லேப்டாப் கேட்டு அதிரை காதிர் முகைதீன் கல்லூரி மாணவர்கள் சாலை மறியல் !

இன்று [ 04-03-2013 ] காலை 9.45 மணியளவில் அதிரை காதிர் முகைதீன் கல்லூரியின் மூன்றாம் ஆண்டு கல்வி பயிலும் மாணவர்கள் லேப்டாப் வழங்க வேண்டுமென வலியுறுத்தி சாலை மறியலில் ஈடுபட்டனர்.

மூன்றாம் ஆண்டு கல்வி பயிலும் மொத்தம் 566 மாணாக்கர்களுக்கு லேப்டாப் வழங்கப்படாமல் உள்ளது. இதனால் பாதிப்படைந்த மாணவர்கள் சாலை மறியலில் ஈடுபட்டனர். 

தகவலறிந்த அதிரை காவல்துறையினர் மாணவர்களிடம் சமரச முயற்சியில் ஈடுபட்டனர். சமாதான முயற்சி தோல்வியில் முடிந்ததையடுத்து பட்டுக்கோட்டை வட்டாட்சியர் அவர்களுக்கு தகவல் கொடுக்கப்பட்டன. 

சம்பவ இடத்திற்கு விரைந்து வந்த வாட்டாட்சியர் அவர்கள், இதுகுறித்து அரசின் கவனத்துக்கு உடனே எடுத்துச்செல்கின்றோம் என சொல்லியதையடுத்து மாணவர்கள் கலைந்து சென்றனர். இதனால் ஒரு மணி நேரம் பஸ் போக்குவரத்து பாதிக்கப்பட்டது.  

கல்லூரி நிர்வாகம் சார்பில் மாணவர்களுக்கு லேப்டாப் பெற்றுத்தர அரசை தொடர்ந்து வலியுறுத்தி வந்தன என்பது குறிப்பிடத்தக்கது.