அதிரை ஈசிஆர் சாலையில் 'பேரிகார்ட்' அமைத்து கொடுத்த கரையூர்தெரு கிராமவாசிகள் !

கரையூர்தெரு செல்லும் ஈசிஆர் சாலை அருகே ஏற்படும் வாகன விபத்துகளை தவிர்க்கும் வகையில் கரையூர்தெரு கிராமவாசிகள் பிறர் போற்றும் வகையில் அதிரை காவல்நிலைய போலீஸ் நிர்வாகத்துடன் இணைந்து வாகன வேகத்தை கட்டுப்படுத்த காவல் தடுப்பு அரண்கள் [ பேரிகார்ட் ] அமைத்து கொடுத்துள்ளனர்.

இதையடுத்து இந்த பகுதியை கடந்து செல்லும் இருசக்கர மற்றும் இதர வாகனங்கள் மிகுந்த கவனத்துடனும். மிதமான வேகத்துடன் செல்கின்றன. விபத்தை தடுக்கும் நோக்கில் சிறப்பான சேவையை மேற்கொண்ட கரையூர் தெரு கிராமவாசிகளை பலரும் பாராட்டுகின்றனர்.

இதைபோன்று அதிரையின் விபத்து பகுதி என கருதப்படும் பிற பகுதிகளிலும் பேரிகார்ட் அமைப்பதற்கு காவல்துறையுடன் இணைந்து செயல்பட சமூக அமைப்புகள் முன்வர வேண்டும் என கோரிக்கை எழுந்துள்ளது.