அதிரையில் வேகமாக பரவி வரும் சீசன் காய்ச்சல் !

அதிரையில் கடந்த சில நாட்களாக இரவில் கடும் பனிப் பொழிவும், பகலில் குளிர்ந்த காற்றும் வீசி வருகின்றன. திடிரென ஏற்பட்ட இந்த சீதோஷ்ண நிலை மாற்றத்தால் வைரஸ், பாக்டீரியா வேகமாக பரவி தாக்குகின்றன. ஆரம்ப அறிகுறியாக ஜலதோஷமும் அதனைத்தொடர்ந்து காய்ச்சலும் ஏற்படுகின்றன. குறிப்பாக அதிகமான குழந்தைகள் இதில் பாதிக்கப்பட்டுள்ளனர். இதனால் அதிரையில் உள்ள அனைத்து மருத்துவமனையிலும் வழக்கமாக வரும் கூட்டத்தை வீட சற்று கூடுதலாக காணப்படுகின்றன.

காய்ச்சலால் பாதிக்கப்பட்டவருக்கு திடீரென உடல் நடுக்கம், தலைவலி, வாந்தி, உடல் அசதி, மயக்கம் ஏற்படுகிறது. பாதிக்கப்பட்டவர்கள் சிகிச்சைக்காக அரசு மருத்துவமனை மற்றும் தனியார் கிளினிக்குகளை நோக்கி படையெடுப்பதால் கூட்டம் அலைமோதுகிறது.

இதுகுறித்து மருத்துவத்தோடு தொடர்புடையவர்கள் கூறுகையில்...
'இந்த காய்ச்சல் சீதோஷ்ண நிலை மாற்றத்தால் ஏற்படுகின்ற வழக்கமான ஒன்று என்றும், பயப்பட தேவையில்லை. தகுந்த சிகிச்சை எடுத்துக்கொண்டால் விரைவில் குணமாகிவிடும்' என்கின்றனர்.