அதிரையை நோக்கி தவழ்ந்து வரும் ஆற்று நீரை வரவேற்க சேர்மன் அழைப்பு !

தமிழக முதல்வர் செல்வி ஜெயலலிதா அவர்களின் உத்திரவிற்கிணங்க தஞ்சை மாவட்டம், கல்லணையிலிருந்து காவிரி டெல்டா பாசனத்திற்காக கடந்த 13-08-2015 அன்று கல்லணையிலிருந்து பாசனத்திற்காக தண்ணீர் திறந்து விட்டப்பட்டது. கல்லணையிலிருந்து டெல்டா சாகுபடிக்காக  தண்ணீர் திறந்து விடப்பட்டதை அடுத்து கடைமடை பகுதிகளில் தண்ணீர் தவழ்ந்து வந்து கொண்டிருக்கின்றன.

இந்நிலையில் வறண்டு கிடக்கும் அதிரை பேரூராட்சி எல்லைக்குட்பட்ட அனைத்து குளங்களுக்கும் தண்ணீர் திறந்துவிடக்கோரி அதிரை பேரூராட்சி தலைவர் எஸ்.ஹெச் அஸ்லம் அவர்கள் மாவட்ட பொதுப்பணித்துறை செயற்பொறியாளர் மற்றும் உதவி செயற்பொறியாளர் ஆகியோரை தனித்தனியே சந்தித்து கோரிக்கை மனுக்கள் அளித்தார்.

இந்நிலையில் இவர் மேற்கொண்ட முயற்சிக்கு பலனளிக்கும் வகையில்
இன்னும் சில மணி நேரங்களில் ஆற்று நீர் சிஎம்பி வாய்க்கால் வழியே அதிரை குளங்களுக்கு வரஇருக்கிறது. தவழ்ந்து வரும் ஆற்று நீரை பாதுகாப்பாக ஊர் கொண்டு வந்து வறண்டு காணப்படும் அதிரையின் அனைத்து குளங்களுக்கு நிரப்ப தன்னார்வலர்கள் ஒத்துழைப்பு வழங்க வேண்டும் என அதிரை பேரூராட்சித் தலைவர் எஸ்.ஹெச் அஸ்லம் அன்புடன் அழைப்பு விடுத்துள்ளார்.

மேலும் ஊழியர்களின் உதவியோடு சிஎம்பி வாய்க்காலில் ஏற்பட்டுள்ள அடைப்பு - உடைப்புகளை சீர்செய்யும் பணிகளில் மும்முரமாக ஈடுபட்டு வருகிறார்.