அதிரையில் மீண்டும் மிதமான மழை !

அதிரையில் கடந்த 18-ம் தேதி அதிகாலை பெய்யத் தொடங்கிய தொடர் மழை கடந்த வாரம் திங்கள்கிழமை காலை வரை நீடித்தது. அதன் பின்னர் சில மணி நேரங்கள் நின்று விட்டது. இதை தொடர்ந்து மீண்டும் கடந்த செவ்வாய் கிழமை அதிகாலையில் பலமாக மழை பெய்யத் தொடங்கியது.

நேற்று காலை திடீரென கனமழை பெய்தது. இதில் அதிரை பேருந்து நிலையம், தாழ்வான பகுதியாகிய பிலால் நகர் உள்ளிட்ட முக்கிய பகுதிகளில் தண்ணீர் தேங்கி காணப்பட்டது.

இந்நிலையில் சிறிது இடைவெளிக்கு பிறகு மீண்டும் இன்று மாலை 5.30 மணி முதல் மிதமான மழை பெய்து வருகிறது. வானம் மேக கூட்டங்களால் சூழ்ந்து காணப்படுகின்றன. மழை தொடர்ந்து நீடிக்கும் என எதிர்பார்க்கப்படுகிறது.

மழைக்கு முன்பாக மேக கூட்டங்களால் சூழ்ந்து காணப்பட்ட அதிரையின் சில பகுதிகள்...