முத்துப்பேட்டை அருகே அரசுப்பள்ளி கழிப்பறை சுவர் இடிந்து விழுந்து மாணவி படுகாயம் !

முத்துப்பேட்டை அடுத்த எடையூர் அரசுப்பள்ளி கழிப்பறை சுவர் இடிந்து விழுந்து மாணவி படுகாயம். பயந்து வெளியேறிய தலைமை ஆசிரியை.
திருவாரூர் மாவட்டம், முத்துப்பேட்டை அடுத்த எடையூர் ஊராட்சி ஒன்றிய நடுநிலைப்பள்ளியில் அனைவருக்கும் கல்வி இயக்கம் சார்பில் கடந்த 2011-2012 - ஆம் ஆண்டு ரூ.70 ஆயிரம் மதிபீட்டில் கழிப்பறை கட்டப்பட்டது. போதிய தரம் இல்லாமல் கட்டப்பட்டதால் சுவர்களில் விரிசல் ஏற்பட்டு ஆபாத்தான நிலையில் இருந்துள்ளது. இதனை பெற்றோர்கள் பள்ளி நிர்வாத்திடம் பல முறை புகார் தெரிவித்தனர். ஆனால் பள்ளி நிர்வாகம் இதனை கண்டு கொள்ளவில்லை. இந்த நிலையில் நேற்று மதியம் 2 மணிக்கு எடையூர் அடுத்த சோத்திரியம் கிராமத்தை சேந்த பாலசுந்தரத்தின் மகளான 8-ம் வகுப்பு மாணவி கமலி(13) மதியம் சாப்பாடு சாப்பிட்டு விட்டு கழிப்பறைக்கு சென்றுள்ளார். அப்பொழுது ஆபத்தான நிலையில் இருந்த கழிப்பறையின் ஒரு பக்க சுவர் திடீரென்று இடிந்து விழுந்தது.

இதில் மாணவி கமலிக்கு தலையில் பலத்த காயம் ஏற்பட்டது. உடன் மாணவியை எடையூர் ஊராட்சி மன்ற தலைவர் குமரவேல் மீட்டு திருவாரூர் அரசு மருத்துவ கல்லூரி மருத்துவ மனையில் சிகிச்சைக்காக சேர்த்துள்ளார். சம்பவம் நடந்ததும் பள்ளியின் தலைமை ஆசிரியை பிரேமாவதி பயந்து அவசர அவசரமாக பள்ளியைவிட்டு வெளியேறினார். இது குறித்து எடையூர் போலீசார் விசாரணை மேற்கொண்டுள்ளனர். இது குறித்து எடையூர் அரசு மேல்நிலைப்பள்ளி மேலாண்மை குழு தலைவர் நாகராஜன் கூறுகையில்: இந்த சம்பவத்திற்கு பள்ளியின் நிர்வாகமும் ஆசிரியைகளின் அலட்சியமும் தான் காரணம். பல முறை இது குறித்து பெற்றோர்கள் புகார் கூறியும் அலட்சியப்படுத்தி விட்டனர். இந்த சம்பவம் 3 முறையாகும். இதற்கு சம்மந்தப்பட்ட கல்வி துறை தக்க நடவடிக்கை எடுக்க வேண்டும் என்றார்.

செய்தி மற்றும் படங்கள்:
நிருபர் மொய்தீன் பிச்சை
முத்துப்பேட்டை