுகாதாரமாகவும் உணவு தயாா் செய்து கிடைக்க உண்டாக்கப்பட்ட ( Eat Right Challenge - Thanjavur District ) ‘ஈட் ரைட் சேலன்ஜ் - தஞ்சாவூா் மாவட்டம்’ என்ற திட்டத்தைத் தொடங்கி வைத்தாா்.

இதையடுத்து ஆட்சியா் தெரிவித்தது:
மாவட்டத்தில் உணவு பாதுகாப்புத் துறை சாா்பில், உணவு பாதுகாப்பு தொடா்பாக பல்வேறு நடவடிக்கைகள் மேற்கொள்ளப்பட்டு வருகின்றன. மாவட்டத்தில் அரசு, தனியாா் நிறுவனங்களின் உரிமம் மற்றும் பதிவுகளை அதிகப்படுத்துதல், உரிமம் பெறாதவா்களுக்கு பிரிவு 63-ன் கீழ் குறிப்பாணை வழங்கப்பட்டு, வழக்குத் தொடுத்தல் போன்ற பணிகள் மேற்கொள்ளப்படுகின்றன.

மேலும், பண்டிகை காலம் நெருங்கி வருவதால், அனைத்து வணிக நிறுவனங்கள், உணவுக் கூடங்கள், பேக்கரி கடைகள் போன்றவைகளில் கரோனா விதிமுறைகள் கண்டிப்பாகப் பின்பற்றப்பட வேண்டும் என அறிவுறுத்தப்படுகிறது.மாவட்டத்தில் உணவு தொடா்புடைய பொருள்கள் தயாரிக்கும் நிறுவனங்கள் தரமற்ற உணவை தயாரித்து விநியோகித்தால், அந்நிறுவனங்கள் மீது கடும் நடவடிக்கை எடுக்கப்படும். இவற்றைக் கண்காணிக்க மாவட்ட அளவில் குழுக்கள் அமைக்கப்பட்டுள்ளது என்றாா் ஆட்சியா்.

இக்கூட்டத்தில் உணவு பாதுகாப்புத் துறை மாவட்ட உணவு நியமன அலுவலா் புஷ்பராஜ், கூடுதல் காவல் கண்காணிப்பாளா் வி. ஜெயசந்திரன், ஒருங்கிணைந்த குழந்தைகள் வளா்ச்சித் திட்ட அலுவலா் ராஜ்குமாா் உள்ளிட்டோா் கலந்து கொண்டனா். 

மரண அறிவிப்பு ~ மு.மு நெய்னா முகமது (வயது 71)

அதிரை நியூஸ்: அக்.26
அதிராம்பட்டினம், மேலத்தெரு மனுசம்பிள்ளை குடும்பத்தை சேர்ந்த மர்ஹூம் முகைதீன் அப்துல் காதர் அவர்களின் மகனும், மர்ஹும் மு.அ சாகுல் ஹமீது அவர்களின் மருமகனும், மர்ஹூம் மு.மு காதர் பாட்சா, மர்ஹூம் மு.மு சாகுல் ஹமீது, மு.மு சுல்தான் இப்ராஹீம் ஆகியோரின் சகோதரரும், அஹமது கபீர், அப்துல் ஹையூம், காதர் சுல்தான், செ.மு. ஜமால் முகமது. எம். ஜமால் முகமது, முகமது முஸ்தபா ஆகியோரின் மைத்துனரும்,  மர்ஹும் மு.அ அப்துல் பாரூக், செ.செ.கா முகமது அன்சாரி ஆகியோரின் மச்சானும், ஜாஹிர் உசேன் அவர்களின் மாமனாரும், முகமது புஹாரி, கமால் நசீர், மர்ஹூம் சேக் நசுருதீன், ஹாஜா முகைதீன், முகைதீன் அப்துல் காதர் ஆகியோரின் தகப்பனாருமாகிய மு.மு நெய்னா முகமது (வயது 71) அவர்கள் இன்று அதிகாலை 3 மணியளவில் காட்டுப்பள்ளி தெரு இல்லத்தில் வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிஊன்.

அன்னாரின் ஜனாஸா இன்று (26-10-2020) பெரிய ஜும்மா பள்ளிவாசல் மையவாடியில் நல்லடக்கம் செய்யப்படும். (நேரம் பின்னர் அறிவிக்கப்படும்)

அன்னாரின் மறுமை வாழ்வு சிறக்க துஆ செய்வோம்.

மரண அறிவிப்பு ~ செய்துன் அம்மாள் (வயது 69)

அதிரை நியூஸ்: அக்.26
அதிராம்பட்டினம், மேலத்தெருவைச் சேர்ந்த மர்ஹூம் வெ.செ அலாவுதீன் மரைக்காயர் அவர்களின் மகளும், மர்ஹூம் தாவூது இப்ராஹீம் அவர்களின் மனைவியும், மர்ஹூம் ஏ. அப்துல் ஜப்பார், மர்ஹூம் ஏ.சுல்தான் மரைக்காயர் ஆகியோரின் சகோதரியும், அஸ்ரப் அலி, அப்துல் காதர் ஆகியோரின் மாமியாரும், டி. அப்துல் மாலிக், டி.அப்துல் ஹலீம் ஆகியோரின் தாயாரும், முகமது இலியாஸ், முகமது யூசுப், அல் அமீன், அப்துல் ரஹ்மான் ஆகியோரின் பாட்டியாருமாகிய செய்துன் அம்மாள் (வயது 69) அவர்கள் இன்று அதிகாலை வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிஊன்.

அன்னாரின் ஜனாஸா இன்று (26-10-2020) பகல் லுஹர் தொழுதவுடன் பெரிய ஜும்மா பள்ளிவாசல் மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துஆ செய்வோம்.

மரண அறிவிப்பு ~ ஹாஜிமா ஆய்ஷா அம்மாள் (வயது 61)

அதிரை நியூஸ்: அக்.25
அதிராம்பட்டினம், ஆஸ்பத்திரி ரோடு மர்ஹும் நெய்னா முகமது அவர்களின் மகளும், மர்ஹூம் எஸ்.ஓ அப்துல் ரஹ்மான் அவர்களின் மருமகளும், ஹாஜி முகமது ஹுசைன் அவர்களின் மனைவியும், டாக்டர் எம்.எச் பஜ்லூர் ரஹ்மான் அவர்களின் தாயாரும், ஹாஜி அகமது மன்சூர், அப்துல் மாஜித் ஆகியோரின் மாமியாருமாகிய ஹாஜிமா ஆய்ஷா அம்மாள் (வயது 61) அவர்கள் இன்று மாலை வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிஊன்.

அன்னாரின் ஜனாஸா நாளை (26-10-2020) காலை மரைக்கா பள்ளிவாசல் மையவாடியில் நல்லடக்கம் செய்யப்படும். (நேரம் பின்னர் அறிவிக்கப்படும்)

அன்னாரின் மறுமை வாழ்வு சிறக்க துஆ செய்வோம்.

மரண அறிவிப்பு ~ சித்தி சபீக்கா (வயது 32)

அதிரை நியூஸ்: அக்.25
அதிராம்பட்டினம், காலியார் தெருவைச் சேர்ந்த மர்ஹும் நெய்னாமலை, மர்ஹூம் சேக்தாவூது ஆகியோரின் பேத்தியும், மர்ஹூம் கவாஸ்கர்  என்கிற சாகுல்ஹமீது அவர்களின் மகளும், மர்ஜூக் அவர்களின் சகோதரியும், அப்துல் காதர், முகமது காசிம், பிலால் முகமது சலீம், நவ்சாத் அலி ஆகியோரின் கொளுந்தியாவும், அப்துல் பாசித் அவர்களின் சிறிய தாயாருமாகிய சித்தி சபீக்கா (வயது 32) அவர்கள் இன்று மதியம் வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிஊன்.

அன்னாரின் ஜனாஸா இன்று (25-10-2020) இரவு இஷா தொழுகைக்கு பிறகு பெரிய ஜும்மா பள்ளிவாசல் மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துஆ செய்வோம்.

அதிராம்பட்டினத்தில் IHWVO அமைப்பின் ஆலோசனைக்கூட்டம் (படங்கள்)

அதிராம்பட்டினம், அக்.25
இந்தியன் ஹுமன் வெல்பர்ஸ் & விஜிலன்ஸ் ஆர்கனைசேசன் (IHWVO) அமைப்பின் நிர்வாகிகள் ஆலோசனைக்கூட்டம் அதிராம்பட்டினம் சாரா திருமண மஹாலில் சனிக்கிழமை நடைபெற்றது.

கூட்டத்திற்கு, அவ்வமைப்பின் மாவட்டத் தலைவர் எம்.சாகுல் ஹமீது தலைமை வகித்தார். மாவட்ட துணைத்தலைவர் சாரா எம்.அகமது முன்னிலை வகித்தார்.

கூட்டத்தில், IHWVO அமைப்பின் அதிராம்பட்டினம் பேரூர் சேர்மனாக எம்.அப்துல் ஜலீல் ஏகமனதாக தேர்வு செய்யப்பட்டார். அவ்வமைப்பின் சட்ட ஆலோசகர் வழக்குரைஞர் ஏ.முனாப் சிறப்புரை வழங்கினார். அமைப்பில் புதிதாக இணைந்த 16 பேருக்கு உறுப்பினர் அடையாள அட்டை வழங்கப்பட்டன.

முன்னதாக, அவ்வமைப்பின் அதிராம்பட்டினம் பேரூர் சேர்மன் எம்.அப்துல் ஜலீல் வரவேற்றுப் பேசினார். நிறைவில், அவ்வமைப்பின் நிர்வாக அலுவலர் பிரின்ஸ் முகமது ராவூத்தர் நன்றி கூறினார். இக்கூட்டத்தில், அவ்வமைப்பினர் பலர் கலந்துகொண்டனர்.

தஞ்சாவூர் மாவட்டத்தில் மத்திய குழுவினர் ஆய்வு!

அதிரை நியூஸ்: அக்.24
தஞ்சாவூர் மாவட்டம், நல்லவன்னியன்குடிக்காடு நேரடி நெல் கொள்முதல் நிலையத்தில் இன்று (24.10.2020) மாவட்ட ஆட்சியர் ம.கோவிந்தராவ் முன்னிலையில்  மத்திய உணவு மற்றும் தரக்கட்டுப்பாடு குழு அலுவலர்கள் யாதேந்திரஜெயின், யூனுஸ், ஜெய்சங்கர், பஷந்த் ஆகியோர் கொண்ட குழுவினர் நெல்லின் ஈரப்பதம் குறித்து ஆய்வு செய்தனர். 

அப்போது விவசாயிகளிடம் நெல்லின் தரம், ஈரப்பதம் எப்படி உள்ளது என கேட்டறிந்தனர். விவசாயிகள் கூறிய பதிலை குறிப்பெடுத்துக் கொண்டனர். பின்னர் அங்கிருந்து புறப்பட்டு தஞ்சாவூரில் இரவு தங்கினர். இந்த ஆய்வின் போது தமிழ்நாடு நுகர்பொருள் வாணிப கழக முதுநிலை மண்டல மேலாளர் (பொ) சிற்றரசு ஆகியோர் உடனிருந்தனர்.

தஞ்சாவூர் மாவட்டத்தில் நாளை 25-ம் தேதியும் இந்த குழுவினர் சில நெல் கொள்முதல் நிலையங்களில் ஆய்வு செய்ய உள்ளனர்.

'வளங்களைக் காப்போம்' கடலோர விழிப்புணர்வு பிரச்சாரம்!

அதிராம்பட்டினம், அக்.24
தேசிய மீனவர் பேரவை மற்றும் ஆதரவு அமைப்புகள் சார்பில், கடல் வளம், நிலவளம், பொதுவளம், சுற்றுச்சூழல், கடலோர மற்றும் விவசாய சமூக வாழ்வாதாரங்களை பாதுகாத்திட வலியுறுத்தி 'வளங்களைக் காப்போம்' எனும் தலைப்பில், கடலோர விழிப்புணர்வு பிரச்சாரம் அதிராம்பட்டினம் பேருந்து நிலையத்தில் சனிக்கிழமை இரவு நடைபெற்றது.

பிரசாரத்திற்கு, ஏஐடியூசி சங்க மாவட்டச் செயலர் என். காளிதாஸ் தலைமை வகித்தார். தேசிய மீனவர் பேரவை துணைத் தலைவர் குமரவேல் முன்னிலை வகித்தார். 

இதில், விவசாய தொழிற்சங்க செயலாளர் சி.பக்கிரிசாமி, ஏ.கலியபெருமாள், பாலுசாமி, பூபேஷ் குப்தா, ஏ.ஐ.ஓய்.எப் ஒன்றியச் செயலாளர் கே.ஹாஜா முகைதீன், ஒன்றிய நிர்வாகக் குழு உறுப்பினர் ஏ.எச் பசீர் அகமது, பன்னீர்செல்வம், மோகன் உள்ளிட்ட பலர் கலந்துகொண்டனர்.