அதிரை பேரூராட்சியின் 16 வது 17 வது வார்டுகளில் சிதறிகிடக்கும் குப்பைகளால் தொற்று நோய் பரவும் அபாயம் !

அதிரை பேரூராட்சிக்கு உட்பட்ட 16 வது 17 வது வார்டு பகுதிகளில் கடந்த சில நாட்களாக சேரும் குப்பை கூளங்கள் அப்புறப்படுத்தப்படாததால் குமிந்து ஆங்காங்கே சிதறி காணப்படுகிறது. இந்நிலையில் கடந்த சில நாட்களாக அதிரையில் தொடர் மழையும் பெய்து வருவதால் தொற்று நோய் பரவும் அபாயம் இருப்பதாக  பொதுமக்கள் அஞ்சுகின்றனர்.

பேரூராட்சி நிர்வாகம் இவற்றை உடனடியாக கவனத்தில் எடுத்துக்கொண்டு துப்புரவு ஊழியர்களை அப்பகுதிக்கு அனுப்பி தேங்கி காணப்படும் குப்பைகளை அப்புறப்படுத்த வேண்டும் என அப்பகுதி மக்கள் கோரிக்கை விடுத்துள்ளனர்.

செய்தி மற்றும் படங்கள் :
நூவன்னா