அதிரையர்களின் மனிதநேயம் !

அதிரையில் பல ஆண்டுகளாக வசித்து வருபவர் கதிஜா பீவி ( வயது 65 ). மணமேல்குடியை சேர்ந்த இவர் அதிரையில் தங்கியிருந்து வீட்டு வேலைகள் செய்து வந்தார். இந்நிலையில் கடந்த சில வாரங்களுக்கு முன்பு உடல் நலம் மிகவும் குன்றிய நிலையில் சிகிச்சைக்காக அதிரை அரசு மருத்துவமனையில் அனுமதிக்கப்பட்டு இருந்தார். இவரை நமதூர் வழக்கறிஞர் அப்துல் முனாப், சமூக ஆர்வலர்கள் ஜமால் முஹம்மது, ஹசன் ஆகியோர் அரசு மருத்துவமனையில் அனுமதிக்க ஏற்பாடு செய்து இருந்தனர்.

இந்நிலையில் இன்று மரணமடைந்த இவரை தமுமுக தஞ்சை தெற்கு மாவட்ட பொருளாளர் அஹமது ஹாஜாவின் ஏற்பாட்டின் பேரில் தமுமுக ஆம்புலன்ஸ் மூலம் உடல் அதிரை தாருத் தவ்ஹீத் அமைப்பின் ஒரு அங்கமாகிய பிலால் நகர் இஸ்லாமிய பயிற்சி மையத்திற்கு எடுத்து செல்லப்பட்டது. அங்கு கவுன்சிலர் செளதா அஹமது ஹாஜா அவர்கள் குளிப்பாட்டும் கடமையை செய்தார். இதையடுத்து இன்று காலை தக்வா பள்ளி மையவாடியில் நல்லடக்கம் செய்யப்பட்டது. ஜனாஸா நல்லடக்கத்தில் அதிரையர்கள் கலந்துகொண்டனர். ஜனாஸா நல்லடக்கத்தின் செலவுகளை அதிரை தமுமுகவினர் ஏற்றனர். மேலும் முஹம்மது பாருக், நெய்னா முஹம்மது ஆகியோர் உடனிருந்து பணிகளை செய்தனர்.