தொகுதி பிரச்சனை குறித்து அதிரை பேரூராட்சியின் 10 வது வார்டு உறுப்பினர் சகோதரி சபூரன் ஜெமீலா அவர்களோடு ஒரு நேர்காணல் [ காணொளி ] !

அதிரைப் பேரூராட்சியின் 10 வது வார்டுக்கு உட்பட்ட பகுதிகளில் கழிவு நீர் வாய்க்கால் அடைப்புகளை சுத்தம் செய்யும் பணிகளில் ஏற்படும் கால தாமதத்தைக் கண்டித்து பொதுமக்களின் சார்பாக சாலை மறியல் போராட்டத்திற்கான அறிவிப்பு கடந்த சில நாட்களுக்கு முன்பு துண்டு பிரசுரமாகவும், நாளிதழ் மற்றும் 'அதிரை நியூஸ்' தளத்திலும் செய்தியாக வெளியிடப்பட்டன.

இதைத்தொடர்ந்து அவசரமாக கவனத்தில் எடுத்துக்கொண்ட அதிரை பேரூராட்சி நிர்வாகத்தினர் சம்பந்தபட்டோரை நேரில் அழைத்து பேச்சுவார்த்தை நடத்தினர். இதில் பாதிப்புக்குள்ளான பகுதிகள் அனைத்தையும் கவனத்தில் எடுத்துக்கொண்டு வருகின்ற இரண்டு மாதத்திற்குள் சரிசெய்து கொடுப்பதாக எழுத்து மூலம் கையொப்பமிட்டு உறுதி செய்ததையடுத்து கடந்த [ 13-06-2013 ] அன்று நடைபெற இருந்த சாலை மறியல் போராட்டம் கைவிடப்பட்டது.

இதைத் தொடர்ந்து சம்பந்தப்பட்ட 10 வது வார்டு உறுப்பினர் சகோதரி சபுரன் ஜெமீலா அவர்களை 'அதிரை நியூஸ்' சார்பாக அணுகி தொகுதி பிரச்சனை குறித்து அவர்களின் கருத்தைக்கேட்டோம்.