வரைவு வாக்காளர் பட்டியல் வெளியீடு ! உங்களுக்கு இடமுண்டா !?

இந்திய தேர்தல் ஆணையத்தின் ஆணைப்படி அக்டோபர் 1-ம் தேதியிலிருந்து 31-ம் தேதி வரை வாக்காளர் சுருக்கமுறை திருத்தப் பட்டியல் முகாம் நடைபெறவுள்ளது.  இதில் பதிவுசெய்ய 31.12.1995-க்கு முன்பு பிறந்தவர்களாகவும், 1.1.2014 அன்று 18 வயது நிரம்பியவர்களாகவும் இருக்க வேண்டும் என்பதால், தற்போது சேர்க்கப்பட உள்ள வாக்காளர்களையும் பட்டியலில் சேர்த்து, ஜனவரி முதல் வாரத்தில் இறுதி பட்டியல் வெளியிடப்படவுள்ளது.  மேலும், தேசிய வாக்காளர் தினமான ஜன. 25-ம் தேதி வாக்காளர்களுக்கு அடையாள அட்டையும் வழங்கப்பட உள்ளது.

அதன்படி, வாக்காளர் பட்டியலில் 18 வயது நிரம்பியவர்கள் இடம்பெற வேண்டும். பொதுமக்கள் தங்களுடைய பெயர் வாக்காளர் பட்டியலில் சேர்க்கப்பட்டுள்ளதா என்பதை நிர்ணயிக்கப்பட்ட வாக்குச் சாவடி மையங்களில் தொடர்பு கொண்டு அறியலாம். மேலும், இந்தப் பட்டியல்களை  www.election.tn.gov.in என்ற வலைத்தளத்திலும் காணலாம்.

தவிர, 18 முதல் 19 வயது நிரம்பியுள்ள மற்றும் விடுபட்ட நபர்களை வாக்காளர் பட்டியலில் சேர்ப்பதற்காகச் சிறப்பு சுருக்க முறை திருத்தத்தை நடத்துமாறு இந்திய தேர்தல் ஆணையம் தெரிவித்துள்ளது. இதன்படி, மாவட்டத்தில் சிறப்பு சுருக்க முறை திருத்தம் செவ்வாய்க்கிழமை (அக். 1) முதல் அக். 31-ம் தேதி வரை நடைபெறவுள்ளது. மேலும், இக்காலகட்டத்தில் அக். 6, 20, 27 ஆகிய விடுமுறை நாள்களிலும் சிறப்பு சுருக்க முறை முகாம்கள் நடைபெறவுள்ளன.