அதிரையில் இலவச சைனஸ் மருத்துவ முகாம் !

அதிரை லயன்ஸ் சங்கம் மற்றும் ராயல் பேர்ல் மருத்துவமனை இணைந்து நடத்திய மாபெரும் இலவச சைனஸ் பரிசோதனை முகாம் நமதூர் அரசினர் பெண்கள் உயர்நிலைப்பள்ளியில் இன்று [ 10-03-2013] காலை 10.00 மணி முதல் மதியம் 1.00 மணி வரை நடைபெற்றது.

டாக்டர் T.N. ஜானகிராம் M.S. D.L.O., அவர்களின் தலைமையில் மருத்துவ குழுவினர் மூக்கடைப்பு, சைனஸ் தலைவலி, அடிக்கடி தும்மல் உள்ளிட்ட நோய்களில் பாதிப்படைந்தோருக்கு  பரிசோதனைகளை மேற்கொண்டனர்.

நிகழ்ச்சிகுரிய அனைத்து ஏற்பாடுகளையும் லயன்ஸ் சங்க நிர்வாகிகள் அப்துல் ஹமீத், முஹம்மது மொய்தீன், முனைவர் மேஜர் கணபதி, பேராசிரியர் கா. செய்யது அகமது கபீர், அஹமது, சாகுல் ஹமீத், தமீம் அன்சாரி, கனகசபை உள்ளிட்டோர் செய்து இருந்தனர்.

அதிரை மற்றும் அதனை சுற்றி வசிக்கக்கூடிய ஏராளமான பொதுமக்கள் முகாமில் கலந்து கொண்டு பயனடைந்தனர்.