பிலால் நகரில் வெள்ள தடுப்பு முன்னெச்சரிக்கை நடவடிக்கையை மேற்கொண்ட அரசு !

ஏரிபுறக்கரை கிராம நிர்வாக எல்லைக்குட்பட்ட பகுதியாகிய பிலால் நகர் ரெயிவே கேட் வடிகால் வாய்க்காலை தூர்வாரும் பணியில் தஞ்சை கல்லணைக் கால்வாய் கோட்ட பொதுப்பணித்துறையினர் இன்று பகல் பொக்லைன் எந்திரம் மூலம் வாய்க்காலில் மண்டிக்கிடக்கும் முட்புதர்களை அகற்றிவிட்டு, சரிந்து காணப்படும் மண்ணை அள்ளிச் சீரமைக்கும் பணியில் ஈடுபட்டனர்.

இதுகுறித்து பொதுப்பணித்துறை அலுவலரிடம் விசாரித்த வகையில்....

'வெள்ளதடுப்பு முன்னெச்சரிக்கை நடவடிக்கையாக ஏரியின் வடிகால் வாய்க்காலை தூர்வாரும் பணி நடைபெறுகிறது. பிலால் நகர் ரெயில்வே கேட்டிலிருந்து காதிர் முகைதீன் கல்லூரி சாலை வழியாக குப்பம் வரை உள்ள வாய்க்காலில் உள்ள முட்புதர்கள் அப்புறப்படுத்தப்படும். மேலும் பருவ மழையின் போது ஏற்படும் வெள்ளம் குடியிருப்பு பகுதியில் புகாதவாறு தேவையான நடவடிக்கை மேற்கொள்ளப்படும்' என்றார்.

பணியின் போது பட்டுக்கோட்டை ஊராட்சி ஒன்றியத்தலைவர் சரோஜா மலைஅய்யன், மாவட்ட கவுன்சிலர் கண்ணகி கல்யாண சுந்தரம், பிலால் நகர் கவுன்சிலர் சித்திக், 'சமூக ஆர்வலர்' K.M.A ஜமால் முஹம்மது ஆகியோர் உடனிருந்தனர்.