மழை எதிரொலி : வெள்ளத்தால் பாதிப்படைந்த அதிரைப் பகுதிகள் !

தென்மேற்கு வங்ககடலில் புதிதாக உருவான குறைந்த காற்றழுத்த தாழ்வு நிலை காரணமாக தமிழகத்தில் பரவலாக மழை பெய்கிறது. நேற்று அதிகாலை அதிரையில் பெய்த பலத்த மழையில்  20 மில்லி மீட்டர் பதிவானது.

அதனைத்தொடர்ந்து இன்று அதிகாலை முதல் பலத்த மழை அதிரையில் பெய்து வருகின்றது. தொடர் மழையால் அதிரையில் உள்ள தாழ்வான பகுதியாக கருதப்படுகிற ஒரு சில இடங்கள் வெள்ளத்தால் மூழ்கி பாதிப்படைந்துள்ளன.

அதிகாலை முதல் பேரூராட்சி ஊழியர்களும் பாதிப்படைந்த பகுதிகளை சுத்தப்படுத்தி வருகின்றனர். புதுத்தெரு குடிசைப்பகுதியில் வெள்ளம் சூழ்ந்துள்ளது குறித்து அதிரை பேரூராட்சி தலைவர் அவர்களின் கவனத்துக்கு எடுத்துச்செல்லப்பட்டுள்ளது. உடன் துரித நடவடிக்கையில் இறங்குவதாக உறுதியளித்துள்ளார்.