[ 2 ] குழந்தை வளர்ப்பு எவ்வாறு இருக்க வேண்டும் ?

குழந்தைகள் நீண்ட நாட்கள் ஆரோக்கியத்துடன் இருப்பதற்கு சிறுவயதிலிருந்தே அவர்களுக்கு கொடுக்கும் உணவுகளை சரியான உணவுதான என அறிந்து கொடுப்பது பெற்றோர்களின் கடமையாகிறது. சரி  இப்போது குழந்தைகள் நீண்ட நாட்கள் நோயின்றி ஆரோக்கியமாக இருப்பதற்கு என்னவெல்லாம் செய்ய வேண்டுமென்று நிபுணர்கள் ஒருசிலவற்றை பட்டியலிட்டுள்ளனர். அதைப் படித்து தெரிந்து கொண்டு உங்களது குழந்தையை ஆரோக்கியமாக வைத்துக் கொள்ளுங்கள்.

சரியான நேரம்,
குழந்தைகளுக்கு எப்போதும் சரியான நேரத்தில் உணவைக் கொடுக்க வேண்டும். அதிலும் குறைந்தது ஒரு நாளைக்கு 6-7 முறையாவது சரியான இடைவெளியில் சாப்பிடுவதற்கு கொடுக்க வேண்டும்.

ஒரே உணவு,
குழந்தைகளுக்கு சாப்பிட கொடுக்கும் போது, அதிகமான வெரைட்டியாக உணவுகளை கொடுக்க வேண்டாம். உண்ணும் நேரம் ஒரு உணவை மட்டும் கொடுத்து பழக்க வேண்டும். மேலும் அவ்வாறு கொடுக்கும் போது, நல்ல ஆரோக்கியமான உணவுகளைக் கொடுக்க வேண்டும்.

ஜன்க் உணவுகள், 
உணவுகளை கொடுக்கும் போது, உப்பு அதிகம் உள்ள உணவையோ, எண்ணெயில் பொரித்த உணவுகளையோ அல்லது ஜன்க் உணவுகளையோ கொடுப்பதை தவிர்க்க வேண்டும்.

பானங்கள்,
குடிப்பதற்கு ஏதேனும் ஜூஸ் கேட்டால், அப்போது கார்போனேட்டட் பானங்களை கொடுப்பதற்கு பதிலாக, பழங்களால் செய்யப்பட்ட ஜூஸ் கொடுப்பது நல்லது.

போர் அடிக்க கூடாது,
குழந்தைகள் சாப்பிடும் போது, அவர்களுக்கு போர் அடிக்காத வகையில், அவர்களுடன் பேசிக் கொண்டே சாப்பிட வைக்க வேண்டும். இதனால் அவர்கள் அதனை கவனித்துக் கொண்டே சற்று அதிகமாக சாப்பிடுவார்கள்.

கண்டிக்கவோ தண்டிக்கவோ கூடாது
குழந்தைகள் சாப்பிடும் போது கண்டிக்கவோ அல்லது தண்டிக்கவோ கூடாது ஏனென்றால் அங்கேதான் அவர்களது பிடிவாதம் சாப்பாட்டிலிருந்து தொடங்கி அவர்களது அணைத்து பழக்க வழக்கங்களிலும் தொடர்ந்து இறுதியாக அவர்களது எதிர்காலமே கேள்விகுரியாகிறது.  

ஆரோக்கியமான உணவுகள்
குழந்தைகளுக்கு எந்த ஒரு உணவுகளை கொடுக்கும் போதும், அவர்களுக்கு அந்த உணவின் நன்மைகளையும் தீமைகளையும் சொல்ல வேண்டும். இதனால் அவர்கள் அதனை உணர்ந்து சரியான உணவை தேர்ந்தெடுத்து சாப்பிடுவர். உதாரணமாக, பழங்கள் மற்றும் சிப்ஸ் வைக்கும் போது, இரண்டைப்பற்றியும் சொல்ல வேண்டும். இதனால் அவர்கள் சிப்ஸை தவிர்த்து  பழங்களை அதிகம் தேர்ந்தெடுத்து சாப்பிடு வார்கள். எப்போது உணவுகளை குழந்தைகளுக்கு கொடுக்கும் போதும் அவர்களுக்கு ஆரோக்கியமானவற்றை மட்டும் தேர்ந்தெடுத்து கொடுக்க வேண்டும். இதனால் குழந்தைகளது மனம் மற்றதை நாடாமல், ஆரோக்கியமான உணவுகளை விரும்பி சாப்பிடச் செய்யும். மிக முக்கியமாக வீட்டில் அனைவரும் ஒன்றாக அமர்ந்து  குழந்தைகளுடன் சாப்பிட வேண்டும் ஏனென்றல் பெற்றோர்கள் பழக்கம் தான் பிள்ளைகளுக்கும் வரும் என்பார்கள் எனவே குழந்தைகளுடன் சேர்ந்து சாப்பிட்டால் அவர்களும் மறுக்காமல் சாப்பிடுவார்கள் மற்றும் அவர்களிடம் நெருங்கி பேசக்கூடிய சந்தர்பமாகவும் இருக்கும் மற்றும் நல்ல விசைங்கல்லை சொல்லி அவர்கள்ளை ஆரோக்கியமாக மட்டும் அல்லாமல் நல்ல குணத்துடன் வளரக்கூடிய வாய்ப்பாகவும் அமையும், எனவே பெற்றோர்களே இவற்றை முயற்சித்து இன்ஷா அல்லாஹ் வெற்றி பெறுங்கள்.

மான் A. ஷேக் [ கனடா ]