காதிர் முகைதீன் கல்லூரி மற்றொரு மாணவன் பல்கலைகழக அளவில் மூன்றாம் இடம் பிடித்து சாதனை !

அதிரையை சேர்ந்தவர் என். அஜ்மல்கான் இவரது மகன் இம்ரான்கான். சென்ற 2013 - 15 ஆம் கல்வியாண்டில் நமதூர் காதிர் முகைதீன் கல்லூரியில் வேதியியல் பாடப் பிரிவில் முதுகலை பட்டப்படிப்பு பயின்று வந்தார்.

இந்நிலையில் திருச்சி பாரதிதாசன் பல்கலைகழகம் சார்பில் தேர்வு முடிவுகள் வெளியானதில் இம்ரான்கான் பல்கலைகழக அளவில் மூன்றாம் இடம் படித்து சாதனை நிகழ்த்தியுள்ளார். நமது கல்லூரிக்கும் - பிறந்த ஊருக்கும் பெருமை தேடித்தந்த மாணவனை கல்லூரி நிர்வாகம், கல்லூரி முதல்வர், துணை முதல்வர், துறை தலைவர்கள், பேராசிரியர்கள், அலுவலக ஆய்வக பணியாளர்கள், சக மாணவர்கள் - பெற்றோர் - உறவினர்கள் மற்றும் நண்பர்கள் பாராட்டி வாழ்த்து தெரிவித்து வருகின்றனர்.

இதே பாடப்பிரிவில் காதிர் முகைதீன் கல்லூரியின் மாணவன் முஹம்மது ஹுசைனுதீன் பல்கலைகழக அளவில் முதல் இடம் படித்து சாதனை நிகழ்த்தியுள்ளது குறிப்பிடத்தக்கது.