அதிரையில் பணிபுரியும் பள்ளி ஆசிரியையிடம் 5 பவுன் சங்கிலி பறிப்பு !

கன்னியாகுமரி மாவட்டத்தைச் சேர்ந்தவர் கே. ஹெர்பல்பாய் (43). அதிரை ஊராட்சி ஒன்றிய நடுநிலைப் பள்ளியில் ஆசிரியையாக பணிபுரிந்து வருகிறார். பட்டுக்கோட்டை சீனிவாசபுரத்திலுள்ள தனியார் மகளிர் விடுதியில் தங்கியிருக்கும் இவர், தினமும் பேருந்தில் பள்ளிக்குச் சென்று திரும்புவார். இந்நிலையில், சனிக்கிழமை காலை பள்ளிக்குச் சென்ற இவர், மாலையில் பேருந்தில் பட்டுக்கோட்டைக்கு திரும்பினார். பேருந்து நிலையத்தில் இறங்கி விடுதிக்கு நடந்து சென்று கொண்டிருந்தபோது, அந்த வழியாக இருசக்கர வாகனத்தில் ஹெல்மெட் அணிந்து வந்த நபர், ஹெர்பல்பாய் அணிந்திருந்த 5 பவுன் தங்கச் சங்கிலியைப் பறித்துச் சென்றாராம்.

இதுகுறித்து பட்டுக்கோட்டை குற்றப் பிரிவு போலீஸார் வழக்குப் பதிந்துள்ளனர்.

நன்றி : தினமணி