இரண்டு நாள் இடைவெளிக்கு பின் அதிரையில் மீண்டும் கன மழை !

அதிரையில் கடந்த 18-ம் தேதி அதிகாலை பெய்யத் தொடங்கிய தொடர் மழை கடந்த வாரம் திங்கள்கிழமை காலை வரை நீடித்தது. பின்னர் சில மணி நேரங்கள் நின்று விட்ட மழை மீண்டும் கடந்த செவ்வாய் கிழமை அதிகாலையில் பலமாக மழை பெய்யத் தொடங்கியது.

இதில் கடந்த வெள்ளிக்கிழமை காலை 8.30 மணியுடன் முடிவடைந்த கடந்த 24 மணிநேரத்தில் அதிரையில் பெய்த மழையளவு 23 மில்லி மீட்டர் பதிவாகி இருப்பதாக கணக்கீடப்பட்டுள்ளது.

இந்நிலையில் சிறிது இடைவெளிக்கு பிறகு இன்று காலை 11 மணி முதல் மீண்டும் தொடர் கனமழை பெய்து வருகிறது. வானம் மேக கூட்டங்களால் சூழ்ந்து காணப்படுகின்றன. இடி இடித்து வருகிறது. மழை தொடர்ந்து நீடிக்கும் என எதிர்பார்க்கப்படுகிறது. அதிரையின் முக்கிய பகுதிகளின் சாலைகளில் வெள்ளம் பெருக்கெடுத்து ஓடுகிறது.

படங்கள் உதவி : செய்யது இப்ராஹீம்