ஜாவியா நிறைவு நாள் நிகழ்ச்சியில் திரண்டு வந்த அதிரையர் !

அதிரை ஜாவியாவில் பல ஆண்டுகளைக் கடந்து சிறப்பாக நடத்தப்பட்டு வரும் புஹாரி ஷரீஃப் மஜ்லிஸ் கடந்த 06-10-2013 அன்று முதல் ஆரம்பமாகி தொடர்ந்து நடைபெற்று வந்தன.

தினமும் காலை நேரங்களில் புஹாரி ஷரீஃப் வாசிக்கப்பட்டு அதனைத்தொடர்ந்து மார்க்க அறிஞர்களின் சிறப்பு சொற்பொழிவும் நடைபெற்ற வந்தன. ஒவ்வொரு நாளும் நடைபெற்ற நிகழ்ச்சியில் துஆ கேட்கப்பட்டு, உணவு வழங்கப்பட்டு வந்தன. தினமும் சராசரியாக 1000 த்திலிருந்து 1500 பேர் வரை கலந்துகொண்டு சிறப்பித்து வந்தனர். குறிப்பாக விடுமுறை தினங்களில் கூட்டம் அதிகமாக காணப்படும்.

இந்த நிகழ்ச்சி தினமும் அதிகாலையில் ஆரம்பமாகி காலை 8.20 மணிவரை நடைபெற்று வந்தது. இதில் உள்ளூர் பொதுமக்களும், வெளிமாநிலத்திலிருந்து வருகை தந்த ஏராளமான சகோதரர்களும் பங்கேற்றனர். குறிப்பாக கடந்த [ 12-11-2013 ] அன்று நடைபெற்ற மஜ்லீசில் முன்னாள் மத்திய அமைச்சர் C.A. இப்ராஹீம் அவர்கள் கர்நாடாக மாநிலத்திலிருந்து வருகை தந்து கலந்துகொண்டார்.

புஹாரி ஷரீஃப் மஜ்லிஸின் இறுதி நாளான இன்று ரஹ்மானியா அரபிக் கல்லூரியின் முதல்வர் முஹம்மது குட்டி ஆலிம் அவர்களின் சிறப்பு சொற்பொழிவு நடைபெற்றது. அதனைத்தொடர்ந்து சிறப்பு துஆ ஓதப்பட்டன. முன்னதாக லெ.மு.செ. அப்துல் காதர் ஆலிம் அவர்களின் சிறப்பு துஆவும் இன்றைய மஜ்லிஸில் ஓதப்பட்டது.

கடந்த வருடத்தை போல் இந்த வருடமும் ப்ளாஸ்டிக்பை பயன்பாடுகளை தவிர்த்துக்கொண்ட ஜாவியா நிர்வாகத்தினருக்கு அதிரை பேரூராட்சியின் சார்பாக நன்றி அறிவிப்பு பேனர்கள் இரு இடங்களில் வைக்கப்பட்டிருந்தன. மேலும் பேரூராட்சி ஊழியர்கள் துப்புரவு பணியிலும் ஈடுபட்டிருந்தனர்.

தொலை தூரத்திலிருந்து வருகை வந்த பெரும்பாலானோர் தங்களின் வாகனத்தை ஜாவியா சாலையின் இருபுறமும் நிறுத்தி இருந்ததால் மஜ்லீஸ் முடியும் வரை அப்பகுதி முழுதும் நெருக்கடியாக காணப்பட்டது.

நிர்வாக கமிட்டி சார்வாக 5000 உணவு பாக்கெட்டுகளுக்கு ஏற்பாடு செய்யப்பட்டு இருந்தன. இன்றைய நிறைவு நாளில் 5000 பேர் வரை கலந்துகொண்டதாக நிர்வாகத்தினர் தெரிவித்தனர். அனைவருக்கும் உணவுகள் வழங்கப்பட்டன. பெண்களுக்கும், சிறுவர்களுக்கும் தனித்தனி இடவசதி ஏற்பாடு செய்யப்பட்டிருந்தன. நிகழ்ச்சிகுரிய ஏற்பாடுகளை ஜாவியா நிர்வாக கமிட்டியினர் சிறப்பாக செய்து இருந்தனர்.