கேரளா மாநில அமைச்சர் எஸ்.எஸ்.பி நசுருதீன் இல்லத்திற்கு சென்று உடல் நலம் விசாரிப்பு !

கடந்த சில நாட்களுக்கு முன்பு முஸ்லீம் லீக் கட்சியின் மாநில துணை தலைவர் எஸ்.எஸ்.பி நசுருதீன் உடல் நலம் பாதிப்படைந்து மருத்துவ சிகிச்சை எடுத்துக்கொண்டு தற்போது வீட்டில் ஓய்வில் இருக்கிறார். இந்நிலையில் அதிரையில் இன்று காலை நடைபெற்ற ஜாவியா மஜ்லீஸில் பங்கேற்பதற்காக கேரளா மாநிலத்தின் பொதுப்பணிதுறை அமைச்சர் V.K. இப்ராஹீம் குஞ்சு வருகை தந்தார். மஜ்லீசை முடித்துவுடன் எஸ்.எஸ்.பி நசுருதீன் அவர்களின் இல்லத்திற்கு சென்று அவரது உடல் நலம் குறித்து கேட்டறிந்தார். விரைவில் பூரண குணமடைய தாம் இறைவனிடம் துவா செய்வதாக அவரிடம் கூறினார்.

சந்திப்பின் போது முன்னாள் நாடாளுமன்ற உறுப்பினர் அப்துல் ரஹ்மான், முஸ்லீம் லீக் கட்சியின் மாநில செயலாளர் ஆடுதுறை ஷாஜஹான், மாநில இளைஞர் அணியின் துணை செயலாளர் வழக்கறிஞர் அப்துல் முனாப், நகர தலைவர் K.K. ஹாஜா,  A. சேக் அப்துல்லா, அபூபக்கர், மாவட்ட பிரதிநிதி ஜமால் முஹம்மது, 'மணிச்சுடர் நிருபர்' சாகுல் ஹமீது மற்றும் அதிரை நகர முஸ்லீம் லீக் கட்சியினர் உடன் இருந்தனர்.