குடும்ப அட்டைகளை புதுப்பித்துக்கொள்ள மாவட்ட ஆட்சியர் அழைப்பு !

தற்போது நடைமுறையில் உள்ள குடும்ப அட்டைகளின் புழங்கும் காலத்தை 1–1–2013 முதல் 31–12–2013 வரை மேலும் ஒரு ஆண்டிற்கு நீட்டித்து அரசு ஆணை பிறப்பித்து உள்ளது. அதன்படி குடும்ப அட்டைகளை புதுப்பிக்கும் பணி அனைத்து நியாய விலைக்கடைகளிலும் 1–1–2013 முதல் தொடங்கப்பட்டு தற்போது நடைபெற்று வருகிறது.

குடும்ப அட்டைகளை புதுப்பிப்பதற்கான கடைசி நாள் வருகிற 27–ந்தேதி ஆகும். இந்த பணிக்காக நியாய விலைக்கடைகளுக்கு 17–2–2013 மற்றும் 24–2–2013 ஆகிய ஞாயிற்றுக்கிழமைகள் வேலை நாட்கள் ஆகும். ஆதலால் குடும்ப அட்டைதாரர்கள் தங்களுக்குரிய நியாய விலைக்கடைகளுக்கு சென்று குடும்ப அட்டைகளை 2013–ம் ஆண்டிற்கு உடனடியாக புதுப்பித்துக்கொண்டு கடைசி நேர கூட்ட நெரிசலை தவிர்த்திடுமாறு நம்மை மாவட்ட ஆட்சியர் அவர்கள் அன்புடன் கேட்டுக்கொள்கிறார்.