அதிரை அருகே ஏற்பட்ட வாகன விபத்தில் பள்ளி மாணவிகள் உட்பட ஐந்துபேர் காயம் !

நேற்று மாலை அதிரையை அடுத்து மஞ்சவயல் ஈசிஆர் சாலையில் ஏற்பட்ட வாகன விபத்தில் இரு பள்ளி மாணவிகள் உட்பட ஐந்து பேர் காயம்.

முத்துபேட்டையை சேர்ந்தவர் சிரோமி. சம்பவத்தன்று லாரல் பள்ளியில் படிக்கும் தனது இரு மகள்கள் ஜெரின் [ வயது 9 ], ஜெனிபா [ வயது 6 ] ஆகிய இருவரையும் வகுப்புகள் முடிந்து தனது மாருதி ஆல்டோ வாகனத்தில் வீட்டிற்கு அழைத்து செல்லும் வழியில், மஞ்சவயல் என்ற கிராமத்தை கடக்கும் போது கேரளா பாலக்காட்டிலிருந்து நாகூரை நோக்கிச் சென்றுகொண்டிருந்த இன்னோவா வாகனம், மாருதி ஆல்டோவின் பின்புறமாக மோதியதில் பள்ளி மாணவிகள் உட்பட இரு வாகனங்களிலும் பயணம் செய்த ஐந்து நபர்கள் காயமுற்றனர்.

இரு மாணவிகளும் முத்துப்பேட்டை தனியார் மருத்துவமனையில் சிகிச்சைக்காக அனுமதிக்கப்பட்டுள்ளனர். விபத்து குறித்து அதிரை போலீசார் வழக்குப்பதிவு செய்து விசாரணை மேற்கொண்டு வருகின்றனர்.

Thanks : Reporter SIVA