குமுதம் வார இதழில் வெளிவந்த அதிரையரின் கடியில்லா ஜோக் !

அதிரையின் மூத்த பத்திரிக்கையாளர்களில் ஒருவர் அதிரை புஹாரி. இவர் 1977 ஆம் ஆண்டு பிரபல வார இதழான குமுதத்தில் தனது முதல் நகைச்சுவை துணுக்கு பிரசுரமானதிலிருந்து எழுத்தார்வத்தை வளர்த்துக்கொண்டவர். இதன் தொடர்ச்சியாக பல்வேறு பத்திரிக்கைகளில் குறிப்பாக குமுதம், ஆனந்த விகடன், தினத்தந்தி, துக்ளக், குங்குமம், பாக்கியா, கல்கி  போன்றவற்றிற்கு இவர் எழுதி அனுப்பும் பல்வேறு பல்சுவை துணுக்குகள் தொடர்ந்து பிரசுரமாகி வருவதால் தொடர்ந்து மகிழ்ச்சியுடன் எழுதி வருகிறார்.

காதிர் முகைதீன் மேல்நிலைப்பள்ளியின் முன்னாள் மூத்த மாணவர்களில் ஒருவரான இவர், இதுவரை 1000 த்துக்கும் மேற்பட்ட ஜோக்ஸ்களை எழுதியுள்ளதோடு, பிரபல தமிழ் பத்திரிக்கையாளர்கள், எழுத்தாளர்களுடன் நல்ல தொடர்பில் உள்ளவர். சிறந்த பட்டிமன்ற நகைச்சுவை பேச்சாளார். இவர் சமீபத்தில் அதிரை நியூஸ் நடத்திய சிறப்பு பட்டிமன்ற நிகழ்ச்சியில் கலந்துகொண்டு சிந்தனையை தூண்டும் நகைச்சுவை உரையை நிகழ்த்தி அசத்தினார். சமிபத்தில் இவர் எழுதி அனுப்பிய ஜோக் ஒன்று இந்த வார குமுதத்தில் வெளியாகி உள்ளது.