அதிரையில் ரைஸ் மில் உரிமையாளர் வீட்டில் திருட்டு !

அதிரை ஈசிஆர் சாலையில் குடும்பத்துடன் வசித்து வருபவர் ஜெஹபர்தீன் [ வயது 47 ] இவர் 'தாசீம் ரைஸ்' என்ற மில்லை தனது பூர்விக தொழிலாக நடத்தி வருகின்றார்.

இன்று [ 04-10-2013 ] அதிகாலை சுமார் 4.45 மணியளவில் தொழுகைக்காக எழுந்து பார்க்கும் போது வீட்டின் உட்புறம் மற்றும் வெளிப்புற கதவுகள் உடைக்கப்பட்டு திறந்த நிலையிலும், பெட்ரூமில் இருந்த ஸ்டீல் பீரோல் கொல்லைபுறத்தில் வைத்து உடைத்து அதில் உள்ள 27 சவரன் ஆபரணத்தங்க நகைகள் திருட்டு போயிருப்பதை கண்டு அதிர்ச்சியடைகிறார்.

உடனே காவல்துறையினருக்கு தகவல் தெரிவிக்கப்பட்டதை அடுத்து, டிஎஸ்பி வெங்கடேசன், இன்ஸ்பெக்டர் செங்கமலக்கண்ணன் ஆகியோரின் தலைமையில் அதிரை காவல் துறையினர் சம்பவ இடத்திற்கு விரைந்து வந்து விசாரணை மேற்கொண்டு வருகின்றனர். இதனால் இந்தப் பகுதி முழுதும் பரப்பரப்பாக காணப்பட்டன.

விசாரணையில் திருடர்கள் ரைஸ் மில் குடியிருப்பு வளாகத்தில் உள்ள அனைத்து வீடுகளிலும் திருட முயற்சித்துள்ளது தெரியவந்துள்ளது. திருட்டு போன பகுதியின் அருகே கடந்த சில வருடங்களுக்கு முன்பு நகை கடை ஒன்றில் திருட்டு போனது குறிப்பிடத்தக்கது.