'மாமேதை' அப்துல் கலாம் வீட்டில் செக்கடிமேடு நண்பர்கள் !

மறைந்த மாமேதை முன்னாள் குடியரசுத் தலைவர் டாக்டர் அப்துல் கலாம் அவர்களின் ஜனாஸா அவரது சொந்த ஊரான ராமேஸ்வரத்தில் கடந்த [ 30-07-2015 ] அன்று நல்லடக்கம் செய்யப்பட்டது. மாமேதை அப்துல் கலாம் அவர்களின் இறுதி சடங்கு நிகழ்ச்சியில் பங்கேற்பதற்காக இந்தியா முழுவதும் லட்சக்கணக்கான பொதுமக்கள் இராமேஸ்வரத்தில் உள்ள அப்துல் கலாம் இல்லத்திற்கு வந்து இருந்தனர்.

இந்நிலையில் பெருநாள் பண்டிகையை கொண்டாட தாயகம் வந்துள்ள செக்கடிமேடு நண்பர்கள் முஹம்மது சலீம், அஸ்லம், மீராஷா, மொய்தீன், அஹமது மொய்தீன், அப்துல் வஹாப், பைசல் ஆகியோர் இராமேஸ்வரத்தில் உள்ள 'மாமேதை' அப்துல் கலாம் இல்லத்திற்கு நேரடியாக சென்று அங்கு மாமேதை அப்துல் கலாமின் மூத்த சகோதரர் முத்து மீரா மரைக்காயர் மற்றும் மாமேதை அப்துல் கலாமின் பேரன் சேக் சலீம் ஆகியோரை சந்தித்தனர். மேலும் அங்குள்ள 'மிஷன் ஆப் லைஃப்' கண்காட்சியை ஆர்வத்துடன் பார்வையிட்டனர். மேலும் பேக்கரும்பில் உள்ள அப்துல் கலாம் நினைவிடத்திற்கு சென்று பார்வையிட்டனர்.