அதிரையில் அள்ளப்படாத குப்பைகளால் தொற்று நோய் பரவும் அபாயம் !

அதிரையில் கடந்த சில நாட்களாக தொடர் மழை பெய்து வருகிறது. நகர் முழுவதும் ஈரப்பதமாக இருந்து வருகிறது. இந்நிலையில் அதிரை பேரூராட்சிக்கு உட்பட்ட சில பகுதிகளில் கடந்த சில நாட்களாக சேரும் குப்பை கூளங்கள் அப்புறப்படுத்தப்படாததால் குமிந்து ஆங்காங்கே சிதறி காணப்படுகிறது. இதனால் தொற்று நோய் பரவும் அபாயம் இருப்பதாக   பொதுமக்கள் அஞ்சுகின்றனர். பேரூராட்சி நிர்வாகம் இவற்றை உடனடியாக கவனத்தில் எடுத்துக்கொண்டு துப்புரவு ஊழியர்களை அனுப்பி தேங்கி காணப்படும் குப்பைகளை அப்புறப்படுத்த வேண்டும் என பொதுமக்கள் கோரிக்கை விடுத்துள்ளனர்.