BSNL பிராட்பேண்ட் கட்டணம் உயர்வு !

பிஎஸ்என்எல் பிராட்பேண்ட் கட்டணம் அதிரடியாக உயர்த்தப்பட்டுள்ளது. இந்த கட்டண உயர்வு கடந்த 1ம் தேதி முதல் அமலுக்கு வருகிறது. இதன்படி தற்போதுள்ள பிராட்பேண்ட் மாத கட்டண திட்டங்கள் ரூ.499ல் இருந்து 525 ஆகவும், ரூ.625ல் இருந்து 650 ஆகவும், ரூ.750ல் இருந்து 800 ஆகவும், ரூ.850ல் இருந்து 900 ஆகவும், ரூ.900ல் இருந்து 950 ஆகவும் உயர்ந்துள்ளது.

மேலும் ரூ.1000ல் இருந்து 1050 ஆகவும், ரூ.1350ல் இருந்து 1425 ஆகவும், ரூ.1700ல் இருந்து 1,800 ஆகவும், ரூ.2150ல் இருந்து 2250 ஆகவும், ரூ.3300ல் இருந்து 3500 ஆகவும், ரூ.6 ஆயிரத்தில் இருந்து 6,300 ஆகவும், ரூ.9 ஆயிரத்தில் இருந்து 9,450 ஆகவும், ரூ.15 ஆயிரத்தில் இருந்து 15 ஆயிரத்து 750 ஆகவும் உயர்த்தப்படுகிறது.

இந்த பிளான்களில் ஆண்டு வாடகை, இரண்டு மற்றும் மூன்று ஆண்டு வாடகை கட்டணங்களும் அதற்கேற்ப மாற்றப்படுகிறது. தற்போது ஒன்று, இரண்டு, மூன்று ஆண்டு வாடகை கட்டணம் செலுத்திய வாடிக்கையாளர்களுக்கு அவர்களின் ஒன்று, இரண்டு, மூன்று ஆண்டு கட்டண காலத்திற்கு பின் மாற்றப்பட்ட கட்டண விகிதம் கணக்கிடப்படும். பிற கட்டண பிளான்களில் மாற்றம் ஏதும் இல்லை.

இந்த கட்டண மாற்றங்கள் 6.4.2013 தேதியிட்ட பில்லில் இருந்து வரும். ஏற்கெனவே தற்போதுள்ள பிராட்பேன்ட் கோம்போ, அன்லிமிடெட் பிளான்களுக்கு கொடுக்கப்பட்டுள்ள இலவச தொலைபேசி எண்கள் ஜன.1ம் தேதி முதல் பிஎஸ்என்எல் நெட்வொர்க்கிற்குள் [ தரைவழி, செல்போன், வில்போன் ] செய்யப்படும் கால்களுக்கு மட்டுமே அமலபடுத்தப்பட்டுள்ளது. 

பிற நெட்வொர்க்குகளுக்கு செய்யப்படும் கால்கள் வாடிக்கையாளர்களின் பிளான்களுக்கேற்ப கணக்கிடப்படும்.

BSNL வழங்கும் ப்ரீபெய்ட் மொபைல் திட்டங்கள் விவரம் :